Fréttablaðið - 16.01.2010, Síða 74

42 16. janúar 2010 LAUGARDAGUR
menning@frettabladid.is
Spænsk-íslenska listamanna-
tvíeykið Libia Castro og
Ólafur Ólafsson hefur
verið valið til að sýna fyrir
Íslands hönd á Feneyjatví-
æringnum árið 2011.
Verk Libiu og Ólafs einkennast
af opnum og gagnrýnum vinnu-
brögðum þar sem tekist er á við
spurningar úr samtímanum, þær
greindar og settar fram í listrænni
útfærslu. Þau fást einkum við þær
breytingar sem orðið hafa á sam-
félögum í kjölfar vaxandi alþjóða-
væðingar og menningarlegrar
blöndunar og þau flóknu tengsl
sem af þessu spretta.
„Þetta er mikill heiður af því að
það eru margir góðir listamenn á
Íslandi sem koma til greina í hvert
skipti. Maður þarf að vera heppinn
líka og standa sig,“ segir Ólafur.
Þau Libia kynntust í Hollandi árið
1997 og hafa starfað saman síðan.
Bjuggu í Rotterdam en komu sér
nýlega fyrir í Berlín. „Við höfum
verið í miklu sambandi við lista-
lífið á Íslandi og sýnt hér nærri
því einu sinni á ári, og stundum
tvisvar, síðan við byrjuðum að
vinna saman. Árið 1998 tókum við
í fyrsta skipti þátt í Listahátíð í
Reykjavík með verk sem reyndar
eyddi sér sjálft, sprakk á síðasta
degi. Verkið var samansafn lík-
amsúrgangs í krukku og sprakk
vegna gasmyndunar. Við vorum
fjarri góðu gamni, komin til Hol-
lands, svo það lenti á fjölskyldunni
að þrífa upp eftir okkur.“
Sé eitthvert mark takandi á
Ragnari Kjartanssyni, sem var
fulltrúi Íslands á Feneyjatvíær-
ingnum í sumar, er mikil klóak-
fýla í Feneyjum. Kannski gæti því
verk í springandi líkamsvessastíl
hentað? Ólafur dregur það stór-
lega í efa.
„Það er margt í gangi í Feneyj-
um. Rosalegur ferðamannaiðnaður
og þessi sprengja sem Tvíæring-
urinn er setur margt úr skorðum
í samfélaginu. Það myndast mjög
sérstök stemning. Það er mjög
spennandi að finna flöt á því hvað
við gerum á sýningunni. Þó það sé
meira en ár í þetta er enginn tími
til að hafa tærnar upp í loft.“
Enda ýmisleg fleiri verkefni sem
bíða listamannana. „Nú erum við
að gera verk fyrir sýningu í Nap-
ólí og sama dag og við heyrðum
af Tvíæringnum fengum við til-
kynningu um að myndbandsverk-
ið Lobbyist hefði komist að á víd-
eóhátíð á Pompidou-safninu í París
í lok febrúar. Það var skemmti-
legt að þetta skyldi hittast á sama
daginn.“ drgunni@frettabladid.is
Tvíæringurinn spennandi verkefni
Í SLIPPNUM Ólafur Ólafsson (í drakt) og Libia Castro (í fiskvinnslugalla). Á spjaldinu
stendur: Lífið er kontrataktur. MYND/SJÓNAUKI
Tvær sýningar verða opnaðar
í Hafnarborg í Hafnarfirði í
dag; Ragnar Kjartansson sýnir
afrakstur Feneyjatvíæringsins
og Ingunn Fjóla Ingþórsdótt-
ir opnar sýningu sína Ljósbrot.
Um er að ræða innsetningu sem
fyllir allan sýningarsalinn með
marglitum strengjum sem minna
á geisla úr óskilgreindum ljós-
gjafa. Strengirnir mynda eintóna
litafleti sem fléttast saman og
klofna eins og þegar ljós brotnar
og klofnar. Verkið er eins konar
völundarhús gagnsærra lit-
aflata sem áhorfandinn
hefur yfirsýn yfir um leið
og litaspil þeirra bland-
ast saman og úr verð-
ur heild. Hálf gegn-
sæir veggirnir mynda
síbreytilegt litaspil í
sjónrænni heild og leiða
sýningargestinn í gegn-
um rýmið þannig
að hann hverf-
ur inn í nánast
óefniskennt
geislaflóðið.
Ingunn er
ung listakona
sem á að baki
fáar en áhuga-
verðar sýn-
ingar. Hún
hefur unnið stór málverk sem eru
bundin ákveðnu rými og verk þar
sem hún notar aðferðir málara-
listarinnar á þrívíða hluti
sem áhorfandinn gengur
inn í. Í Ljósbroti mætast
þættir sem listakonan
hefur áður nýtt í verkum
sínum, en það eru lita-
spil og formrænir fletir
málverka, og rýmishugs-
un sem ögrar skynj-
un áhorfandans af
umhverfinu.
Ingunn Fjóla
býr og starfar
í Hafnarfirði.
Árið 2009 hlaut
hún hvatning-
arstyrk Hafn-
arfjarðarbæjar
til ungra lista-
manna.
Eins konar völund-
arhús Ingunnar
LJÓSBROT Ingunn Fjóla Ingþórsdóttir
ögrar skynjun áhorfandans af umhverf-
inu.
> Ekki missa af
Á morgun, sunnudaginn 17.
janúar kl. 13 verða tónleikar
í nýrri röð tónleika í Salnum
í Kópavogi fyrir börn og fjöl-
skyldufólk undir heitinu Töfra-
hurð. Þessir tónleikar bera
yfirskriftina „Hljóðin í frum-
skóginum“. Fram koma dans-
arar frá Listdanskóla Íslands,
Frank Aarnink slagverksleikari,
Sigurþór Heimisson leikari,
Margrét Stefánsdóttir sópran
og Katie Buckley hörpuleikari.
Börn eru beðin um að koma
klædd sem frumskógardýr.
Í dag kl. 17
Hinir árvissu nýárstónleikar Salon-
sveitar Sigurðar Ingva fara fram í
Salnum í Kópavogi í dag. Þar verður
leikin svellandi Vínartónlist, valsar,
polkar og fræg óperettulög. Að þessu
sinni bregður sveitin út af vananum
og leikur þekkta sígilda slagara í
bland. Í ár syngur Auður Gunnars-
dóttir sópransöngkona með Salon-
sveitinni og ekki má gleyma glæsi-
númeri Sigrúnar Eðvaldsdóttur.
Á sunnudagskvöldið stefna Bjarni Thor
Kristinsson bassasöngvari og Ástríður Alda
Sigurðardóttir píanóleikari hraðbyri niður
tónstigann á tónleikum sínum í Íslensku
óperunni sem heita því sérkennilega nafni
Á niðurleið! Tónleikarnir byggja á dagskrá
sem var í Salnum í sumar undir sama heiti
og fékk fádæma viðtökur áhorfenda og
gagnrýnenda. Flutt verða íslensk sönglög,
ljóð og aríur og eftir því sem líður á tónleik-
ana lækka alltaf neðstu nóturnar.
Viðfangsefni bassasöngvarans eru oft á
tíðum gamansöm og í bland við drykkju-
vísur og slagara verður sungið um kónga
og djöfla, ríkidæmi og fátækt. Bjarni hefur
útbúið „tónleikatrailer“ sem hægt er að
sjá á YouTube, þar sem hægt er að fá smá
sýnishorn af efni tónleikanna.
Tónleikarnir hefjast klukkan 20 og miða-
verð er 2.900 kr.
Bjarni á niðurleið
BASSI Bjarni Thor syngur niður tónstigann.
Í dag kl. 15 opnar Listasafnið á
Akureyri yfirlitssýningu á verk-
um hollenska myndlistarmannsins
Jorisar Rademaker. Hann er fædd-
ur í smábænum Eersel í Hollandi
árið 1958 en hefur búið á Íslandi í
hartnær tvo áratugi. Hann hefur
fengist við myndlist frá árinu 1983
og einnig starfað sem myndlist-
arkennari á Akureyri um árabil.
Undanfarin ár hefur hann starf-
rækt Gallerí+ á Akureyri ásamt
Pálínu Guðmundsdóttur, eiginkonu
sinni. Joris var útnefndur bæjar-
listamaður Akureyrar árið 2006.
Myndlist Jorisar spannar ólíkar
stefnur og rýfur skörð í þá múra
sem eitt sinn stóðu fyrir kynslóða-
bili andstæðra fylkinga, segir í til-
kynningu. Sýningin stendur til 7.
mars og er opin alla daga nema
mánudaga frá 12-17.
Skynvilluleikir á Akureyri
HUGSANAFLÆÐI Joris Rademaker kann-
ar möguleika skynjunarinnar.
Ævintýraferð um undraheima
vatnsins í Borgarleikhúsinu
„Yndisleg sýning fyrir börn frá sex eða átta ára aldri
og foreldra þeirra, afa og ömmur.“
María Kristjánsdóttir, eyjan.is
Miðasala er í síma 568 8000 og á borgarleikhus.is
Aukasýningar
Sunnudagana 17. og 24. janúar kl. 14.00