19. júní - 19.06.1992, Blaðsíða 21

anir mínar eru ekki merkilegar, það er
miklu meiri ástæða til að hlusta á þínar.
Markmiðið með uppburðarleysi hennar
er oft að hafa aðra til friðs og komast
hjá leiðindum og deilum hvað sem það
kostar.
íris yfirgangssama hefur hins vegar
hátt og lætur mikið að sér kveða, en
undir hrjúfu yfirborðinu býr oft lítið
raunverulegt sjálfstraust. Hún lætur
skoðanir sínar oft í Ijós á óviðeigandi og
særandi hátt og á erfitt með að virða
skoðanir annarra. Hjá henni snúast
skoðanaskipti um það að fara með sigur
af hólmi og hún er stöðugt í samkeppni
við aðra. Fólki sárnar oft við hana og
stendur hálfgerður stuggur af henni.
Skilaboðin sem hún sendir frá sér eru:
Þetta er það sem mér finnst og þú ert
vitlaus ef þér finnst eitthvað annað.
Þetta er það sem ég vil, mér kemur ekk-
ert við hvað þú vilt. Markmiðið með
yfirgangsseminni er að sýna fram á eig-
in yfirburði og hafa sitt fram hvað sem
það kostar.
Sandra sjálfsstyrka stendur á sínu og
lætur hugsanir sínar og skoðanir í Ijós -
en hún gerir það á hreinskilinn og við-
eigandi hátt, án þess að gera lítið úr
öðrum eða nota særandi orðalag. Hún
er háttvís og hreinskiptin og þess vegna
laðast fólk að henni. Hún ætlast ekki til
þess að aðrir geti lesið hugsanir hennar.
Hún reynir að fá aðra til að koma á
móts við sig með því að tjá óskir sínar
beint og hún notar ekki sektarkennd
sem stjórntæki. Hún hefur gott sjálfsálit
sem felst í því að hún er sátt við sjálfa
sig í grundvallaratriðum án þess að
ímynda sér að hún sé fullkomin eða
gallalaus. Skilaboðin sem hún sendir frá
sér eru: Þetta er það sem mér finnst,
svona lít ég á málin en ég er einnig
reiðubúin að hlusta á þína hlið.
Markmiðið með því að sýna sjálfs-
styrk snýst ekki um að fara með sigur af
hólmi heldur um það að halda sjálfs-
virðingu sinni og bæta tjáskipti.
Sjálfsþekking er nauðsyn
Auðvitað er freistandi að reyna að finna
einhverja aðra sem passa við Unni upp-
burðarlausu eða írisi yfirgangssömu. En
við eigum það öll til að sýna yfirgangs-
semi og uppburðarleysi - einnig þeir
sem hafa kennt sjálfsstyrkingu árum
saman. Og til þess að geta orðið líkari
Söndru sjálfsstyrku er mikilvægt að gera
sér grein fyrir því hvað verður helst til
þess að Unnur uppburðarlausa og íris
yfirgangssama koma upp á yfirborðið.
Viðbrögð þátttakenda
Ekki er óalgengt að konur fari að meta
sjálfar sig meir að verðleikum og til
dæmis hafa konur farið fram á meiri
laun fyrir störf sín í kjölfar námskeiðs í
sjálfsstyrkingu vegna þess að þeim var
auðveldara að gspta sjálfsagðra réttinda
sinna.
Margar konur fara líka að gera meira
fyrir sjálfar sig án þess að fyllast af sekt-
arkennd yfir „sjálfselsku" sinni. Þegar
námskeiðin eru á kvöldmatartíma kem-
ur stundum fyrir að konur ganga út,
kannski í fyrsta sinn í hjónabandinu, án
þess að gefa fjölskyldunni að borða og
uppgötva þar með að þær eru ekki eins
ómissandi og þær héldu. Sumar konur
gera sig ómissandi, ekki aðeins í fjöl-
skyldunni heldur einnig á meðal vina
og ættingja. Ef einhvers staðar er til
dæmis haldin veisla finnst þeim að þær
verði að bjóða fram hálp sína sem end-
ar svo með því að það er stöðugt verið
að kvabba á þeim. Aðrir standa í þeirri
meiningu að þær hafi svo gaman af
þessu sem er kannski löngu liðin tíð. En
það er áríðandi að vera fús til að viður-
kenna hvaða þátt maður á sjálfur í því
að samskipti eru ekki eins og best verð-
ur á kosið. Ein kona lýsti því til dæmis
hvernig hún hefði verið vön að þegja
eða rjúka upp og fá alla á móti sér þeg-
ar hún mætti mótbyr á vinnustað. Eftir
námskeið í sjálfsstyrkingu setti hún sér
þá reglu að hugsa sig vel um áður en
hún talaði og þá brá svo við að hún
fékk aðra á sitt band þegar hún kvað
upp úr með það sem henni fannst vera
að. Sjálfsstyrking ætti að verða til þess
að við gefum meira af okkur - vegna
þess að við kjósum það sjálfar - og það
sem mér finnst kannski allra vænst um
að heyra er að börnin grínist við mæður
sínar um hvort þær geti ekki haldið
áfram á sjálfsstyrkingarnámskeiðinu af
því að þá séu þær „svo góðar og
skemmtilegarl".
Viltu
vinna
stundum?
Afleysinga- og rádningaþjónusta
Liðsauki hf.
Skólavördustig 1a- 101 fíeykjavík-
Simi 621355

Góð brauð
góð heilsa
að ógleymdum
kökum og tertum
Bergstaðastræti 13-101 Reykjavík - Sími: 13083