Morgunn - 01.12.1948, Blaðsíða 68

214
MORGUNN
unni um þá, þá mun þó hitt meira í anda Krists, að vér
séum með þeim í sambandi við hina lifandi uppsprettu
lífsins: Guð. Það er og meira í anda hans, sem var eitt
með föðurnum, að vér séum allir eitt, látnir sem lifandi,
í lifandi bænasambandi við guðdóminn, sem tengir allar
sálir við sig með sama kærleikans bandi.
Bægjum því ekki frá oss með lokuðum og köldum huga
blessunarríkum áhrifum og blessandi þjónustu horfinna
ástvina vorra, er þeir eru að reka erindi Guðs oss til handa.
Og biðjum fyrir þeim, sem hverfa héðan lítt viðbúnir eða
elska um of það, sem tilheyrir þessari jörð einni.
Þökkum heldur algóðum Guði fyrir alla þá óverðskuld-
uðu kærleiksþjónustu, sem hann lætur oss í té, — svo frá
himni sem á jörðu. Gef oss, ó, Guð, að eygja þína dýrð og
að finna þinn frið. Amen.
Victor Hugo,
hafði, eins og alkunna er, hinn mesta áhuga fyrir spírd'
ismanum og var sannfærður í þeim efnum. „Að svíkJa
miðlafyrirbrigðin um þá athygli, sem oss ber að veita
þeim, er að svíkja sannleikann sjálfan", sagði hann.