Fréttablaðið - 16.12.2010, Page 8

8 16. desember 2010 FIMMTUDAGUR
1. Undir hvaða heiti hefur
fíkniefnið methedrone gengið?
2. Hvað heitir framkvæmda-
stjóri ORF Líftækni?
3. Hvaða handknattleiksliði
stýrir Paterkur Jóhannesson?
SVÖR:
1. Kattarhlandskók. 2. Björn Lárus
Örvar. 3. Emsdetten.
Jólaball
Rafiðnaðarsambands Íslands 2010
verður haldið í Gullhömrum, Þjóðhildarstíg 2
sunnudaginn 19. desember kl. 14.00-16.00
Veitingar
Hljómsveit hússins
Jólasveinar
Vinsamlega tilkynnið þátttöku á netfangið
svava@rafis.is eða í síma 5805226 til 16. desember á
milli klukkan 9.00 og 16.00
Verð er 500 krónur fyrir alla.
Greitt við inngang.
STJÓRNSÝSLA Eftirlitsstofnun
EFTA, ESA, úrskurðaði í gær
að neyðarlögin sem sett voru í
októ ber 2008 og gerðu innstæð-
ur í bönkum að forgangskröfum
í stað skuldabréfa við gjaldþrota-
skipti banka væru í samræmi við
ákvæði samningsins um Evr-
ópska efnahagssvæðið, EES.
„Þetta er afskaplega þýðingar-
mikil niðurstaða og skiptir okkur
miklu máli. Við töldum neyðar-
lögin nauðsynleg til að geta varið
efnahagslegt sjálfstæði landsins.
Nú er það staðfest að þær aðgerð-
ir voru réttlætanlegar, eðlilegar
og nauðsynlegar,“ segir Árni Páll
Árnason, efnahags- og viðskipta-
ráðherra.
Árni Páll segir nýjan Icesave-
samning sem lagður var fram í
síðustu viku ekki hafa úrslita-
þýðingu í málinu. Eftirlitsstofn-
unin taki ekki afstöðu til þess
hvort réttlætanlegt hafi verið að
tryggja innstæður hér en ekki í
öðrum löndum.
„Það sem þetta lýtur að er
fyrst og fremst sú ákvörðun að
standa vörð um innlenda banka-
starfsemi og breyta forgangs-
röðun krafna með þeim hætti að
innstæðueigendur séu framar
öðrum kröfum við greiðsluþrot
banka,“ segir Árni Páll. Hann
leggur áherslu á að neyðarlög-
in séu einn mikilvægasti þáttur-
inn í málsvörn okkar gagnvart
erlendum kröfuhöfum sem ekki
séu sáttir við þær aðferðir sem
beitt var í bankahruninu.
Í kjölfar gildistöku neyðarlag-
anna haustið 2008 sendu nokkrir
erlendir kröfuhafar kvörtun til
ESA þar sem þeir töldu sér mis-
munað. Þá töldu þeir yfirtöku
Fjármálaeftirlits á gömlu bönk-
unum og ráðstöfun eigna þeirra
brot á ákvæði 40. greinar EES-
samningsins.
Árni Páll telur líklegt að
úrskurður ESA nú muni hafa í
för með sér að erlendir kröfu-
hafar falli frá boðuðum mála-
rekstri gegn ríkinu vegna
neyðarlaganna. jonab@frettabladid.is
Neyðarlögin
voru réttmæt
Eftirlitsstofnun EFTA segir neyðarlögin sem tryggðu
innstæður í bönkum í samræmi við EES-samning-
inn. Afskaplega mikilvægt, segir ráðherra.
ALÞINGI Össur Skarphéðinsson
utanríkisráðherra segir hugs-
anlegt að deilur Íslendinga við
Evrópusambandið og Norð-
menn um makrílveiðar muni
hafa áhrif á gang aðildarvið-
ræðna Íslands við Evr-
ópusambandið.
Einar K. Guð-
finnsson, þing-
maður Sjálfstæðisflokks-
ins, spurði Össur um
málið í óundirbúnum fyr-
irspurnartíma á Alþingi
í gær.
„Háttvirtur þingmaður
spyr hvort að það sé hugs-
anlegt að makríldeilan
kunni að hafa einhver
áhrif á viðræður okkar
við Evrópu-
sambandið
um mögulega
aðild Íslands.
Það er erfitt
að svara því á þessu stigi. Það kann vel að
vera að þegar fram í sækir þá muni það
verka eins og möl á gangvirkið, en ég er ekki
viss um það,“ svaraði Össur.
Ráðherrann sagði deiluna í raun vera mjög
hefðbundna fiskveiðideilu og að Íslendingar
kynnu vel að reka slíkar deilur. „Ef það er
eitthvað sem þeir hafa getið sér orð fyrir þá
er það einmitt það.“
Þá hefði til þessa verið himinn og haf á
milli viðhorfs til krafna Íslendinga af hálfu
Evrópusambandsins annars vegar og Norð-
manna hins vegar. Evrópusambandið hefði
sýnt Íslendingum mun meiri skilning en
Norðmenn. - sh
Utanríkisráðherra segir makrílinn hugsanlega verða eins og möl á gangvirkið í aðildarviðræðum við ESB:
Makríldeilan gæti haft áhrif á Evrópuviðræður
ÁHUGAMENN UM
MAKRÍL Össur Skarp-
héðinsson og Einar K.
Guðfinnsson.
SJÁVARÚTVEGUR Noregur og Evr-
ópusambandið (ESB) hafa tilkynnt
að Norðmenn ætli að taka sér 183
þúsund tonn af makríl á næsta ári
en að ESB taki
sér 401 þúsund
tonn. Samtals
eru þetta 584
þúsund tonn en
ráðgjöf Alþjóða-
hafrannsókna-
ráðsins (ICES)
h ljóðar upp
á 646 þúsund
tonn.
F r iðr ik J.
Arngrímsson, framkvæmdastjóri
LÍÚ, segir þessa ákvörðun bera
lítil merki ábyrgrar nálgunar. „Þeir
ætla okkur, Færeyingum og Rúss-
um samtals 62 þúsund tonn af rausn
sinni. Í ár er kvóti okkar 130 þúsund
tonn, Færeyinga 85 þúsund tonn og
Rússa 45 þúsund tonn. Við höfum
gert þeim skýra grein fyrir því
að við ætlum að halda okkar hlut.
Því leiðir þessi ákvörðun þeirra
óhjákvæmilega til að veiðin fer vel
fram úr veiðiráðgjöfinni, sem er
slæmt.“
Hann segir Íslendinga í full-
um rétti til að kveða á um veiðar á
makríl innan íslensku efnahagslög-
sögunnar. Ísland hafi sama rétt og
Noregur og Evrópusambandsríkin
til að veiða makríl. „Veiðar okkar
eru jafn lögmætar og þeirra þrátt
fyrir eilífar ásakanir um annað. Það
er hins vegar á ábyrgð allra hlut-
aðeigandi aðila að komast að sam-
komulagi um heildarstjórn makríl-
veiðanna. Það hefur því miður ekki
tekist enda eru hugmyndir Norð-
manna og ESB um að við veiðum
einungis 3,1 prósent heildaraflans,
eða um tuttugu þúsund tonn, algjör-
lega óraunhæfar,“ segir Friðrik.
- shá
Makrílafli stefnir í 200 þúsund tonn yfir veiðiráðgjöf:
Allt stefnir í ofveiði
Neyðarlögin eru lög nr. 125 2008 og öðluðust þau gildi 6. október 2008.
Í lögunum fólust víðtækar lagaheimildir íslenska ríkisins til aðgerða á
fjármálamörkuðum. Við setningu þeirra sagði Geir H. Haarde, þáverandi for-
sætisráðherra, lögin eiga að gæta hagsmuna íslensku þjóðarinnar í hvívetna
og koma í veg fyrir að þjóðin verði í skuldaklafa næstu áratugina. Lögin voru
samþykkt frá Alþingi með fimmtíu atkvæðu þingmanna Sjálfstæðisflokks,
Samfylkingar og Framsóknarflokksins en tólf þingmenn Vinstri grænna og
Frjálslyndra sátu hjá.
Neyðarlögin í hnotskurn
FRIÐRIK J.
ARNGRÍMSSON
FÓLK Úthlutað var úr Líknarsjóði
Ögnu og Halldórs Jónsson-
ar í fyrsta sinn í síðustu viku.
30 milljónum króna var veitt
til félaga og verkefna tengdum
börnum.
Félögin Umhyggja, Neistinn
og Ás styrktarfélag hlutu sex
milljónir hvert. Félögin Barna-
geð og Umsjónarfélag einhverf-
ra fengu fjórar milljónir.
Þá fékk verkefni Geðdeildar
og Kvenna- og barnasviðs Land-
spítalans tvær milljónir, sem og
Thorvaldsensjóðurinn, sem er
styrktarsjóður fyrir sykursjúk
börn.
Hjónin Halldór og Agna stofn-
uðu fyrirtækið Halldór Jónsson
ehf. fyrir 55 árum. Líknarsjóðn-
um voru ánafnaðar allar eigur
þeirra hjóna við andlát þeirra.
- þeb
Úthlutað úr líknarsjóði:
30 milljónir til
styrktar börnum
OKTÓBER 2008 Geir H. Haarde, þáverandi forsætisráðherra, ávarpaði þjóðina 6.
októ ber 2008 og tilkynnti um setningu neyðarlaga. Nú hefur Eftirlitsstofnun EFTA
úrskurðað um að lagasetningin hafi verið réttmæt.
Þetta er afskaplega
þýðingarmikil niður-
staða og skiptir okkur miklu
máli. Við töldum neyðar-
lögin nauðsynleg til að geta
varið efnahagslegt sjálfstæði
landsins.
ÁRNI PÁLL ÁRNASON
EFNAHAGS- OG VIÐSKIPTARÁÐHERRA
VEISTU SVARIÐ?