Fréttablaðið - 30.09.2010, Blaðsíða 10

10 30. september 2010 FIMMTUDAGUR
SJÁVARÚTVEGUR Tómas H. Heið-
ar, formaður samninganefnd-
ar Íslands í makrílviðræðunum,
vísar gagnrýni og hótunum Maríu
Damanaki, sjávarútvegsstjóra
ESB, vegna makrílveiða Íslend-
inga alfarið á bug. Tómas segir
Ísland reiðubúið til þess að leggja
sitt af mörkum til þess að sam-
komulag takist um makrílveið-
ar en jafnframt sé ljóst að hótan-
ir um aðgerðir á borð við uppsögn
óskyldra samninga á milli Íslands
og ESB séu ekki til þess fallnar að
stuðla að lausn málsins.
Á blaðamannafundi í Brussel 27.
september gagnrýndi Damanaki
makrílveiðar Íslendinga og Færey-
inga harkalega og setti fram full-
yrðingar um veiðarnar sem Tómas
segir órökstuddar og fái ekki
staðist. Gaf Damanaki í skyn að
Íslendingar og Færeyingar bæru
einir ábyrgð á því að heildarveið-
ar á makríl á þessu ári muni fyr-
irsjáanlega fara fram úr því sem
sjálfbært getur
talist. Loks hót-
aði hún því að
ESB kynni að
grípa til aðgerða
gagnvart Íslandi
og Færeyjum
og meðal ann-
ars taka árlega
fiskveiðisamn-
inga sambands-
ins við löndin
tvö til endurskoðunar. „Íslandi
var lengi meinað að taka þátt í
samningaviðræðum um makríl-
veiðar þrátt fyrir ítrekaðar óskir
þar að lútandi. Íslensk stjórnvöld
voru því knúin til að setja einhliða
kvóta til að takmarka makrílveið-
ar íslenskra skipa“, segir Tómas.
„Strandríkjunum fjórum, Íslandi,
ESB, Færeyjum og Noregi, tókst
ekki að ná samkomulagi um stjórn
makrílveiðanna og skiptingu kvóta
sín á milli fyrir árið 2010 og af
þeim sökum hafa þau öll sett sér
einhliða makrílkvóta fyrir þetta
ár.“
Ísland setti sér kvóta árið 2010
sem tók mið af breyttu göngu-
mynstri makrílsins og veiðum fyrri
ára. Ekki liggur fyrir samkomu-
lag um veiðarnar og samanlagðir
einhliða kvótar fóru fram úr þeim
heildarafla sem Alþjóðahafrann-
sóknaráðið (ICES) hafði lagt til.
Tómas segir að íslensk stjórn-
völd hafni því alfarið að reynt sé
að draga Ísland sérstaklega til
ábyrgðar vegna þessa, enda sé
ábyrgð ESB, Færeyja og Noregs
engu minni. „Kjarni málsins er sá
að strandríkin fjögur bera sam-
eiginlega ábyrgð á því að koma á
heildstæðri stjórn makrílveiðanna
til að tryggja sjálfbærar veiðar,“
segir Tómas.
Viðræður strandríkjanna um
stjórn makrílveiðanna frá og með
næsta ári fara fram í London 12.-
14. október næstkomandi.
svavar@frettabladid.is
Láttu hjartað ráða
Fæst í verslunum Hagkaups, Bónus og 10-11 · www.lífrænt.is
GOÐSAGNIR UM
SPARPERUR
„... eru mun dýrari en venjulegar
ljósaperur“
Ef þú berð saman kaupverð er venjuleg
ljósapera ódýrari en sparpera. En þar sem
sparperur nota mun minna rafmagn eru þær
miklu ódýrari til lengri tíma litið og endast þar
að auki 6-20 sinnum lengur. Venjuleg ljósapera
endist einungis í 1.000 klst. en sparperur
endast í 6.000-20.000 tíma eftir gæðaflokki.1
Endursöluaðilar um land allt osram.is
Jóh
an
n Ó
laf
sso
n &
C
o
1 Osram (2007) Seven myths about energy-saving lamps
SKREYTIR LISTAVERK Þessi svanur tók
að sér að styrkja aðeins fegurðargildi
listaverks eftir Anish Kapoor í Hyde
Park í London. NORDICPHOTOS/AFP
FRAKKLAND, AP Evrópusambandið
hefur ákveðið að fara í hart við
frönsk stjórnvöld út af brottflutn-
ingi rómafólks, sígauna, til Rúm-
eníu.
Pia Ahrenkilde, talsmaður
framkvæmdastjórnar ESB, segir
stjórnina líta svo á að með brott-
flutningsaðgerðunum hafi Frakkar
gerst brotlegir við lög ESB.
Þeim verði nú sent formlegt
áminningarbréf, þar sem þess er
krafist að þeir fari að lögum. Verði
Frakkar ekki við því hefjast mála-
ferli. - gb
Evrópusambandið fer í hart:
Frökkum settir
úrslitakostir
DÓMSMÁL Karlmaður hefur verið
dæmdur í átta mánaða fangelsi,
þar af sex á skilorði, fyrir að
hafa ráðist á annan mann árið
2008 í Veltusundi í Reykjavík.
Árásarmaðurinn skellti höfði
hans í gegnum glerrúðu hár-
snyrtistofunnar Hár Sögu, með
þeim afleiðingum að hann hlaut
fjóra skurði á höfuð og lík-
ama sem sauma þurfti saman
með samtals fimmtán sporum.
Þar af var einn langur skurð-
ur á höfði framanverðu sem
í var lítil slagæð sem blæddi
verulega úr og loka þurfti með
saumum.
Árásarmaðurinn var dæmdur
til að greiða fórnarlambinu 600
þúsund í skaðabætur.
- jss
Í fangelsi og greiðir bætur:
Skellti manni í
gegnum rúðu
WASHINGTON, AP Öflugur tölvu-
vírus sem hefur ráðist á iðnfyr-
irtæki víða um heim, aðallega
í Íran, var líklega búinn til af
sérfræðingum sem starfa fyrir
þjóðríki eða ríka einkaaðila.
Þetta kemur fram í rannsókn
á vegum Siemens AG, fyrirtæk-
isins sem hannaði tölvukerfið
sem vírusinn hefur ráðist á.
Vírusinn kallast Stuxnet og
var hannaður til að ráðast á
tölvukerfi stórra og mikilvægra
fyrirtækja.
Vangaveltur hafa verið uppi
um að vírusinn hafi verið hann-
aður til að ráðast á fyrsta kjarn-
orkuverið í Íran og valda því
skaða. Ekki hefur verið staðfest
að sannanir liggi fyrir þar um.
- fb
Tölvuvírus veldur usla í Íran:
Sérfræðingar
gerðu Stuxnet
DÓMSMÁL Ríkissaksóknari hefur
ákært fyrir Héraðsdómi Reykja-
ness rúmlega fertugan karlmann
fyrir húsbrot, líkamsárás, eigna-
spjöll og fleiri brot.
Manninum er gefið að sök að
hafa ruðst í heimildarleysi inn
á heimili barnsmóður sinnar í
Njarðvík og hrint henni í gólfið.
Þá er maðurinn ákærður fyrir
að hafa í kjölfar þess ekið bif-
reið sinni á bifreið konunnar sem
lagt var í stæði við heimili henn-
ar, þannig að bifreiðin skemmdist
að framan.
Eftir þetta ók maðurinn frá
Njarðvík til Reykjavíkur á mikl-
um hraða og sinnti ekki ítrekuð-
um stöðvunarmerkjum lögregl-
unnar. Hann gaf sig ekki fyrr en
bifreið hans hafnaði á brúarstólpa
Breiðholtsbrúar.
Loks er maðurinn ákærður
fyrir skjalafals með því að falsa
nafn barnsmóðurinnar sem selj-
anda á tilkynningu um eigenda-
skipti bifreiðar og framvísa síðan
tilkynningunni hjá Aðalskoðun
hf. þannig að nafngreindur sonur
hans varð skráður fyrir bifreið-
inni.
Barnsmóðirin krefst þess
að maðurinn verði dæmdur til
greiðslu bóta að fjárhæð tæplega
sex milljónir króna. - jss
Rúmlega fertugur karlmaður ákærður fyrir fjölmörg brot:
Braust inn til barnsmóður sinnar
STÖÐVUNARMERKI Maðurinn sinnti ekki
stöðvunarmerkjum lögreglu.
TÓMAS H. HEIÐAR
ÞORSTEINN ÞH Mynd tekin í sumar þegar Þorsteinn kom með góðan makrílfarm til hafnar í Vestmannaeyjum. FRÉTTABLAÐIÐ/ÓSKAR
Gagnrýni og hótun-
um ESB vísað á bug
Stjórnvöld hafna því að reynt sé að draga Ísland sérstaklega til ábyrgðar fyrir
að makrílveiðar fari yfir ráðlagðan heildarafla. Sjávarútvegsstjóri ESB ítrekar
gagnrýni sem formaður samninganefndar Íslands segir staðlausa stafi.
HAFRANNSÓKNIR Hafrannsókna-
stofnun hefur endurmetið magn
makríls út frá gögnum sem feng-
ust í rannsóknaleiðangri í sumar.
Endurmatið sýnir að meira var
af makríl á rannsóknasvæðinu
í kringum Ísland, Færeyjar og í
Noregshafi en fyrra mat benti til.
Niðurstöður þeirra útreikninga
sem nú liggja fyrir sýna að heild-
armagn makríls á svæðinu sem
leiðangurinn nær yfir er áætlað
um 4,85 milljónir tonna, en fyrra
matið var nokkuð lægra eða 4,46
milljónir tonna. Þá benda útreikn-
ingar til að um 1,1 milljón tonn
makríls sé innan íslensku lögsög-
unnar.
Ástæða endurmatsins er sú
að eldri útreikningar voru ekki
bundnir við efnahagslögsögur,
aðferðafræðin við útreikningana
var ónákvæm og forsendur um
stærð veiðarfæra skipanna var
ekki rétt.
Skýrsla um þessa endurskoðuðu
útreikninga hefur verið send sem
viðauki við sameiginlega leiðang-
ursskýrslu sem kom út fyrr í mán-
uðinum og verður hluti skýrslu
Alþjóðahafrannsóknaráðsins sem
fjallar um stofnmat á makríl. - shá
Endurmat úr makrílrannsókn undirstrikar stórar göngur að landinu:
Yfir milljón tonn í lögsögunni
ÁRNI Í HÖFN Endurmat sýnir að mun
meiri makríll var við Ísland í sumar en
fyrst var talið. MYND/HAFRÓ