Tímarit lögfræðinga - 01.11.1993, Blaðsíða 21

væri í samræmi við starfshætti eða venjur sem myndast hefðu meðal lögmanna.
Slíkt verður þó ekki fyrirfram útilokað.
Það liggur í hlutarins eðli að sakarmat varðandi sérfræðistarf er strangara en
almennt gerist. Sá sem leitar til sérfræðingsins á rétt á því að gera meiri kröfur en
sá sem leitar til aðila sem ekki telst sérfræðingur. Ekki verður deilt um það
grundvallarsjónarmið að beita skal ströngu sakarmati gagnvart sérfræðingum
eins og lögmönnum.
Hér verður þó jafnan að hafa í huga þá staðreynd að sakarmatið fer fram eftir
á. Það er auðvelt að vera vitur eftir á. Störf lögmanna fela oftar en ekki í sér val á
milli kosta þar sem ekki er fyrirfram auðvelt að sjá hver kosturinn er vænlegast-
ur. Það er engin „rétt“ lausn til. Ákvörðun verður að taka áður en slíkt kemur í
ljós. Við sakarmatið verður annars vegar að hafa í huga þá sérfræðikunnáttu sem
fyrir hendi átti að vera og var ástæða þess að til lögmannsins var leitað og hins
vegar hvort í raun var til „rétt“ ráðgjöf við gefnar aðstæður. Augljóslega getur
oft orðið mjótt á munum við þetta mat.
Strangt sakarmat þarf því ekki að leiða til þess að lögmaður verði skaðabóta-
skyldur gagnvart skjólstæðingi sínum þótt ráðgjöf hans reynist „röng“ eftir á séð.
Matið á að sjálfsögðu að miðast við þær aðstæður sem fyrir hendi voru þegar
starfið var unnið.
5 REGLAN UM VINNUVEITANDAÁBYRGÐ
Reglan um ábyrgð vinnuveitanda á skaðaverkum starfsmanna sinna gildir
gagnvart lögmönnum eins og öðrum vinnuveitendum. Reglan tekur bæði til
löglærðra starfsmanna og annarra starfsmanna. í siðareglum lögmanna segir í 1.
mgr. 34. gr. að lögmaður beri persónulega ábyrgð á störfum fulltrúa sinna. í 36.
gr. siðareglnanna segir að lögmaður skuli hafa góða skipan á skrifstofu sinni,
vaka yfir störfum starfsliðs síns og líta eftir því, að lögmannsfulltrúar fylgi
góðum lögmannsháttum.
Á grundvelli þessara ákvæða í siðareglum lögmanna er skaðabótaábyrgð
þeirra nokkuð víðtækari en almennt gildir um vinnuveitendur. Lögmenn bera
ekki einungis ábyrgð vegna sakar starfsmanna sinna heldur getur á þá fallið
víðtækari ábyrgð vegna skyldu til eftirlits með störfum einstakra starfsmanna,
þótt engin sök verði fundin hjá starfsmanninum.
6 ÁBYRGÐ Á ATHÖFNUM SJÁLFSTÆÐRA VERKTAKA
í 10. gr. siðareglna Lögmannafélags íslands segir að lögmanni beri að leita
samþykkis skjólstæðings síns, ef fela þurfi mál hans öðrum lögmanni. Samagildi
að jafnaði ef leita þurfi annarrar sérfræðiaðstoðar, sé verulegur kostnaður því
samfara.
157