Fréttablaðið - 30.09.2010, Blaðsíða 64

48 30. september 2010 FIMMTUDAGUR
Friðrik Ómar heldur þrenna
tónleika á Akureyri þar sem
hann syngur lög Vilhjálms
Vilhjálmssonar. Plata og
mynddiskur með Elvis-tón-
leikum hans í Salnum eru
einnig að koma út.
Söngvarinn Friðrik Ómar hefur í
nógu að snúast um þessar mundir.
Uppselt er á þrenna tónleika sem
hann heldur um helgina í menn-
ingarhúsinu Hofi á Akureyri með
lögum Vilhjálms Vilhjálmssonar.
Auk þess kemur plata og mynd-
diskur með Elvis Presley-tónleik-
um hans í verslanir á föstudag.
„Fyrir mér snúast þessi tvö
verkefni um að halda stóra tón-
leika. Það er svo rosalega erfitt að
vera með eitthvað á boðstólum sem
fólk þekkir ekki og þetta eru tveir
af mínum uppáhaldssöngvurum,“
segir Friðrik Ómar. Hann hefur
haldið sextán Elvis-tónleika á und-
anförnum árum og alls hafa sex til
sjö þúsund manns komið að horfa
á. „Ég byrjaði á þeim 2005. Síðan
er ég búinn að halda þá með reglu-
legu millibili en mestu törnina tók
ég í Salnum,“ segir hann og á þar
við hina vel heppnuðu tónleikaröð
í byrjun ársins.
Spurður hvort fólk vilji ekki frek-
ar kaupa plötur og mynddiska með
Elvis-sjálfum heldur en að kaupa
hans útgáfu, viðurkennir Friðrik að
ekkert komi í staðinn fyrir kóng-
inn sjálfan. „En það er skemmti-
legt að upplifa lögin flutt lifandi
með flottum hljóðfæraleikurum.
Ég er í hvorugu tilfellinu að herma
eftir eða neitt þannig og er ekki í
neinum búningum,“ segir hann og
á þar líka við Villa Villa-verkefnið.
„Ég er líka að segja fólki frá ýmsu
sem gerðist á þeirra ferli, þannig
að þetta er smá sögustund í leið-
inni. Ég held líka að eftir svona tón-
leika fari margir og kaupi plöturn-
ar þeirra.“
Friðrik hefur búið í Svíþjóð að
undanförnu og líkar lífið þar mjög
vel. „Það er búið að vera mjög fínt.
Ég er kominn á fullt að taka upp
lög eftir aðra og eftir mig,“ segir
hann. „Ég er að kynnast bransan-
um og það tekur sinn tíma og ég er
með báða fæturna á jörðinni. Þessi
bransi er mjög fagmannlegur en
það er mikil samkeppni líka. Fjór-
tán til fimmtán prósent af þjóðar-
framleiðslunni í Svíþjóð er tónlist,
þannig að þetta er rosa stórt batt-
erí þarna og mikilvægt, rétt eins og
landbúnaðurinn hér heima,“ segir
hann og hlær. freyr@frettabladid.is
Ari Alexander Ergis kvikmyndagerðarmaður, hefur síðastlið-
in fjögur ár unnið að gerð heimildarmyndar í samstarfi við Jón
Proppé um friðarsúlu Yoko Ono sem japanska listakonan tendrar
hinn 9. október næstkomandi. Mikið verður um dýrðir að þessu
sinni því sjötíu ár verða þá liðin frá fæðingu eiginmanns hennar,
bítilsins Johns Lennon.
Ari segist hafa hitt Yoko fyrst í París árið 1999 þegar hann var
þá að gera mynd um íslenska listamanninn Erró. En Ono og Erró
eru miklir vinir. „Fyrir fjórum árum var ég síðan að vinna með
sýningarstjóranum Hans Ultrich Obricht sem hafði tekið nokk-
ur viðtöl við Yoko Ono. Þegar Yoko fór að skoða þennan mögu-
leika; að setja upp friðarsúluna á Íslandi hljóp ég til Svanhildar
Konráðsdóttur niður á Höfuðborgarstofu og sagði við hana að við
yrðum að gera almennilega heimildarmynd um þetta, alveg frá
byrjun,“ útskýrir Ari en þá hafði ekki verið ákveðið að reisa frið-
arsúluna úti í Viðey sem varð svo raunin.
Ari segir koma fram í
myndinni að ein aðal-
ástæðan fyrir því að
Ísland var valið hafi verið
að landið hafði engan her.
Myndin verður frum-
sýnd 8. október í Bíó Par-
adís, nýrri kvikmyndamið-
stöð við Hverfisgötuna.
- fgg
Tónlist ★★
Wish You Were Hair
Hairdoctor
Hár og aftur hár
Hairdoctor er hljómsveit skipuð Jóni Atla
Helgasyni hárgreiðslumanni og plötusnúði
með meiru og Árna Rúnari Hlöðverssyni sem
er þekktastur sem meðlimur FM Belfast. Wish
You Were Hair er önnur platan sveitarinnar en sú fyrri, Shampoo, kom út
fyrir fimm árum. Nýja platan er sjö laga og tveir gestasöngvarar koma við
sögu. Lóa Hlín Hjálmtýsdóttir syngur með Jóni Atla í upphafslaginu, Dagur
eitt, sem er langbesta lag plötunnar, en Bóas Hallgrímsson syngur í If You
Love Me.
Tónlist Hárdoktorsins er samsett úr fínum grunnefnum eins og flottum
töktum, stuði og húmor (nafnið á plötunni er t.d. snilld!). Ágætar hugmynd-
ir og góð stemning í þessu bandi. Það sem hins vegar vantar upp á eru
annars vegar lagasmíðarnar og hins vegar hljómburðurinn. Lögin á Wish
You Were Hair eru ansi misjöfn og eins og áður segir stendur Dagur eitt
upp úr. Hljómurinn er viljandi svolítið lo-fi sem getur alveg komið vel út, en
mér finnst hann samt of vondur á köflum hér, gítarsándið er t.d. hörmung.
Platan kemur þó betur út í tölvunni og mp3-spilaranum heldur en í betri
græjum.
Á heildina litið þokkaleg plata. Trausti Júlíusson
Niðurstaða: Flott nafn, fínt umslag og eitt gott lag.
Ekki að herma eftir neinum
Gerir heimildarmynd
um friðarsúlu Ono
FJÖGURRA ÁRA VERK-
EFNI Ari Alexander
hefur verið fjögur ár
að gera heimildarmynd
um friðarsúlu Yoko Ono.
Ari fékk góðan aðgang
að myndefni Lennon-
hjónanna og birtast
meðal annars brot úr
viðtölum við John Lennon
í myndinni.
SYNGUR ELVIS OG VILLA VILL
Friðrik Ómar í Elvis-gírnum
fyrr á árinu. Nú er að koma
út plata og mynddiskur með
efni frá tónleikunum.
FRÉTTABLAÐIÐ/ANTON
Kroll Laugavegi 33 sími: 5522250 kroll@kroll.is opnunartími: mán-fim 10 - 18 fös 10 - 19 lau 11 - 17
Haustlínan frá Kontatto komin í verslun Kroll.
15% kynningarafsláttur næstu þrjá daga.
FALLEGUR ÍTALSKUR FATNAÐUR
Námskeiðið er kennt á þriðjudögum og fi mmtudögum klukkan
20:00 – 21:00 í fjórar vikur í senn.
Þátttekendur geta mætt í alla opna tíma á meðan á námskeiðinu stendur.
Eftir námskeiðið fá þátttakendur eina fría viku auk 15% afslátt af kortum.
Upplýsingar og skráning í síma 695-8464 Drífa og 772-1025 Ágústa.
Eða á jogastudio.is
Byrjendanámskeið
í Hot jóga
Nýtt 4 vikna byrjendanámskeið í Hot jóga
hefst þriðjudaginn 5. október
Seljavegur 2 - 101 Reykjavík
www.jogastudio.is - jogastudio@hotmail.com