Hlín - 01.01.1921, Side 5

Guð í öllu.
Jeg trúi’ á hið göfga og góða,
Guðsneistann mannsins í sál,
sigurtákn sælu og friðar,
sannleikans alfjjóðamál.
Hann dylst undir konungsins djásni,
sem drambar af metorðagjöf,
og hlekkjum hins hrjáða og auina,
sem hnígur í óþekta gröf.
Hann finst eins og fórnandi elska,
er fullrjetti meðbræðra kýs,
sem herhvöt gegn fjegirnd og falsi,
í frjálshuga brjóstum er rís,
sem brosið í ungbarnsins auga,
sein æskunnar stórhuga þrá,
sein ljósglampi lifandi vonar
á lífsþreytta öldungsins brá.
jt