Tímarit lögfræðinga - 01.11.1993, Blaðsíða 18

skrifuð út frá aðstæðum á íslandi og því nauðsynlegt að gera í stuttu máli grein
fyrir þeim forsendunt sent þar eru.
2 ÍSLENSKAR AÐSTÆÐUR
2 a Einkaréttur til málflutnings
Á íslandi eru í gildi sérstök lög um málflytjendur sem eru að stofni til frá árinu
1942. Samkvæmt lögunum hafa lögmenn einkarétt til málflutningsstarfa fyrir
dómstólum með undantekningum er varða aðila máls og honum nákomna
menn. Til þess að öðlast réttindi til málflutnings þarf viðkomandi að vera
lögfræðingur og auk þess þarf hann að uppfylla nokkur almenn hæfisskilyrði.
Dómsmálaráðherra veitir málflutningsréttindi að þessum skilyrðum uppfyllt-
um.
2 b Lögmenn eru opinberir sýslunarmenn. Skylduaðild að LMFÍ
Samkvæmt sömu lögum eru lögmenn opinberir sýslunarmenn og bera skyldur
sem slíkir. Þær skyldur hafa fyrst og fremst gildi að því er varðar refsiábyrgð í
starfinu. Þá ber starfandi lögmanni skylda til þess að vera í félagi lögmanna.
Þetta félag, Lögmannafélag íslands, setur sér samþykktir sem staðfestar skulu af
dómsmálaráðherra. Stjórn félagsins hefur lögbundið eftirlitshlutverk með lög-
mönnum og vissar heimildir til þess að beita lögmenn viðurlögum. Félagið setur
reglur um góða lögmannssiði (codex ethicus) sem félagsmönnum ber að virða í
starfi sínu.
2 c Lögmönnum er ekki skylt að kaupa ábyrgðartryggingu
íslenskum lögmönnum er ekki skylt að kaupa ábyrgðartryggingar vegna starfs
síns. Slíkar vátryggingar eru þó forsenda þess að heinrilt sé að lögum að ráða
lögmenn til tiltekinna starfa, t.d. við skiptastjórn. Samkvæmt upplýsingunr frá
skrifstofu Lögmannafélags íslands er talið að ríflega 50% starfandi lögmanna
séu með ábyrgðartryggingar vegna starfsábyrgðar.
2 d Engar reglur um meðferð vörslufjár (klientkonto)
Á íslandi eru ekki heldur sérstakar reglur um skyldur lögmanna varðandi
meðferð vörslufjár (klientkonto reglur). Sú almenna skylda hvílir á lögmanni
samkvæmt siðareglum Lögmannafélagsins og landslögum að halda fjármunum
viðskiptamanna aðgreindum frá eigin fé, en hvergi er sagt með hverjum hætti
það skuli gert. Þegar af þeirri ástæðu að reglur um meðferð vörslufjár hafa ekki
verið settar á íslandi er eftirlit Lögmannafélags íslands með því að lögmenn fylgi
góðum lögmannssiðum við meðferð vörslufjár í reyndinni ekki fyrir hendi.
154