Morgunn - 01.06.1953, Side 72

66
MORGUNN
í stofunni, leit hrelld á mig og sagði við móður sína:
„Mamma, hvað er að þessum manni í höfðinu? Meiddi
hann sig? Höfuðið er vafið hvítu bindi.“ Móðir hennar
sagði þá við mig: „Vinnið þér einhvers staðar, þar sem
hætta er á að eitthvað detti á höfuðið á yður?“ Ég játaði
því og kvaðst vinna við yfirumsjón með stórri byggingu
og vel gæti fyrir komið, að múrsteinn dytti ofan á mig.
„Ég held,“ sagði konan, „að eitthvað komi fyrir yður í
næstu viku, þér ættuð að fara varlega." Þrem dögum
síðar beit mig eitrað skorkvikindi milli augnanna, fyrir
ofan nefið. Eitrun kom í sárið, og læknirinn batt um það
og náði bindið upp á höfuð. Bamið hafði séð þetta fyrir,
en móðirin túlkaði slysið skakkt.
Draumar hafa misjafnt gildi. Sumir þeirra sýna aðeins
atvik, aðrir leysa vandamál, en venjulega eru draumar
of óljósir eða of táknrænir til þess að nokkurt gagn sé
manni að þeim.
Þegar ég var ungur maður og var að hefja starf mitt
sem arkitekt, byggingafræðingur, var eitt fyrsta viðfangs-
efni mitt að byggja kirkju. Gerðin á þakinu var mér
nýjung, ég reyndi við teikninguna, en komst ekkert áfram
og lagði hana frá mér um sinn, og fór úr vinnustofunni
og heim til mín. Um nóttina dreymdi mig, að ég væri
að leysa vandann með teikninguna. Ég fór á fætur kl. 2
um nóttina og teiknaði upp það, sem ég þóttist vera að
gera í drauminum. Daginn eftir veittist mér auðvelt að
leysa allan vandann út frá því, sem mig hafði dreymt.
Draumar eru ýmist táknrænir eða þeir eiga að skiljast
bókstaflega. Árið 1894 áttum við heima í St. John’s. Þá
dreymdi móður mína og systur mínar tvær, allar sömu
nóttina, að allsherjar bankahrun hefði skollið á. Þegar
þær sögðu föður mínum frá þessu, fékk það svo mikið
á hann, að hann ákvað að senda alla peninga okkar til
Englands eða New York í geymslu. Ég og bræður mínir
litum svo á, að það væri fjarstæða að taka slíkt mark á