Árbók Háskóla Íslands - 01.01.1968, Page 17

15
sig mikilvægt, að stúdentar taki snemma ákvörðun um þetta
efni. Hins vegar vill Háskólinn koma miklu fleiri stúdentum
til þroska en raun ber vitni um, og verður að leita færra
úrræða af fullkomnu raunsæi. Ég skal aðeins nefna nokkur
úrræði án þess að tök séu á að ræða þau nánar. Tvímæla-
laust þarf að efla kynningu á háskólanámi í menntaskólum og
vinna skipulega að þeim málum. Þegar í Háskólann kemur, er
brýn þörf á ráðunautum við nám í hverri grein, er leiðbeini
stúdentum og leggi þeim margvísleg ráð, og er mikilvægt, að
stúdentar eigi aðgang að slíkum mönnum. Hefir háskólaráð
oftar en einu sinni óskað eftir heimild til ráðningar slíkra
manna. Kennslu á fyrsta ári þarf að sníða meir við hæfi byrj-
enda en nú er gert og reyna að brúa bilið milli þessara tveggja
skólaheima á sem virkastan hátt. 1 flestum eða öllum deildum
Háskólans eru nú forpróf þegar á fyrsta ári, og er það til stór-
bóta, því að miklu skiptir, að sem fyrst á námsferli manna
sé úr þvi skorið, hvort stúdent sé hæfur til þess náms, sem
hann hefir skráð sig til, og til þess að stúdent fái að öðru leyti
vitneskju um, hversu hann standi að vigi í náminu. Af ýmsum
ástæðum tel ég, að greina eigi betur en nú er gert milli hinna
almennu háskólaprófa og framhaldsnáms eða sérnáms í grein,
greina eigi milli „undergraduate" náms og „graduate" náms,
og miða yfirleitt við það, að hægt sé að ljúka hinum almennu
háskólaprófum, kandídatsprófi eða B.A.-prófi, eftir 4 ár. Síðan
taki við sérnám fyrir þá, sem vilja halda lengra, og það nám
þarf að styrkja stórkostlega hér við skólann og taka upp fyrir-
lestra og margvíslega kennslu fyrir þá, sem búast undir meist-
arapróf, licentiatpróf og doktorspróf. Fjöldi þeirra kandídata
héðan frá Háskólanum, sem ljúka þessum æðri prófum, er
allt of takmarkaður. Er þetta vandamál sjaldan rætt, en er
þó eitt brýnasta áhugamál okkar Háskólans manna. Hér ligg-
ur mikið við — Háskólinn og aðrar vísindastofnanir og þjóð-
félagið í heild fá ekki þann vísindalega mannafla, sem þeim er
brýn þörf á, nema aðstreymi verði talsvert meira en nú er
að þessu vísindalega sérnámi. Ég ætla, að ef námstími til hinna
almennu háskólaprófa er styttur, geti prófessorar Háskólans