Hlín - 01.01.1917, Side 5

Kveðja.
Þó hausti að og fuglar fljúgi braut
og fölni grös um ströncl og dalalaut,
er börnum íslands rótt í hug og hjarta,
ei húm nje þögn um aldir ljet þau kvarta.
Ef augun sjá, á vetur skrúð og skart,
í skauti dala enn er rótt og bjart;
við sagnaeld og iðjustundir góðar
er engum vakan löng um sveitir hljóðar.
Og margan kæran gest að garði ber,
sem gleði og fróðleik á í fylgd með sjer.
í fjallaþögn og fjarra stranda eyði
er fagnað hverjum o’naf brattri heiði.
— Nú kemur Hlin og heim að bænum snýr,
og hvern, sem undir súð og þaki býr,
hún gista vill og góðar stundir færa
í garðinn bóndans afskekkta og kæra.