Tímarit lögfræðinga - 01.11.1993, Page 37

hefði þróunin síðustu ár verið þannig að slíkum málum hefði fjölgað frá ári til árs
og þyrfti vart að nefna það hvílíkur baggi meðferð þessara mála væri á stjórninni
og starfsemi félagsins í heild. Formaðurinn sagði að af þessum málum hefðu 32
verið felld niður, ýmist beint eða að undangengnu áliti stjórnar. Úrskurðir hefðu
verið kveðnir upp í 8 málum og sérstakar álitsgerðir samdar í 3 málum. Frávísun
hefðu sætt 1 mál og 3 hefðu verið afturkölluð. Ólokið væri 27 málum og væri það
óvenjulega mikið, en þess bæri að geta að á fyrstu 3 mánuðum þessa árs hefðu
um 20 mál borist stjórninni. Formaðurinn sagði að það hefði gerst fjórum
sinnum á starfsárinu að úrskurðir stjórnarinnar hefðu verið kærðir til Flæstarétt-
ar Islands. Ein kæran hefði verið dregin til baka, en í hinum þremur kærumálun-
um hefði Hæstiréttur staðfest úrskurði stjórnarinnar með vísan til forsendna
þeirra.
Greindi formaðurinn frá því að félagsmenn væru 380 talsins, þar af 135
hæstaréttarlögmenn og245 héraðsdómslögmenn. Heiðursfélagi væri einn, Egill
Sigurgeirsson, hrl.
Formaður greindi frá því að stjórnin hefði veitt 37 umsagnir um málflutnings-
leyfi. Stjórnin hefði breytt afstöðu sinni í umsagnarmálum og mæli ekki með
útgáfu leyfis til lögfræðinga í annarra þjónustu nema þeir fáist við lögmannsstörf
eða séu að hverfa að lögmannsstörfum. Stjórnin hefði og lagst gegn veitingu
málflutningsleyfis til lögfræðings, sem hefði verið skráður fulltrúi hjá lögmanni,
en hefði ekki verið það í raun samkvæmt upplýsingum þeim sem stjórnin hefði
aflað. Dómsmálaráðuneytið hefði sem fyrr haft sjónarmið félagsstjórnarinnar
að engu. Samtals hefðu verið gefin út 20 ný málflutningsleyfi í héraði og hefðu
allir hinir nýju leyfishafar verið teknir í félagið. Að auki hefðu 10 nýjir
félagsmenn bæst við. sem hefðu leyst til sín réttindi frá fyrri tíma.
Formaðurinn gerði nokkra grein fyrir almennum félagsstörfum á starfsárinu.
Hinn 12. júní 1992 var haldinn hádegsverðarfundur um stöðu lögmanna innan
EES. Frummælandi var Lilja Ólafsdóttir, sendiráðunautur. Hinn 8. október
1992 var haldinn fundur um verklagsreglur tryggingafélaganna. Frummælendur
voru Magnús M. Norðdahl, hdl., VilhjálmurH. Vilhjálmsson, hrl. og Viðar Már
Matthíasson, hrl. Hinn 17. desember 1992 var haldinn jólafundur með Dómara-
félagi íslands. Ræðumaður var Ari Edwald, aðstoðarmaður dómsmálaráð-
herra.
Næst greindi formaðurinn frá því að hinn 22. maí hefði félagið haldið málþing
ásamt Dómarafélagi Islands um Hæstarétt íslands. Þátttakendur hefðu verið
200. Hinn 5. febrúar 1993 hefði félagið tekið þátt í málþingi sem Félag
Félagsráðgjafa hefði staðið fyrir ásamt fleiri um barnarvernd og fjölmiðla.
Meðal framsögumanna hefði verið Hrefna Friðriksdóttir, hdl., sem hefði fjallað
um viðfangsefnið út frá sjónarmiði lögmanns.
Formaðurinn sagði að haldið hefði verið áfram réttarfarsnámskeiðum þeim
173