Tímarit lögfræðinga - 01.04.1994, Qupperneq 40

Hörður Jóhannesson
er yfirlögregluþjónn hjá
Rannsóknarlögreglu ríkisins
Höröur Jóhannesson:
HRAÐARI MEÐFERÐ JÁTNINGARMÁLA
Höfundur flutti á dómsmálaþingi 12. nóvember 1993 erindi það sem hér er
birt lítið breytt.
I.
Þeir sem starfa á þeim vettvangi sem hefur verið kallaður dómskerfið, hafa
við ýmis tækifæri rætt leiðir til að hraða meðferð mála, ekki vegna þess að
gagnrýni utanfrá hefur lengstum snúist um seinagang þessa annars ágæta
kerfis, heldur vegna þess að því miður hafa komið upp mál sem gáfu tilefni
til þess. Það er daglegt viðfangsefni hjá Rannsóknarlögreglu ríkisins að fást
við sívaxandi fjölda mála og reyna að koma þeim áfram í gegnum rannsókn
þar sem allir starfsmenn eru hlaðnir verkefnum. Það er því ágætt tækifæri að
fá að ræða hér hraðari meðferð játningarmála og heyra sjónarmið annarra um
það efni.
II.
Markmið rannsóknar er að afla allra nauðsynlegra gagna til þess að
ákæranda sé fært að ákveða að henni lokinni hvort sækja skuli mann til sakar,
svo og að afla gagna til undirbúnings málsmeðferðar, eins og segir í 67. grein
laga um meðferð opinberra mála nr. 19, 1991. Með orðinu rannsókn í þessu
sambandi er eingöngu átt við aðgerðir lögreglu og ákæruvalds til að upplýsa
mál og búa það undir saksókn en málsmeðferð tekur til reksturs máls eftir
útgáfu ákæru.
Þetta ákvæði má skilja samkvæmt orðanna hljóðan og segja sem svo að
með rannsóknum sínum sé rannsóknarlögregla fyrst og fremst að sinna
ákæruvaldinu, ef svo má að orði komast, þau gögn, skýrslur og sönnunargögn,
sem verða til og er aflað við rannsókn lögreglunnar eru fyrir ákæruvaldið til
34