Morgunn - 01.12.1957, Page 26

112
MORGUNN
athugun á miklu efni,. fékk Allan Kardec það kenninga-
kerfi, sem síðan kom fyrir sjónir almennings í bókinni
Bók andanna, sem kom út 18. apríl 1857 og vakti þegar
mikla athygli.
Meðan hann vann að Bók andanna taldi hann sig þrá-
sinnis fá sannanir þess, að frá andaheiminum væri yfir
þessu verki vakað. Hann segir t. d. frá því, að á miðils-
fundi hafi ósýnileg vera sagt við sig: ég er ekki ánægður
með það, sem þú skrifaðir í gær. Við hvað áttu? spurði
Allan Kardec og ósýnilega aflið svaraði: „Lestu frá 3. til
20. línu og þá muntu reka þig á alvarlega skekkju". Um
kveldið, er hann kom heim, las hann þessar línur vand-
lega og rak sig þá á alvarlega skekkju, sem honum hafði
.áður sézt yfir.
Þær glæsilegu viðtökur, sem bókin fékk, urðu til þess,
að nú tók hann að hugsa um að koma út tímariti um þessi
mál. Hann fór eftir uppörvun frá andaheiminum og hóf
útgáfuna. Fyrsta heftið kom út á nýársdag 1858. „Ég
hafði ekki spurt nokkurn mann ráða — segir hann sjálf-
ur — ég hafði ekki einn einasta áskrifanda, ég fékk enga
peningahjálp, en ég hefi aldrei haft ástæðu til að sjá eftir
þessu. Móttökurnar, sem tímaritið fékk, fóru langt fram
úr öllum vonum“. Hvort tveggja hjálpaðist að: brennandi
áhugi Allan Kardecs fyrir málefninu og frábær reglusemi
og fyrirhyggja í fjármálum.
Eitt hið hugþekkasta við það útbreiðslustarf, sem Allan
Kardec rak upp frá þessu til æviloka, var það, hve laus
hann — hinn mikli áhugamaður — var við það að troða
iskoðunum sínum og sannfæringu með offorsi upp á aðra.
Og hann lagði að skoðanabræðrum sínum, að forðast slíkt.
Samt varð hann einn allra áhrifamesti boðberi spíritism-
ans meðal rómversk-kaþólskra manna, og raunar sá lang-
áhrifamesti fram á þennan dag. í tímariti sínu sagði hann
m. a. þetta: „Spíritisminn snýr sér til þeirra, sem ekki
eiga neina trú, eða eru fullir efasemda, ekki til manna,
sem eiga trú, er nægir þeim. Hann biður engan um að