Búnaðarrit - 01.06.1917, Page 35

BÚNAÐARBJT
193
50 lítrum af vatni. Þegar vökvarnir eru fullgerðir, er
kalkblöndunni helt yflr í blásteinsvökvann gegnum síu,
svo óhreinindi úr kalkinu fari ekki með. Er nú vökvinn
albúinn; þó er rétt að athuga það nánar; má gera það
með því að bregða hnífsblaði niður i hann; verði það
rautt, þarf að bæta við meiri kalkblöndu. Undir blásteins-
vökvann á að nota tréílát. Helzt á að dreifa vökvanum
á trén á meðan hann er alveg nýr. Til þess á að hafa
sérstakan dreifara, svo vökvinn leggist sem úði á trén,
en þeir dreifarar eru nokkuð dýrir. Bjargast má við
vatnsbyssu (blomster-spröjte). Vökvinn loðir betur við,
ef lítið eitt af sápu er látið saman við hann.
Þegar vökvinn þornar á trjánum, myndast á þeim
bláleit skán. Vökvinn drepur sveppþræðina, sem eru utar-
lega í berkinum. Þessi bláleita húð óprýðir trén; þess
vegna skyldi dreifingin gerð með umhugsun og aðgæzlu.
Eftir nokkurn tíma fara sprungur að koma í húðina, og
dettur hún síðan smátt og smátt af.
Eins og þegar er getið, er blandan höfð daufari á
laufguð tré: 2 kg. af hvoru um sig, blásteininum og
brenda kalkinu, en jafnmikið af vatninu eins og áður
er nefnt.
Allmikið hefir verið að því gert í gróðrarstöðinni, að
rækta fjölærar blómjurtir, bæði innlendar og útlendar.
Keit, 425m2 að stærð, höfum við Helgi doktor Jónsson
safnað í allmörgum íslenzkum plöntum, blómjurtum og
grösum. Hefir fræi verið safnað af ýmsum þeirra og sáð
aftur. Af grasategundunum hefir gengið bezt að safna
fræi af klásveifgrasi.
I þessum garði hafa verið ræktaðar um 30 tegundir
af skrúðplöntum, ýmist í steinhæð eða á blómbeðum,
lögðum bryddingum úr lindadxamrt og gleym mér ei.
Þrilita fjölan norðlenzka dafnar þar ljómandi vel, ber
fræ á hverju sumri og sáir sér sjálf. Eyrarrósin kann
ágætlega við sig, þótt jarðvegurinn sé mestmegnis mold.
13