Tímarit lögfræðinga - 01.11.1993, Blaðsíða 41
ráðuneytið um tímagjaldsviðmiðun fyrir réttargæslustörf, tölvumál lögmanna
og aðstaða í nýja dómhúsinu við Lækjartorg.
Magnús Thoroddsen, hrl., formaður laganefndar gerði grein fyrir störfum
nefndarinnar og frumvörpum, sem henni hefðu borist til umsagnar, alls 20
frumvörpum.
Jóhann H. Níelsson, hrl., gerði grein fyrir störfum bókasafnsnefndar og á
hvern hátt hún hefði haldið áfram uppbyggingu bókasafns L.M.F.Í.
Marteinn Másson, framkvæmdastjóri L.M.F.Í., gerði grein fyrir reikningum
félagsins fyrir árið 1992 og svaraði nokkrum fyrirspurnum um þá.
Meðal dagskrárliða var tillaga Gunnlaugs Þórðarsonar, hrl., um breytingu á
2. mgr. 6. gr. samþykkta L.M.F.Í., sem hljóðaði svo: „Aðalfundur er lögmætur
ef löglega er til hans boðað.“ Eftir nokkrar umræður og breytingartillögu frá
stjórn L.M.F.Í. breytti flutningsmaður tillögu sinni á þá leið að í stað orðanna
...í Reykjavík“ í samþykktunum kæmu orðin „... á íslandi“ og var sú tillaga
samþykkt nteð 54 atkvæðum af 72 og taldist því löglega samþykkt.
Dagskrárlið um áhrif samkeppnislaganna á samþykktir, siðareglur og
gjaldskrá L.M.F.Í. var frestað til framhaldsaðalfundar.
Eitt helsta mál á dagskrá aðalfundarins var aðildarumsókn L.M.F.Í. að Ráði
lögmannafélaga í Evrópubandalagslöndunum (CCBE). í framsöguræðu for-
manns L.M.F.Í. um þennan dagskrárlið var eftirfarandi tillaga stjórnarinnar
lögð fyrir fundinn: „Aðalfundur LMFÍ haldinn hinn 26. mars 1993 heimilar
stjórn félagsins að ljúka viðræðum við stjórn CCBE og semja um aðild LMFÍ að
samtökunum, enda náist að mati stjórnarinnar viðunandi samkomulag um
reglur um atvæðamagn og árgjald aðildarsamtakanna.“ Formaðurinn gerði
grein fyrir tillögunni og hvatti fundarmenn til að samþykkja hana. Að lokinni
framsöguræðunni hófust miklar untræður unt tillöguna og voru menn ekki á einu
máli. Andstæðingar hennar settu væntanlegan kostnað af aðild að CCBE helst
fvrir sig. Einnig var gagnrýnt að CCBE hefði ekki verið nægilega kynnt
félagsmönnum, hvorki uppbygging samtakanna né markmið, hvorki samþykkt-
ir þeirra né siðareglur. í umræðunum kom fram tillaga frá Jóni Steinari
Gunnlaugssyni, hrl., um að fundurinn samþykkti að fela stjórninni að kanna til
þrautar hvaða skilmálar byðust félaginu við hugsanlega aðild þess að CCBE,
þ.m.t. hvaða kostnaður fylgdi aðild. Þá léti stjórnin gera skýrslu um kosti og
galla aðildar og þ.m.t. hvort skaðvænlegt væri fyrir félagið að standa utan
CCBE. Nokkrar umræður urðu um þessa tillögu. í atkvæðagreiðslu var hún
samþykkt með þó nokkrum meirihluta atkvæða.
Fleiri mál voru ekki á dagskrá fundarins og var honum síðan frestað til
framhaldsaðalfundar.
Á fyrsta fundi nýkjörinnar stjórnar eftir aðalfundinn skipti hún með sér
verkum. þannig að Andri Árnason, hrl., er ritari, Ásdís Rafnar, hdl., er
177