Fréttablaðið - 22.04.2010, Qupperneq 10

10 22. apríl 2010 FIMMTUDAGUR
GOS Í EYJAFJALLAJÖKLI
Sjá nánar á www.xs.is
Gleðilegt
sumar
Fagnaðu sumri með okkur í dag og um helgina
Akureyri | Sumarkaffi og spjall með frambjóðendum í Lárusarhúsi kl. 13–15.
Kópavogur | Kaffi og kökur í Hamraborg 11, 3. hæð kl. 14–17. Frambjóðendur og
ráðherrar á staðnum.
Árborg | Opið hús í Tryggvaskála kl. 14–16. Frambjóðendur bjóða upp á kaffi og kökur.
Grindavík | Fjölskyldugleði Víkurbraut 46 kl. 14–16. Barnasmiðjur fyrir börnin.
Frambjóðendur bjóða upp á hraun, gos og vöffl ur og kaffi fyrir eldri kynslóðina.
Reykjavík | Hugmyndasmiðja um Fellahverfi í Leiknishúsinu kl. 15–17. Taktu þátt í að
móta hugmyndir um framtíð Fellahverfi s með okkur.
Laugardaginn 24. apríl
Reykjavík | Reykjavíkurþing og sumargleði í Fjölbrautaskólanum í Breiðholti
kl. 10–17. Sumargleðin hefst kl. 15 með Ómari Ragnarssyni, Fræbblunum, Lalla töfra-
manni, Kristmundi Axel Kristmundssyni og fl eirum.
Reykjanesbær | Kosningamiðstöð opnuð að Hafnargötu
50 (áður Zik-Zak) kl. 13. Frambjóðendur bjóða upp
á vöffl ur, kaffi og Svala. Fjóla tröllastelpa kíkir í
heimsókn.
Sandgerði | Kosningamiðstöð opnuð í húsi
björgunarsveitarinnar kl. 14. Hljómsveitin
Klassart leikur og frambjóðendur bjóða upp
á gómsætar kaffi veitingar með tilheyrandi
meðlæti.
„Við áttum að fara heim síðasta
föstudag, áttum flug frá Suður-
Þýskalandi til London og þaðan
heim. Það tókst alls ekki eins og
gefur að skilja,“ segir Jens Baldurs-
son, áfangastjóri í Fjölbrautaskóla
Vesturlands á Akranesi, þegar
blaðamaður heyrði í honum í gær.
Þá var Jens staddur á flugvellin-
um í Berlín og beið ásamt átta
nemendum og samkennara eftir
flugi heim. „Við gistum eina nótt
í Suður-Þýskalandi en tókum svo tvo bílaleigubíla og ókum til Berlínar og
þar höfum við verið síðan.“ Jens segir nemendur hafa tekið þessari óvæntu
lengingu á ferðinni vel. „Auðvitað var stress fyrst þegar óvíst var hvernig mál
myndu þróast en við erum fegin að hafa ekki verið hangandi á flugvöllum.“
Jens segir hópinn hafa nýtt tímann í Berlín til skoðunarferða, nú nokkrum
dögum eftir fyrirhugaða heimferð séu peningar hins vegar orðnir af skornum
skammti. „Nemendurnir eru samt ánægðir með ferðina, en orðnir aðeins
stressaðir út af prófunum,“ segir Jens. Hópurinn hafði verið í skiptipró-
grammi í Bregens í Austurríki og kennarar á fundum en sjö lönd taka þátt í
verkefninu sem er Comeniusar-verkefni styrkt af Evrópusambandinu. Nem-
endurnir eru á aldrinum 18 til 20 ára. Þrír kennarar voru með í för en einn
þeirra fór í lok síðustu viku til Aþenu og sat þar fastur enn í gær.
Peningalaus en ánægð í Berlín
Tíu daga ferðalag unglinga frá
Akureyri hefur dregist á langinn
vegna eldgossins í Eyjafjallajökli.
Krakkarnir eru lagðir af stað heim
en þeir fljúga frá Alicante í kvöld.
Þeir hafa vakið mikla athygli þar-
lendra fjölmiðla.
„Við fréttum það snemma að við kæmumst
ekki heim á réttum degi og sem betur fer
lögðum við ekki af stað til Madridar til þess
eins að hanga á flugvelli,“ segir Vigdís Arna
Jónsdóttir, foreldri og einn fararstjóri hóps 20
nemenda úr Brekkuskóla á Akureyri. „Það var
auðvitað smá sjokk fyrir krakkana að komast
ekki heim á réttum degi, en um leið og búið
var að skipuleggja heimferðina leið öllum
betur.“ Einn úr hópnum á að fermast á laug-
ardaginn og annar er á leið í brúðkaup bróð-
ur síns þannig að það reið nokkuð á að komast
heim fyrir helgina.
Nemendurnir eru á aldrinum 13 til 16 ára
og hafa verið í spænskunámi í vetur. Hluti af
því var að taka á móti jafnöldrum þeirra frá
bænum Pobra do Caraminal í Galisíu á Norð-
ur-Spáni sem þau gerðu í vetur. Í apríl kom
svo að því að þau færu í 10 daga heimsókn
til Spánar. Hún hefur dregist nokkuð á lang-
inn vegna flugbannsins, þau áttu sem fyrr
segir að fara heim síðastliðinn sunnudag, með
flugi í gegnum Madrid og London. Þess í stað
verða þau komin til Akureyrar í fyrramálið
eftir rútuferð þvert yfir Spán, til Alicante, en
þaðan fljúga þau til Keflavíkur í kvöld og taka
svo rútu beint til Akureyrar.
„Við höfum dvalið hér í góðu yfirlæti en
allar fjölskyldurnar sem við búum hjá hafa
sýnt okkur mikla gestrisni,“ segir Vigdís, sem
er ein þriggja foreldra í ferðinni en auk henn-
ar eru tveir kennarar með í för.
Margrét Einarsdóttir er spænskukennari
hópsins. Hún segir afar vel hafa verið hugsað
um hópinn og allir séu fegnir yfir að hafa ekki
þurft að hanga á flugvelli. „Það eru nokkrir
metnaðarfullir 10. bekkingar hér í hópnum
sem höfðu áhyggjur af því að töfin hefði áhrif
á einkunnir sem ráða inngöngu í Menntaskól-
ann á Akureyri. En við fengum send verk-
efni frá skólanum og svo voru einhverjir með
bækur sem hægt var að ljósrita. Við höfum
sinnt náminu fram eftir degi og svo farið á
ströndina, við höfum verið mjög heppin með
veður hér.“
Tíu þúsund manns búa í bænum og Íslend-
ingarnir hafa vakið mikla athygli. „Spænskir
fjölmiðlar hafa fjallað um hópinn sem varð
innlyksa, við höfum verið til umfjöllunar á
sex sjónvarpsstöðvum, tveimur útvarpsstöðv-
um og nokkrum blöðum,“ segir Margrét sem
hefur haft orð fyrir hópnum og er orðin sjóuð í
að veita viðtöl á spænsku. „Fyrst var ég nokk-
uð stressuð en þetta hefur bara gengið vel.“
Fyrst voru það héraðsfjölmiðlar sem sýndu
hópnum áhuga en hann hefur svo ratað inn í
spænska ríkissjónvarpið, TV5 og CNN á Spáni
svo dæmi séu tekin. sigridur@frettabladid.is
Rétt nær heim í tæka
tíð fyrir ferminguna
BLAÐAEFNI Nemendur Brekkuskóla staddir á Spáni skoða umfjöllun um hópinn í staðardagblaði. Hópur-
inn hefur fengið mikla umfjöllun í spænskum fjölmiðlum.
Sigurbjörn Búi, forstöðumaður
fyrir kalda vatnið hjá Orkuveitu
Reykjavíkur, segir ástæðulaust
að óttast mengun á drykkjarvatni
vegna öskufalls á starfssvæði fyr-
irtækisins.
Að sögn Sigurbjörns er allt
kalt vatn Orkuveitunnar fengið
úr borholum neðanjarðar nema
á Akranesi þar sem vatn er feng-
ið úr vatnsbóli í Akrafjalli. Þar
sé reyndar heldur ekki von á að
mengað vatn berist til neytenda
því það fari í gegnum sandsíur.
Sigurbjörn útskýrir að helsta
hættan af gosöskunni stafi af
flúor sem geti náð niður í jarð-
lögin þaðan sem vatnið sé tekið.
Í öskunni mun einmitt vera tals-
verður flúor. „En reyndar er flúor
í drykkjarvatni hér eitt hundr-
að sinnum minni en mælt er með
vegna tannheilsu,“ bendir hann
á.
Guðni Guðbergsson, fiskifræð-
ingur hjá Veiðimálastofnun, segir
hættuna á öskufalli fyrir fisk í
ám og vötnum vera fyrir hendi.
Hættan sé hins vegar óljós enda
séu mjög margir þættir sem spili
inn í hugsanleg áhrif af öskunni.
Hann biður fólk að láta vita ef það
sér fisk sem það telur hafa drepist
af völdum öskufalls. Þekkt sé að
flúor sé hættulegt skepnum.
„Mér er sagt að þegar askan lá
norður í land í Heklugosinu 1970
hafi fundist fljótandi dauðir fiskar
í hliðarám Blöndu á Auðkúluheiði.
Það voru líkur til þess að það væri
vegna eiturefna úr öskunni,“ segir
Guðni Guðbergsson. - gar
Fiskar í ám og vötnum í hættu:
Vatni borgarbúa ekki ógnað
ÖSKUFALL UNDIR EYJAFJÖLLUM Breyting í vindáttum gæti farið að leggja ösku yfir á
höfuðborgarsvæðið. Orkuveitan segir það ekki mundu spilla drykkjarvatni.
FRÉTTABLAÐIÐ/PJETUR