Fréttablaðið - 30.04.2010, Qupperneq 53

„Við erum einmitt á leiðinni út á
sjó,“ tilkynnir Rúnar Pálmason
blaðamanni þegar hann nær sam-
bandi við hann í vikunni. Rúnar er
formaður keppnisnefndar Kayak-
klúbbsins í Reykjavík en erindið
er einmitt að spyrja Rúnar út í vor-
hátíð Kayakklúbbsins um helgina.
Hann gefur sér smá tíma frá
áhugamálinu, sem eru sjókajakar,
og segir frá helgaráætlununum.
„Elliðaárródeóið hefst á föstudag-
inn (í dag) klukkan hálf tvö. Þar
verður keppt á straumkajökum í
leikholunni á bak við toppstöðina í
Elliðaárdal. Þetta er gamall æfinga-
staður og segja má að klúbburinn
hafi orðið til þarna,“ segir Rúnar.
Í keppninni leika menn alls konar
listir og gefin eru stig eftir því
hve margar og flottar veltur menn
geta tekið, hvort þeir geti látið bát-
inn snúast án þess að fara á hvolf
og látið bátinn endastingast ofan
í iðandi straumvatnið. „Ródeóbik-
arinn hlýtur síðan sá stigahæsti,“
segir Rúnar sem býst við að kepp-
endur verði í kringum fimmtán líkt
og í fyrra.
Á morgun, laugardag hefst hins
vegar sjálf vorhátíðin með keppni
um Reykjavíkurbikarinn í sjóka-
jak, sem fer fram við Geldinga-
nes klukkan 10. „Keppt er í tíu
kílómetra og þriggja kílómetra
róðri á sjó en þegar honum lýkur
ætlum við að setja upp björguna-
ræfingu með Landhelgisgæslunni.
Þar verður meðvitundarlausum
kajakræðara bjargað úr sjónum af
öðrum ræðurum. Síðan köllum við
á þyrluna og vísum henni leið með
blysum. Sigmaður kemur niður og
hífir hinn meðvitundarlausa um
borð í þyrluna.“
Rúnar segir oft ævintýralegt að
taka þátt í þessari æfingu. „Þegar
þeir hafa komið á stóru þyrlunni
hafa þeir stundum leikið sér að
því að koma neðarlega til að feykja
okkur um koll,“ segir hann og hefur
gaman af.
Eftir björgunina verða útnefnd-
ir sjókajakmaður og straumkajak-
maður ársins. „Síðan gefst almenn-
ingi kostur á að skoða búnaðinn og
prófa að setjast í bátana,“ segir
Rúnar með tilhlökkun og vonast til
að sjá sem flesta.
solveig@frettabladid.is
Kajakmenn halda ródeó
Kayakklúbbur Reykjavíkur heldur vorhátíð um helgina. Hún hefst á Elliðaárródeói í dag en á morgun
verður keppt um Reykjavíkurbikarinn í sjókajak og æfð verður björgun af sjó með þyrlu.
Kajakræðararnir verða að bjarga meðvitundarlausum manni.
MYND/ÚR EINKASAFNI
Þyrla Landhelgisgæslunnar mun hífa hinn meðvitundarlausa ræðara um borð.
MYND/ÚR EINKASAFNI
Elliðaárródeóið hefst klukkan 13.20 í dag og fer fram í leikhol-
unni bak við Toppstöðina í Elliðaárdal. FRÉTTABLAÐIÐ/VILHELM
LIFUN EFTIR TRÚBROT verður flutt af söngdeild Tónlistarskóla FÍH í kvöld
og um helgina. Platan Lifun var tímamótaverk í íslenskri rokksögu og hafði mikil
áhrif á íslenska tónlistarsköpun. Sýningar fara fram í hátíðarsal FÍH Rauðagerði 27.