Morgunn - 01.06.1953, Side 46

40
MORGUNN
i
„Litla hugmynd hafði ég þá um þá vegi, sem voru að
opnast. Það rættist bókstaflega, sem skrifað stendur: ,,og
lítið barn mun leiða þá.“ U Því að þótt ég hefði enga aðra
sálræna reynslu fengið síðar en þá, sem ég fékk hjá önnu
litlu, hefði ég orðið að viðurkenna raunveruleik hins sál-
ræna heims.
Nokkurum vikum eftir að byrjunin varð, tók Anna að
skrifa ósjálfráða skrift, sem er miklu fljótfarnari leið en
að nota aðferðina, sem áður hafði verið notuð.
Engu máli skipti, þótt bundið væri vandlega fyrir augu
henni. Til þess að fyrirbyggja, að hún gæti einbeitt hug-
anum meðan hún skrifaði, fór dr. Westwood ýmsar leiðir.
Þrátt fyrir það, að dr. Westwood hafði engan áhuga
fyrir því, að leita sambands við framliðna menn og gerði
tilraunir sínar ekki til þess, fór svo innan skamms, að allt,
sem skrifaðist, tjáði sig koma frá látnum mönnum. Eitt
kvöldið tjáði sig vera við sambandið látin telpa, Charlotte
að nafni, dóttir hjóna, sem dr. Westwood þekkti. Hún
andaðist 6 ára gömul, og dr. Westwood fullyrðir, að Anna
litla muni ekki hafa þekkt hana, en hún hafði átt heima
nokkuð fyrir utan borgina. Hún hafði legið í sama sjúkra-
húsi og dr. Westwood og samtímis honum. Af því, sem
skrifaðist, sýndist auðsætt, að bæði mundi hún margt um
foreldra sína frá jarðlífi sínu, og einnig að hún vissi margt
um líf þeirra eftir að hún dó. Hún kvaðst vera komin til
að koma þeirri orðsendingu til móður sinnar, að hún mætti
ekki syrgja eins mikið og hún gerði. Dr. Westwood færðist
eindregið undan þessu, en fyrir þrábeiðnir lét hann undan
og lofaði að segja móðurinni frá þessu. Móðirin tók þessu
mjög illa. Samt hringdi faðir Charlotte nokkuru síðar og
bað dr. Westwood að koma með önnu litlu til þeirra. Svo
var gert. Foreldramir sannfærðust um, að þau hefðu náð
sambandi við barnið sitt. Dr. Westwood var ekki sann-
færður. Flest, sem fram kom, taldi hann sig geta skýrt
1) Þannig í enskri biblíuþýðingu.