Fréttablaðið - 05.02.2011, Síða 21

LAUGARDAGUR 5. febrúar 2011 21
átt okkar ágreining, en mér hefur
alltaf fundist menn vera menn að
meiri ef þeir geta átt í ágreiningi
en komist yfir hann og unnið saman
áfram. Því finnst mér við hafa náð.
Við erum að vinna listrænt starf
og það á ekki að vera nein logn-
molla. Mér finnst stundum allt of
mikil ládeyða í listalífi á Íslandi.
Þeir sem ráða samfélaginu hafa
því miður fengið að kynnast þeirri
ládeyðu og njóta hennar. Við erum
allt of rög við að setja hnefann í
borðið og vera óþekk. Við eigum
að vera miklu óþekkari og ég vona
að þetta ástand sem hefur orðið til
eftir hrun, bæði í samfélaginu og í
hjörtum okkar, leiði til þess að við
verðum betra land og réttlátara
samfélag. En maður sér reyndar
fá dæmi þess, því miður. Það virð-
ist bara eiga að halda áfram með
sama ruglið. Nú eru vinstri menn
við völd og ég óttast að þeir ætli sér
að sitja nógu lengi til að koma sínum
mönnum í æðstu stöður, alveg eins
og hægri menn gerðu. Þetta hrygg-
ir mig mjög mikið. Og mér finnst
ábyrgð okkar listamanna vera alveg
gríðarlega mikil. Við eigum að vera
fremst í flokki og benda á að keisar-
inn er ekki í neinum fötum. Það er
hlutverk listamanna og við eigum
að taka það alvarlega. Og það er
yfirvalda að átta sig á því hlutverki
og gera allt sem í þeirra valdi stend-
ur til að styðja við bakið á okkur.
Við erum jú mikilvægur hluti
fjórða valdsins. Þess vegna hefur
mér fundist umræðan til dæmis
um listamannalaun vera á villigöt-
um, ekki er um að ræða einhvern
ómagastyrk heldur laun fyrir list-
ræna vinnu sem rannsóknir sýna
að skilar sér margfalt til baka. Mér
finnst oft á tíðum borin of lítil virð-
ing fyrir list og listamönnum, en
það er líka listamannsins að stíga
fram, bera höfuðið hátt og sýna
fram á að hann eigi virðingu skil-
ið.“
Frægðin, Hollywood og einkalífið
Hvernig hefur það að verða and-
lit sem allir kannast við breytt lífi
þínu? Ertu milli tannanna á fólki?
„Nei, ég hef aldrei heyrt neinar
kjaftasögur um mig, hlýt bara að
vera svona óspennandi. Ég lendi
reyndar oft í því að fólk hefur ekki
hugmynd um hver ég er og það
þykir mér bara þægilegt. En auð-
vitað hefur frægðin breytt lífi mínu
að ákveðnu leyti og fólk er farið að
þekkja mig úti á götu. 98% af fólki
eru mjög vinsamlegt og elskulegt
og mér þykir vænt um þegar fólk
kemur til mín og þakkar mér fyrir
eitthvað sem ég hef gert sem hefur
hrifið það. Svo eru það þessi 2%
sem oftast eru drukkin og finnst
bara sjálfsagt mál að ég stilli mér
upp á myndum með þeim, eða hætti
þeim samræðum sem ég er í til að
tala við það þegar það rekst á mig
á förnum vegi.
Reyndar hefur þetta verið að
breytast mjög hratt hér á Íslandi
og kannski er það vegna þess, að
mér finnst verið að reyna að búa til
einhverja sorglega breska „seleb“-
menningu sem engar forsendur
eru fyrir á þessu litla landi. Það er
enginn merkilegur fyrir það eitt
að sjást í fjölmiðlum. Þar með tal-
inn ég. Ég er engin stórstjarna. Ég
bara leik mín hlutverk sem öðru
hverju eru stór og hitt kastið lítil.
Það skiptir mig engu máli hversu
stórt hlutverkið er, ég vil bara gera
það eins vel og mér er mögulegt.“
Ólafur Darri er á leið til Holly-
wood í lok mánaðarins til að leika í
nýjustu mynd Baltasars Kormáks,
Contraband. Langar hann að reyna
að meika það í Hollywood? „Þetta
er nú bara lítið hlutverk í Contra-
band, ég verð heppinn ef ég lifi
klippiherbergið af, svo það verð-
ur varla nein örtröð af tilboðum í
kjölfarið á því. Ég væri alveg til í
að vinna í Hollywood, eða annars
staðar í útlöndum, fyrst og fremst
af fjárhagslegum ástæðum, þótt
það sé kannski ljótt að segja það.
Mér finnst ég vinna alveg ofboðs-
lega mikið á Íslandi fyrir hlutfalls-
lega mjög litla peninga og vildi svo
gjarna eyða miklu meiri tíma með
fólkinu sem mér þykir vænt um og
velta fyrir mér stóru spurningun-
um í lífinu. Hér þarf maður bara að
vinna of mikið til þess að hægt sé
að lesa þær bækur sem maður vill
lesa, horfa á og stúdera bíómyndir,
sinna fjölskyldu og vinum og svo
framvegis. Að því leyti væri feitur
samningur í Hollywood guðsgjöf,
en takmarkið er alls ekki að meika
það í útlöndum.“
Fyrir tveimur mánuðum bættist
nýtt hlutverk í hlutverkaflóru Ólafs
Darra þegar honum og konu hans,
Lovísu Ósk Gunnarsdóttur dans-
ara, fæddist dóttir. Hvernig leggst
það hlutverk í hann? „Það er nátt-
úrlega algjör umbylting og ég vildi
óska þess að ég hefði miklu meiri
tíma til að sinna henni. Ég ætla
reyndar að taka mér þriggja mán-
aða fæðingarorlof í vor og ætla svo
sannarlega að njóta þess að eiga
þann tíma með dóttur minni og
velta enn þá betur fyrir mér hinstu
rökum tilverunnar, svo maður ger-
ist nú fádæma hátíðlegur.“
Ó lafur Darri er tilnefndur til Edduverðlauna fyrir túlkun sína á Bödda í Roklandi, en ýmsir hafa látið það ergja
sig að karakter Bödda í kvikmyndinni sé ekki í samræmi við
karakter Bödda í bókinni. Hvað segir Ólafur Darri um þá
gagnrýni?
„Hver heilvita maður sem les Rokland ætti að sjá að þetta er
alls ekki sami karakterinn. Í bókinni er hann grannur, dökkur
yfirlitum og svona listamannstýpa, sem ég er ekki.
Ég held persónulega að það sé kostur að hafa karakterana
ólíka, því ef ég á að vera hreinskilinn finnst mér þessi mann-
eskja sem er í bókinni hans Hallgríms ekki ganga upp í kvik-
mynd. Það þyrfti einhvern rosalega góðan leikara til að gera
þennan ósympatíska karakter að persónu sem áhorfendur
gætu þolað. Í kvikmynd er það afskaplega vandmeðfarið að
aðal persónan veki andúð áhorfenda.“
Böddi og Böddi
KVIKMYNDIN OG BÓKIN ROKLAND
viska í
fjármálum
www.arionbanki.is/uglan
Námskeið byggð á sjónvarpsþáttunum vinsælu
Námskeið um fjármál - á mannamáli
Breki Karlsson vakti mikla athygli með sjónvarpsþáttunum
Ferð til fjár. Nú gefst þér kostur á að sækja námskeið hjá
Breka þar sem hann fer betur í saumana á fjármálum
einstaklinga og fjallar um peninga, sparnað og eyðslu
- sem sagt skemmtileg fræðsla á mannamáli.

10. feb. - kl. 17:30 Hafnarborg, Hafnarfirði
16. feb. - kl. 17:30 Borgartúni 19, Reykjavík
23. feb. - kl. 13:00 Bifröst, Borgarfirði
Þættirnir Ferð til fjár eru nú
aðgengilegir á arionbanki.is

Breki Karlsson,
forstöðumaður
Stofnunar
um fjármálalæsi
Nánari upplýsingar og skráning á arionbanki.is/uglan.
Aðgangur er ókeypis og boðið er upp á veitingar.
Boðið er upp á
táknmálstúlkun