Fréttablaðið - 16.12.2010, Page 24

24 16. desember 2010 FIMMTUDAGUR24
hagur heimilanna
46% BENSÍN ÞÁ OG NÚ Á verðlagi dagsins í dag kostaði bensínlítrinn 140 krónur í nóvember 1990, fyrir 20 árum. (56,80 kr. á verðlagi þess tíma). Bensínverð hefur því hækkað um nærri helming. Í nóvember
síðastliðnum kostaði lítrinn 205 krónur. Heimild: Hagstofa Íslands.
„Það sem hefur gengið vel hjá mér og minni fjölskyldu
í 25 ár er að taka aldrei lán,“ segir Salmann Tamimi,
formaður Félags múslima á Íslandi. „Við teljum það svo
að það sem við höfum ekki efni á sé ekki nauðsynlegt.
Auðvitað losnar maður ekki við íbúðarlán, en það er
góð regla að vinna fyrir hlutunum og safna fyrir því sem
mann langar til að eignast. Þetta er æfing – en borgar
sig.“
Salmann segir að galdurinn við hamingjusamt fjöl-
skyldulíf, umfram ábyrg fjármál, sé að vera tillitssamur
við náungann og bera virðingu fyrir þeim sem maður elskar.
GÓÐ HÚSRÁÐ Aldrei taka lán
Salmann Tamimi, formaður Félags múslima á Íslandi, ráðleggur fólki að
safna sér fyrir hlutunum.
Umferðarstofu hafa borist kvartanir að undanförnu vegna barna og unglinga
á ljóslausum hjólum. Söluaðilum er ekki skylt að selja hjól með luktum, en
glitaugu skulu vera að aftan, framan, á pedölum og dekkjagrindum. Reglugerð
um útbúnað reiðhjóla hér á landi segir til um að reiðhjól sem notað er í myrkri
eða skertu skyggni skuli búið ljóskeri að framan sem lýsir hvítu eða gulu ljósi
og ljóskeri að aftan sem lýsir rauðu ljósi. Ljóskerin skulu vera fest
við hjólið. Ljóskerið að framan skal lýsa nægilega vel án þess að
valda glýju. Sigurður Helgason hjá Umferðarstofu segir að ljós
séu skyldubúnaður á hjólum og þetta þurfi að laga.
„Þetta snýst um öryggi hjólreiðamanna, bæði
barna og fullorðinna,“ segir hann. „Ímyndum
okkur að við kaupum okkur bíl og ljósabún-
aður sé keyptur sér. Þetta er grundvallar-
öryggisatriði í skammdeginu.“
■ Öryggi
Ljósabúnaði barna á hjólum ábótavant
Íslendingar borða um
níu milljónir mandarína
í kringum hátíðarnar. Á
tímabilinu frá lokum nóv-
ember og fram til áramóta
verða flutt um 800 tonn af
mandarínum inn til lands-
ins og er það töluvert meira
en í fyrra.
Hver Íslendingur borðar að meðal-
tali um 25 til 30 mandarínur í
kringum hátíðarnar í ár. Innflutn-
ingsaðilarnir Bananar ehf. og
Búr ehf. flytja inn um 800 tonn
af mandarínum á tímabilinu frá
lokum nóvember til áramóta og
koma þær flestallar frá Valencia á
Spáni. Dreifingaraðilinn Mata hf.,
systurfélag Matfugls ehf., flytur
einnig inn mandarínur hingað til
lands en vildi ekki gefa upplýsing-
ar um heildarmagn innflutnings. Í
nóvember og desember 2009 voru
rúm 650 tonn flutt inn, þannig að
aukningin á milli ára er töluverð.
Kjartan Már Friðsteinsson,
framkvæmdastjóri Banana ehf.,
sem flytja inn Robin-mandarín-
ur, segir þá hefð hafa skapast hér
á landi á síðustu tveimur áratug-
um að hafa mandarínur á borðum
í kringum hátíðarnar.
„Það virðast hafa skapast tengsl
á milli hefða og uppskerutíma
erlendis, þá sérstaklega á Spáni,“
segir Kjartan. Bananar ehf. taka á
móti fjórum gámum af mandarín-
um frá Spáni í hverri viku á þessu
tímabili. Kjartan segir fyrstu
afbrigði tímabilsins oft ekki eins
góð og í desember, þegar mand-
arínurnar eru þroskaðri. En þótt
hefð fyrir mandarínum hafi skap-
ast í kringum jól eru klementín-
ur, sem eru afbrigði af mandarín-
um og eru algengastar hér á landi,
fáanlegar allt árið um kring. Kjart-
an segir þó bestu uppskeruna vera
í kringum hátíðarnar.
Sigurður Á. Sigurðsson, fram-
kvæmdastjóri Búrs, sem einnig
flytur inn mandarínur, segir söl-
una hafa farið mjög vel af stað í
ár. „Þetta er um tuttugu prósenta
aukning frá því í fyrra,“ segir
hann. „Ástæðan er sú að gæðin
eru meiri og það er ánægjulegt að
sjá að fólk er að kaupa þetta, þótt
kaupgeta þess sé að minnka.“
Um tíu til fimmtán dagar líða frá
því að mandarínurnar eru teknar
af trjánum á Spáni þar til þeim er
stillt upp í búðarhillum Íslendinga.
sunna@frettabladid.is
Borða níu milljónir
mandarína um jólin
Mandarína er sítrusávöxtur sem er áþekkur appelsínu í útliti en mun minni.
Mandarínur eru ræktaðar víða í heitari löndum þar sem raki er mikill og
er uppskerutíminn frá hausti og fram á vetur. Klementínur eru afbrigði af
mandarínum og eru algengasta tegundin hér á landi. Mandarínutré eru
mun minni en appelsínutré og þykja nokkuð harðger. Hér á landi koma
flestar mandarínur frá Spáni, en einnig er flutt inn frá Marokkó, Argentínu,
Grikklandi, Ítalíu og fleiri suðrænum löndum. Uppskeran í ár hefur verið góð
sökum hentugs veðurfars og vegur hver mandarína að meðaltali um 90
grömm. Hafa skal í huga að ávöxturinn skemmist auðveldlega í of miklum
kulda.
Klementína: Algengasta afbrigðið af mandarínum í heiminum.
Satsuma: Steinalaus, ræktuð eru meira en 200 afbrigði. Algeng í Japan.
Tangerína: Önnur algeng tegund, sérstaklega erlendis. Er vinsæl í kringum
hátíðarnar eins og klementínur.
Tangor: Blendingsafbrigði af mandarínu og appelsínu. Stærri en hin afbrigð-
in, sæt og bragðmikil.
Mandarína eða klementína?
„Ég grínast stundum með það að bestu kaupin hafi verið þegar ég keypti
tvo karlmenn og einn bíl,“ segir Ólöf Guðný Valdimarsdóttir, fyrrverandi
aðstoðarmaður Ólafs F. Magnússonar í embætti borgar-
stjóra. Ólöf er nú í ríflega 70 prósenta starfi sem skipu-
lags- og byggingafulltrúi í Skorradalshreppi í gegnum
ráðgjafarfyrirtæki sitt.
Bestu kaupin útskýrir hún á þennan veg: „Þegar
ég hef staðið í flutningum þá hef ég oftast fengið
sendiferðabíl og flutningamann. Síðan hefur tekið
hálfan dag að tæma húsnæðið með aðstoð góðra
vinkvenna og vandamanna. Síðast fékk ég sendi-
ferðabíl og tvo flutningamenn sem tæmdu
húsnæðið á innan við klukkutíma. Það voru
góð kaup,“ segir Ólöf.
„Verstu kaupin eru líklega rafmagnsbor-
vélarnar mínar. Þær skilja iðulega eftir sig
skemmda veggi og 45 gráðu bor. Þá fer ég
og kaupi nýja og öflugri borvél,“ segir Ólöf
Guðný. Hún veit þó hvernig best væri að
leysa þetta vandamál. „Þar væri auðvitað
skynsamlegra að fá lánaðan karlmann
með góða borvél.“
NEYTANDINN: ÓLÖF GUÐNÝ VALDIMARSDÓTTIR ARKITEKT
Tveir karlmenn og bíll
bestu kaupin
MANDARÍNUR Flestar mandarínur sem seldar eru hér á landi í kringum hátíðarn-
ar koma frá Spáni. Uppskerutími þar í landi er í byrjun desember og er það talin
ástæðan fyrir þeirri hefð sem hefur skapast fyrir neyslu þessa ávaxtar á þessum
tíma á heimilum Íslendinga.
Nú fer hver að verða síðastur að póstleggja jólakort-
in til landa innan Evrópu en síðasti skiladagur
er á morgun, föstudaginn 17. desember, til að
öruggt sé að þau skili sér fyrir jólin. Til að vera
viss um að jólakort og jólapakkar skili sér
innanlands er mánudagurinn 20. desember
síðasti öruggi skiladagur.
TNT-sendingar til landa utan Evrópu þurfa
að fara af stað í síðasta lagi á morgun, en
TNT sendingar til Evrópu þarf að póstleggja í
síðasta lagi á mánudag.
Pósturinn tekur að sjálfsögðu á móti
jólapósti eftir 20. desember. Opið er á öllum
pósthúsum landsins og auk þess eru opin
jólapósthús í Kringlunni, Smáralind og á
Glerártorgi á Akureyri. Frekari upplýsingar er
að finna á postur.is.
■ Jólapósturinn
Síðustu forvöð að senda kort og pakka
Verslanir Tiger hafa kallað inn
dýrapúsl með segli, tvö dýr saman
í hvítu tréboxi. Vara þessi er með
model-númerið 1700204 og
strikamerki 0200017002046 og var
seld fyrir þremur árum í verslunum
Tigers. Á leikföngunum er segull
sem getur losnað og valdið hættu
á köfnun og innvortis meiðslum
hjá ungum börnum. Verslanir Tiger
benda neytendum sem kunna að
vera með þessa vöru að skila henni gegn endurgreiðslu í einhverja af verslun-
um Tiger á landinu.
■ Innköllun
Tiger innkallar gölluð leikföng
Athugið að áfangar geta fallið niður náist ekki nægilegur fjöldi nemenda.
Allar nánari upplýsingar á vef skólans www.bhs.is Skólameistari
Kvöldskóli BHS Vorönn 2011
Innritun í kvöldskóla BHS í málm- og véltæknigreinum fer fram
föstudaginn 17. desember kl. 17 – 19 og laugardag 18. desember kl. 11 – 14
Verklegir áfangar og tölvuteikning
HSU 102/212 verkleg suða
HSU 232 verkleg þunnplötusuða, ál/stál/ryðfr.
LSU 102/202 verkleg suða
RSU 102/202 verkleg suða
HVM 103 verkleg handavinna
PLV 102 verkleg plötuvinna
TTÖ 102 tölvuteikning fyrir byrjendur
Eftirtaldir áfangar í málmiðngreinum og
teikningum verða í boði. Námið hentar
vel sem undirbúningur undir sveins-
próf í málmiðngreinum. Til viðbótar
neðantöldum greinum eru allar suðu-
greinar, s.s. MIG/MAG, TIG, logsuða
og rafsuða, kenndar.
Kennsla fer fram á tímabilinu frá 10. janúar til 26. apríl.