Morgunn - 01.06.1953, Side 85

MORGUNN
79
hinna ábyggilegustu vísindasannana getur ekki náð lengra
en traustið á öruggleika skynjana vorra nær.
— Fyrir 50 árum þótti það gáfulega mælt í hópi mennta-
manna, að trúin á Guð og annað líf væri brosleg fjar-
stæða. — Þessu er lokið — að minnsta kosti í hópi Imgs-
andi menntamanna. 1 dag líta hugsandi menn svo á, að
vantrúin á Guð og annað líf beri ekki einasta vott um
slakt ímyndunarafl og mikla vanhæfni til heimspekilegra
ályktana, heldur beri hún og átakanlegan vott um mikla
fáfræði á því sviði, sem oss ætti þó að vera mjög hug-
leikið að afla oss þekkingar á.-------
— Ég sé þig ekki, kæri áheyrandi, veit ekki hver þú ert
og veit þar af leiðandi ekki um hæfni þína til að hugsa
rökrétt, eða gera þér grein fyrir sönnunum. — Ef svo
skyldi standa á, að þú eigir í einhverjum örðugleikum
með þetta, og sért jafnframt mjög vantrúaður á það, að
þú eigir annað líf fyrir höndum, ætla ég að benda þér á
afar einfalt ráð, sem hugsanlegt er að gæti komið að
gagni.
Seztu einhvers staðar þar, sem þú ert í næði og vel fer
um þig, og virtu um stund fyrir þér treyjuermina þína.
— Þú veizt að treyjuermin er ekki þú. Hún er bara partur
af flík, sem þú notar um nokkurt skeið, kastar jafnskjótt
og hún er slitin og færð þér nýja. — Horf þú síðan góða
stund á höndina á þér. Gakk þú úr skugga um það, að
höndin er ekki þú, heldur hluti af flík, sem þú notar um
nokkurt skeið og kastar jafnskjótt og hún er slitin. —
Þegar þú hefur eitt sinn gert þér Ijósa grein fyrir þessu,
munt þú ekki næst, þegar þú sérð hönd, sem hefur visnað
við líkamsdauðann, láta þér koma til hugar þá vitleysu,
að maðurinn, sem átti höndina, sé ekki lengur til.
Pétur Magnússon.