Fréttablaðið - 05.02.2011, Side 37

LAUGARDAGUR 5. febrúar 2011 3
Kaffi gefur eftirsóknarvert bragð af karamellum og margir muna eftir
kaffikaramellunni í brúna bréfinu í Macintosh-boxunum. Þeir sem
sakna þess að finna kaffikaramellu bráðna á tungunni finna hér huggun
í dýrindis uppskrift sem auðvelt er að gera.
Heimalagaðar karamellur smakkast dásamlega með rjúkandi heitum
kaffibolla, auk þess að vera persónuleg heimaafurð sem pakka má í
sellófan og gefa.
Gott er að strá örlitlu Maldon-salti yfir karamellurnar þar sem salt og
sætt bragð fer einstaklega vel saman.
ESPRESSO-KARAMELLUR
2½ bolli valhnetur, ristaðar og saxaðar
(eða aðrar hnetur að smekk)
1 bolli rjómi
1 tsk. fínmalaðar espresso-kaffibaunir
½ tsk. salt
1 bolli milt hunang
Byrjið á að fínmala kaffibaunirnar í
matvinnsluvél. Hitið því næst rjóma,
kaffibaunamulninginn og salt í þykk-
botna pönnu, þar til litlar loftbólur
fara að myndast, rétt áður en fer að
krauma. Bætið þá við hunangi og hitið
upp að suðu. Lækkið þá hitann svo
karamellan malli og hrærið í stöðugt
með viðarsleif í 15 til 20 mínútur, eða
þar til karamellan fer að harðna. Takið
þá af hitanum.
Hellið nú karamellunni yfir hneturnar og hrærið saman þar til hnetur eru
þaktar karamellu. Látið karamelluna þykkna í ísskáp í 10 til 15 mínútur áður
en reynt er að móta hana. Hrærið aðeins í henni og notið matskeið til að
skammta mátulegan karamelluskammt á bökunarpappír. Eins má sleppa
hnetum, smyrja kældri karamellu á bökunarpappír og skera í litla bita þegar
hún hefur kólnað vel.
Kaffigljáðar
karamellur
Kaffi kemur víðar við sögu en nýlagað í kaffibollum, enda uppruni
unaðslegra bragðupplifana sem passa jafnt í matargerð, bakstur og
freistandi sælgætismola eins og hóflega sætar espresso-karamellur.
MOKKABRÚNKUR
1 bolli smjör
1 bolli kakó
2 bollar sykur
1 msk. heitt vatn
4 tsk. skyndikaffi
4 egg
2 tsk. vanillukorn
1 bolli hveiti
½ tsk. salt
MOKKAKREM
½ bolli mjúkt smjör
1 tsk. vanillukorn
2 bollar flórsykur
1 ½ msk. mjólk
2-3 tsk. skyndikaffi
Bræðið smjör. Takið af hellunni
og blandið kakói vel saman við.
Bætið sykri út í smjör- og kakó-
blöndu og blandið vel. Leysið upp
skyndikaffi í heitu vatni og setjið
út í. Bætið við eggjum, einu og
einu, og hrærið vel saman með
handafli á eftir hverju eggi. Setjið
vanillu, hveiti og salt. Bakið í
skúffukökuformi við 180°C í 25 til
30 mínútur. Kælið kökuna vel áður
en kremið er sett á.
Krem: Hrærið saman smjör og
vanillu. Bætið við flórsykri og
hrærið saman. Blandið uppleystu
skyndikaffi saman við mjólk, setjið
svo út í blönduna og hrærið þar til
kremið er létt og ljóst.
Makalausar
mokkabrúnkur
Kremið í uppskriftinni er ljósara en á
myndinni.
Kopi luwak er eitt dýrasta kaffi heims
enda framleitt í litlu magni. Það er gert úr
kaffibaunum sem hafa verið étnar af
köttum. Þegar baunirnar skila sér eru
þær tíndar, þurrkaðar og ristaðar.
Kopi luwak kom við sögu í mynd-
inni The Bucket List með Jack
Nicholson og Morgan Freeman.
Wikipedia.org