Fréttablaðið - 16.12.2010, Side 16

16 16. desember 2010 FIMMTUDAGUR
Smiðsbúð 6, 210 Garðabæ, Sími 564 5040
w w w . h i r z l a n . i s
Ti
lb
oð
Ný
tt
Jólastólar
Jólaverð 21.900,-
Fullt verð 28.900,-
blátt, grátt, svart,
fjólublátt, brúnt og
vínrautt
Support Home Chair
Jólaverð 12.900,-
Fullt verð 17.900,-
blátt, grátt, svart
Sitness 20
“Veltikollur”, góður fyrir bakið!
Verð 39.900,-
blátt, grænt, svart,
rautt og fjólublátt
Ti
lb
oð
Open Art
Verð 117.800,-
svart, blátt, grænt
og rautt
ÁSTRALÍA, AP Tugir flóttamanna,
flestir líklega frá Írak og Íran, létu
lífið þegar bátur fórst við klettótta
strönd Jólaeyju í Indlandshafi.
Íbúar eyjunnar fylgdust með
sjóslysinu frá klettunum. Um borð
í bátnum voru að minnsta kosti 70
manns á öllum aldri og fóru þeir
allir í ólgandi hafið þegar skipið
brotnaði í spón.
„Þetta var alveg hræðilegt,“
sagði Simon Prince, einn íbúa eyj-
unnar. „Fólkið kramdist. Þarna
voru lík, dáin börn. Allt var þetta
ósköp ömurlegt.“
Prince kallaði strax á lögreglu og
bæði hann og fleiri íbúar í nágrenn-
inu streymdu að til að reyna að
hjálpa.
Hann segir að vél bátsins hafi
greinilega verið biluð og hann hafi
verið að velkjast undan ströndinni í
um klukkustund áður en hann skall
á klettunum. „Báturinn velktist
fram og til baka mjög nálægt
klettunum hérna.“ Hann býr rétt
hjá klettunum og vaknaði snemma
morguns við hróp frá fólkinu úti
fyrir ströndinni.
Einn maður komst af sjálfsdáð-
um í land og rúmlega 40 öðrum
tókst að bjarga, en nærri 30 lík
höfðu fundist.
Þrír voru í lífshættu, þar af tveir
karlmenn með alvarlega höfuð-
áverka og ein kona með áverka á
kviðarholi.
Fólkið á ströndinni kastaði 50 til
60 björgunarvestum út til fólksins
sem reyndi að svamla um í hafinu,
en mörg vestanna flutu burt án þess
að nokkrum tækist að ná í þau.
„Þetta atvik minnir okkur á þær
hættur sem fólk stendur frammi
fyrir sem flýr undan ofsóknum
og mannréttindabrotum í heima-
landi sínu, og til hve örvæntingar-
fullra ráða það grípur í leit sinni að
öryggi,“ segir Richard Towle, full-
trúi Flóttamannahjálpar Samein-
uðu þjóðanna.
Báturinn var innan við tíu metra
langur með skýli ofan á gerðu úr
plast- eða efnisdúk.
Jólaeyja tilheyrir Ástralíu, en
er nær Indónesíu en Ástralíu. Frá
Djakarta, höfuðborg Indónesíu, eru
360 kílómetrar til Jólaeyju, en frá
Ástralíu er fjarlægðin 2.600 kíló-
metrar.
Algengt er að flóttamenn frá
Írak, Íran og Afganistan fljúgi til
Indónesíu og haldi þaðan áfram
siglandi til Ástralíu, oft fjölmargir
saman á litlum bátum.
Ef þeir nást eru þeir oft sendir
til Jólaeyju þar sem þeir dvelja í
fangelsi meðan mál þeirra eru til
umfjöllunar hjá stjórnvöldum.
gudsteinn@frettabladid.is
Tugir flótta-
manna létust
Lítill bátur fórst við klettótta strönd Jólaeyju með
tugum flóttamanna. Minnir á þær hættur sem fólk
leggur á sig til að losna undan kúgun og ofríki.
ÍBÚAR JÓLAEYJU KOMU TIL BJARGAR Báturinn velktist undan ströndinni í um klukku-
stund áður en hann skall á klettunum. NORDICPHOTOS/AFP
JÓLATRÉ Í INDÓNESÍU Jólaskreytingar
eru áberandi í verslunarmiðstöðvum í
Indónesíu, þótt yfirgnæfandi meirihluti
íbúa landsins sé múslimar.
NORDICPHOTOS/AFP
VIÐSKIPTI Landsbankinn hefur
ráðið Finn Sveinsson viðskipta-
fræðing sem sérfræðing í samfé-
lagslegri ábyrgð. Finnur mun leiða
stefnumótun og
starf bankans í
samfélagslegri
ábyrgð í samráði
við yfirstjórn og
hóp starfsmanna
bankans, að því
er fram kemur í
tilkynningu.
Meðal verk-
efna Finns verð-
ur að stuðla að
ábyrgri lánastarfsemi og viðskipt-
um, sem og góðu siðferði og gagn-
sæi. Hann mun einnig stuðla að
virkri umhverfisstefnu, stuðningi
við samfélagsleg verkefni og upp-
lýsingagjöf að því er segir í til-
kynningu frá bankanum. - bj
Samfélagsleg ábyrgð banka:
Ráða sérfræð-
ing til starfa
FINNUR
SVEINSSON
SAMFÉLAGSMÁL Þórdís Elva Þorvalds-
dóttir afhenti í vikunni sem leið
Skottunum, samstarfsvettvangi
kvennahreyfinga í landinu, 300 þús-
und króna peningagjöf.
Peningarnir eru afrakstur átaks-
ins Öðlingurinn 2010 sem Þórdís
Elva stofnaði til.
Hugmyndin að baki átakinu er
ákvörðun Þórdísar Elvu um að
láta ágóða af sölu bókar hennar, Á
mannamáli, renna beint til barátt-
unnar gegn kynferðisofbeldi.
Fyrirætlun Skottanna er að
koma á fót alhliða þjónustumiðstöð
fyrir þolendur kynferðisofbeldis,
vændis og mansals. „Á mannamáli
er skrifuð af þörf fyrir að ráðast á
eitt hljóðlátasta mein samtímans,
kynferðisofbeldi, og því þótti mér
rakið að nota bókina sem fjáröflun-
artæki í þágu baráttunnar,“ segir
Þórdís Elva. Ljóst sé að þrátt fyrir
að almennt sé fólk sammála um
alvarleika málaflokksins séu pen-
ingar sem til hans fari ævinlega af
skornum skammti.
Öðlingsátakið stendur enn og þeir
sem kaupa bókina Á mannamáli í
gegnum vefinn odlingurinn.is fá
bókina senda heim og leggja um
leið góðu málefni lið.
Skotturnar hyggjast koma á fót alhliða þjónustumiðstöð fyrir þolendur kynferðisofbeldis:
Öðlingurinn afhendir 300 þúsund krónur
AFHENDING FJÁRINS Bryndís Bjarnarson tekur við 300.000 krónum úr hendi
Þórdísar Elvu Þorvaldsdóttur við hátíðlega athöfn á Hallveigarstöðum.
LANDBÚNAÐUR Eftirlit með salmon-
ellusýkingum í kjúklingi á Norður-
löndum er alls staðar jafn strangt.
Greindar eru allar tegundir salm-
onellu á öllum Norðurlöndunum.
Jón Bjarnason, sjávarútvegs- og
landbúnaðarráðherra, Bjarni Harð-
arson, upplýsingafulltrúi ráðuneyt-
isins, og Hildur Traustadóttir, for-
maður Félags kjúklingabænda, hafa
öll haldið því fram í samtölum við
Fréttablaðið að eftirlit með kjúkl-
ingaframleiðslu sé lakara erlendis
en hér á landi.
Halldór Runólfsson yfirdýra-
læknir segir að Evrópuþjóðir utan
Norðurlanda greini þó einungis
vissar tegundir salmonellu, en inn-
fluttur kjúklingur hér á landi kemur
frá Danmörku.
„Okkar innflutti kjúklingur
kemur með þeim vottorðum sem
fylgja reglugerð Evrópusambands-
ins,“ segir Halldór. „Munurinn á
Íslandi miðað við önnur Norður-
lönd er sá að við leyfum ekki slátr-
un á kjúklingum sem hafa greinst
jákvæðir á eldistímanum.“
Þorvaldur H. Þórðarsson, fram-
kvæmdastjóri Matvælastofnunar,
tekur undir þetta og segir ekkert
kjöt flutt inn án viðeigandi vottorðs
um að viðkomandi vara sé laus við
salmonellu. - sv
Salmonellueftirlit sama hér og á Norðurlöndum:
Sömu öryggiskröfur
SALMONELLA Allar tegundir salmonellu
eru greindar í kjúklingaframleiðslu á
Norðurlöndunum.