Fréttablaðið - 05.02.2011, Blaðsíða 63
LAUGARDAGUR 5. febrúar 2011
1900ÁR 201020001958
Hinn 6. febrúar árið 1958, fyrir réttum 53 árum, átti
sér stað einn mesti harmleikur
knattspyrnusögunnar þegar
flugvél með lið Manchester Unit-
ed innanborðs fórst við flugtak á
flugvellinum í München.
Alls létust 23 af 44 sem voru
í flugvélinni, þar af átta leik-
menn og jafn margir blaðamenn.
Þjálfarinn Matt Busby slasað-
ist einnig alvarlega og var ekki
hugað líf á tímabili.
Manchester-liðið var á þess-
um tíma eitt það efnilegasta sem
fram hafði komið þar sem menn
eins og Bobby Charlton og Dunc-
an Edwards fóru fyrir hópnum,
sem hafði unnið ensku deildina
tvö ár í röð.
Þennan örlagaríka dag var
liðið á heimleið eftir að hafa
leikið við Rauðu stjörnuna í Bel-
grad í fjórðungsúrslitum Evr-
ópukeppninnar. Vélin þurfti
að millilenda í München til að
taka eldsneyti, en veður var
allt annað en skaplegt. Snjó-
bylur skall á og flugmennirnir
áttu um leið í vandræðum með
hreyflana. Því var útlit fyrir að
fluginu yrði frestað til morg-
uns og hafði Edwards meira að
segja sent símskeyti heim þar
sem hann sagðist mundu tefj-
ast um einn dag. Hins vegar var
ákveðið að gera eina tilraun enn
til þess að taka á loft og átti það
eftir að reynast afdrifaríkt.
Vélin þaut eftir flugbrautinni,
en við enda hennar hafði safn-
ast upp krapi sem hægði ferðina
með þeim afleiðinum að vélin
tókst ekki á loft. Hún fór stjórn-
laust fram af brautarendanum í
gegnum grindverk, yfir veg og á
hús þar sem vængurinn rifnaði
af vélinni. Mikill eldur braust út
og létust 20 manns áður en hjálp-
arsveitir komu á vettvang. Mark-
vörðurinn Harry Gregg sýndi
mikla hetjudáð þar sem hann
dró fjölda manns úr flakinu, þar
á meðal Charlton og Busby.
Eftir slysið ríkti óvissa um
framtíð Manchester-liðsins,
en Busby sneri aftur til starfa
á næstu leiktíð. Hann náði að
byggja liðið upp að nýju á stutt-
um tíma og innan tíu ára var
Manchester United aftur orðið
stórveldi og varð Evrópumeist-
ari í fyrsta sinn árið 1968.
Slysið hefur markað djúp spor
í sögu félagsins og enskrar knatt-
spyrnu og var minnst við mikla
athöfn árið 2008 þegar fimmtíu
ár voru liðin frá atburðinum.
Knattspyrnukappar létust í München
23 fórust í hörmulegu flugslysi
Í ÞÁ TÍÐ …