Hlín - 01.01.1921, Page 84

GARÐYRKJUNÁMSKEIÐ.
Næstkomandi vor og sumar verður garðyrkjunámsskeið
haldið í Tilraunastöð Ræktunarfjelags Norðurlands á
Akureyri.
Sumarnámskeið. Ákveðið að taka 5 stúlkur til náms
yfir tímann 1. maí til 15. októben
Að vorinu og sumrinu verður þeim veitt bókleg sem
verkleg fræðsla í öllu því, sem að garðrækt lýtur. Að
haustinu fá þær bóklega sem verklega fræðslu í með-
ferð og matreiðslu matjurta. — í kaup fá nemendur
hálft kaup miðað við lágmarkskaup Verkakvennafjelags
Akureyrar.
Vornámskeið. Á það verða teknar aðrar 5 stúlkur. Rær
njóta sömu fræðslu og hinar fyrtöldu. Námskeið þetta
stendur yfir tímabilið 14. maí til 30. júní.
Þær sem þetta námskeið sækja fá í kaup kr. 100 —
eitt hundrað krónur. —
Fjelagið leggur nemendum til húsnæði og rúmstæði
með undirdýnu endurgjaldslaust, en þeir sjá sjer fyrir
fæði. Er gert ráð fyrir samlagsmatarfjelagi og annast
fjelagið ráðningu matselju. —
Umsóknir um námskeiðin skulu sendar framkvæmdar-
stjóra Ræktunarfjelagsins fyrir lok febr. m. Hverri umsókn
• skal fylgja heilbrigðisvottorð og voítorð um að umsækj-
andi sje vel vinnufær. Auk þess greiðir hver umsækj-
andi til fjelagsins kr. 100 um leið og hann sækir um
námskeiðið. Nefnd upphæð verður endurgreidd að loknu
námi eða endursend, ef nemandi fær ekki inngöngu á
námskeiðið. • -
Akureyri 8. okt. 1921.
Fyrir hönd stjórnar Ræktunarfjelags Norðurlands,
£inar J. %et/nis.