Tímarit lögfræðinga - 01.10.1983, Blaðsíða 47
Eftir hádegið á þriðjudeginum var okkur boðið að kynnast starfsemi stærstu
lögmannsstofu í Washington D.C. Firma þetta ber heitið Covington & Burling.
Með ólíkindum var að sjá alla aðstöðu á skrifstofunni en því miður höfðum
við ekki þann tíma til ráðstöfunar að dygði til að kynnast starfseminni nema á
yfirborðinu. Hjá firmanu starfa 209 lögfræðingar, þar af er 81 eigandi
(partners) og 120 fulltrúar (associates). Samt var okkur tjáð, að þetta væri rétt
rúmlega meðalskrifstofa á bandaríska vísu.
Starfsfyrirkomulag er yfirleitt þannig, að unnið er tiltölulega sjálfstætt í litl-
um hópum. T.d. er algengt að einn eigandi starfi með 2 fulltrúum. Hver hópur
hefur sín sérstöku verkefni. Hóparnir visa svo hver á annan eftir því á hvaða
sviði verkefni eru. Þarna er sérþekking manna greinilega meira notuð en hér
á landi. Skrifstofurnar eru að sjálfsögðu tölvuvæddar, og er t.d. hægt á auga-
bragði að kalla fram dóma um afmörkuð málefni. Mjög stórt bókasaín var
þarna með bókasafnsfræðinga í fullu starfi.
Á hverju ári eru u.þ.b. 20 nýir fulltrúar ráðnir til starfa. Eru höíð öll spjót
úti til að fá sem hæfasta menn. Eru menn frá firmanu sendir á hverju ári til
þekktustu lagaháskólanna og ágæti staríseminnar kynnt. Standi fulltrúi sig
vel í starfi, getur hann átt von á því að gerast meðeigandi eftir 5-8 ár. Eigend-
ur meta störfin og skera úr um, hvort taka eigi fulltrúann í þeirra hóp.
Firmað heldur uppi ókeypis lögfræðiþjónustu fyrir aðila, sem ekki hafa efni
á að ráða sér lögmann. í þessu verkefni starfa 3 lögmenn og 2 einkaritarar í
fullu starfi. Lögð er mikil áhersla á eftirmenntun, aðallega stutt námskeið og
fyrirlestra.
Við vorum forvitnir um, hversu mikið bandarískir lögmenn bæru úr býtum.
Aðallega miðast þóknun við útselda tímavinnu, en einnig er algengt, t.d. í
skaðabótamálum, að lögmaður áskilji sér fyrirfram ákveðinn hlut af því sem
kann að vinnast, en taki ekkert ef mál tapast. Okkur var tjáð, að útseld tlma-
vinna væri um $90. Miðað við aðrar upplýsingar hef ég grun um, að þarna
hafi verið átt við útselda vinnu fulltrúa og að þóknun eigenda sé allnokkru
hærri eða allt að $ 200. Þessi þóknun virðist há á (slenska vlsu, en þó skal
tekið fram, að allur kostnaður er mjög mikill, t.d. eru byrjunarlaun fulltrúa um
$ 40.000.—. á ári.
Þátttakendur í þessari námsferð lögmanna voru: Arnmundur Backman hdl.,
Ásmundur Jóhannsson hdl., Benedikt Ólafsson hdl., Bragi Björnsson hdl.,
Brandur Brynjólfsson hrl., Gestur Jónsson hrl., Gísli B. Garðarsson hdl., Gunn-
ar Helgason hrl. og Halldóra Kristjánsdóttir, Gunnar Sólnes hrl., Gunnlaugur
Þórðarson hrl., Hafþór Ingi Jónsson hdl., Héðinn Finnbogason hdl., Ingi Ingi-
mundarson hrl. og Hólmfríður Jóhannesdóttir, Ingvar Björnsson hdl., Jóhann
Steinason hrl. og María Finsen, Jón Steinar Gunnlaugsson hrl., Jónas Haralds-
son hdl., Kristinn Sigurjónsson hrl., Kristján Eiríksson hrl. og Eiríka Þórðar-
dóttir, Ólafur Axelsson hrl., Ólafur Gústafsson hdl., Ólafur Ragnarsson hrl.,
Páll S. Pálsson hrl. og Guðrún Stefánsdóttir, Reinhold Kristjánsson hdl., Sig-
urður Sigurjónsson hdl., Sigurmar K. Albertsson hdl., Skarphéðinn Þórisson
hrl., Svanur Þór Vilhjálmsson hdl., Þorvaldur Lúðvíksson hrl. og Ásdís Ólafs-
dóttir.
Hafþór Ingi Jónsson.
101