Búnaðarrit - 01.01.1966, Page 176
170
BÚNAÐARRIT
um, liefur komið í ljós, að ýmis fyllri ákvæði vantar,
til þess að þau nái tilgangi sínum við núverandi að-
stæður.
Skal hér drepið á það helzta. I lögin vantar ákvæði,
sem gerir framleiðanda fóðurblöndu skylt að gefa upp
til livers kaupanda hlutföll þeirra fóðurefna, sem not-
uð eru í blönduna. Þetta atriði er allmikilvægt, þar sem
hverjum bónda er nauðsynlegt að vita, í live miklum
mæli hann gefur hverja fóðurtegund.
Á síðari árum hefur komið í ljós, að ákveðið íblönd-
unarefni til rotvarna í síld getur myndað eitrað efna-
samband við suðu, sé það ekki notað á réttan hátt.
Hefur tilraunastöðin að Keldnm komizt að raun um,
að fái sauðfé síldarmjöl, sem hefur inni að halda þetta
eitur, veldur það dauða.
Engin lagaákvæði eru fyrir hendi um notkun þessa
íblöndunarefnis. Þá liefur það og þráfaldlega komið
fyrir, að bændum hefur verið selt síldarmjöl, sem hefur
ofhitnað við vinnslu (brunnið) og misst að miklu leyti
gildi sem fóður.
Þessi dæmi sýna, svo eigi verður um villzt, að gild-
andi lagaákvæði í þessu efni veita livergi nærri nóg
aðliald.
Virðist nauðsynlegt að setja inn í lögin miklu strang-
ari fyrirmæli en nú eru í gildi um mat á innlendum fóð-
urvörum, síldarmjöli, fiskmjöli, hvalmjöli o. fl. til sölu
á innlendum markaði.
Jafnframt verður að gera þeirri stofnun, sem slíkt
mat ætti að framkvæma, fjárliagslega kleift að inna það
svo af hendi, að öruggt væri, að bændur ættu jafnan kost
á I. flokks innlendu fóðurmjöli.
Mál nr. 18
Erindi stjórnar BúnaSarfélags íslands um slysatrygging-
ar landbúna&arins.