Fréttablaðið - 16.12.2010, Side 52

16. desember 2010 FIMMTUDAGUR52
timamot@frettabladid.is
„Þetta verður í tuttugasta og annað
skiptið,“ segir Halldór Bragason blús-
ari um Jólablúsgjörning Vina Dóra
sem fram fer í Rúbín í Öskjuhlíðinni
í kvöld. „Við byrjuðum á þessu 1989
og höfum haldið þetta um víðan völl
síðan. Þetta er alltaf jafn vinsælt og
skemmtilegt og þess eru dæmi að
fólk hafi komið á alla Jólablúsgjörn-
ingana.“
Tónleikarnir í kvöld eru ólíkir
flestum öðrum tónleikum á þess-
um árstíma að því leyti að þar verð-
ur ekki spiluð nein jólamúsík. „Í
mesta lagi getur slæðst inn eitt jóla-
lag. Kannski í uppklappinu,“ segir
Halldór. En hvaða músík má fólk þá
eiga von á? „Við spilum bara blús
og reyndar tónlist úr öllum áttum.
Aðallega blús auðvitað, en annars
fer lagavalið mikið eftir stemning-
unni.“
Halldór er auðvitað Dóri og vin-
irnir eru Guðmundur Pétursson
gítarleikari, Ásgeir Óskarsson
trommuleikari, Davíð Þór Jónssson
á Hammondorgel og Jón Ólafsson
bassaleikari. Hafa vinirnir alltaf
verið þeir sömu? „Gummi og Ásgeir
hafa verið með mér frá upphafi. Jón
er nýi strákurinn í bandinu, ekki
nema átján ár síðan hann byrjaði,“
segir Halldór. „Davíð Þór er svo sér-
stakur gestur okkar. Stundum hafa
verið með okkur söngkonur, en við
ákváðum að vera bara strákarnir
núna. Svo syngjum við allir og höfum
þetta bara gaman.“ Og engir leyni-
gestir? „Það er leyni, kemur bara í
ljós,“ segir Halldór leyndardóms-
fullur og harðneitar að ræða það
frekar.
Blúsáhugi hefur aukist mikið undan-
farin ár og að sögn Halldórs eru nú
um eitt þúsund meðlimir í Blúsfélagi
Reykjavíkur. „Þetta er fólk sem er mjög
duglegt að sækja tónleika og margir
koma á alla viðburði sem Blúsfélagið
stendur fyrir,“ segir hann. „Og fylgj-
endur Vina Dóra eru harður kjarni sem
hleður stöðugt utan á sig. Ég held mér
sé óhætt að segja að þetta sé ein vinsæl-
asta neðanjarðarhljómsveit landsins.“
Gjörningstollur er 2.500 krónur og
hægt er að panta miða með tölvupósti á
bluesfest@blues.is þar sem kemur fram
nafn og sími og fjöldi miða. Miðar eru
seldir við innganginn frá klukkan 19 og
tónleikarnir hefjast klukkan 21.
fridrikab@frettabladid.is
VINIR DÓRA Í TUTTUGU OG EITT ÁR: JÓLABLÚSGJÖRNINGUR Í KVÖLD
Kannski slæðist inn eitt jólalag
VINIR DÓRA „Óhætt er að segja að þetta sé ein vinsælasta neðanjarðarhljómsveit landsins,“ segir Halldór Bragason. FRÉTTABLAÐIÐ/VILHELM
SIR NOEL COWARD (1899-1973) leikskáld, leikari og tónskáld fæddist þennan dag.
„Ég hef stundum hugsað um að kvænast, en svo hef ég hugsað mig um.“
Merkisatburðir 16. desember
Þáttur úr teiknimyndaseríunni Pokémon
olli flogaköstum hjá 685 börnum í Japan
þegar hann var sendur út í fyrsta og eina
skiptið þann 16. desember 1997. Þetta
var 38. þátturinn í fyrstu seríu Pokémon
og þar voru notaðar tæknibrellur sem
ollu því að börnin fengu alvarleg floga-
köst. Mörg þeirra voru flutt á sjúkrahús
og tvö þeirra lágu á sjúkrahúsi í rúmar
tvær vikur.
Mikil reiði greip um sig í Japan og í
kjölfar atburðarins var þátturinn bannað-
ur alls staðar í heiminum og framleiðslu
þáttanna hætt í fjóra mánuði. Sýningar
hófust þó að nýju í Japan í apríl 1998.
Margar teiknimyndaseríur hafa síðan
skopstælt þennan fræga þátt, eða vísað
til hans á einn aða annan hátt, þar á
meðal The Simpsons og South Park.
Heimild: www.wikipedia.org
ÞETTA GERÐIST: 16. DESEMBER 1997
Pokémon veldur fjaðrafoki1431 Hinrik VI. Englands-
konungur er krýndur
konungur Frakklands í
Notre Dame-kirkjunni í
París.
1707 Síðasta skráða eldgos
verður í Fuji-eldfjallinu í
Japan.
1916 Framsóknarflokkur-
inn er stofnaður. Hann
er frá upphafi tengdur
búnaðarsamtökum og
samvinnuhreyfingunni.
1942 Utanþingsstjórn Björns
Þórðarsonar tekur við
völdum. Hún situr í tæp
tvö ár.
1950 Harry S. Truman Banda-
ríkjaforseti lýsir yfir
neyðarástandi eftir að
kínverskar hersveitir
ganga til liðs við
Norður-Kóreumenn í
Kóreustríðinu.
1991 Lýðveldið Kasakstan
öðlast sjálfstæði.
Elskulegur faðir okkar, tengdafaðir
og afi,
Jóhannes R.
Bergsteinsson
múrarameistari,
verður jarðsunginn frá Fossvogskirkju 17. desember kl.
13.00.
Sigurbjörg Jóhannesdóttir Örlygur Geirsson
Ragnhildur Jóhannesdóttir Sveinn Sigurkarlsson
Guðbjörg Jóhannesdóttir
Sjöfn Jóhannesdóttir Gunnlaugur Stefánsson
afa- og langafabörn
Hjartans þakkir færum við öllum þeim
fjölmörgu sem sýndu okkur samúð,
vináttu og hlýhug við andlát og útför
elskulegs eiginmanns, föður, tengda-
föður og afa,
Kolbeins Inga
Kristinssonar
Háengi 3, Selfossi.
Sérstakar þakkir færum við starfsfólki Heilbrigðis-
stofnunar Suðurlands fyrir einstaka aðhlynningu og
umönnun. Guð blessi ykkur og gefi gleðilega jólahátíð.
Þorbjörg Sigurðardóttir
Sigurður K. Kolbeinsson og fjölskylda.
Ástkær eiginkona, móðir, tengdamóðir
og amma,
Guðrún Ingibjörg
Oddsdóttir
frá Siglufirði,
lést á hjúkrunarheimilinu Sóltúni í Reykjavík þriðju-
daginn 7. desember. Útförin hefur farið fram í kyrrþey.
Ólafur Jónsson
Sigríður Ólafsdóttir Sunna Lind Sigríðardóttir
Bryndís Ólafsdóttir Sigurður Björnsson
Ólafur Hákon Sigurðarson
Innilegar þakkir til þeirra fjölmörgu
sem sýndu okkur samúð, vináttu og
hlýhug við andlát og útför okkar ást-
kæra
Inga Þórs Jóhannssonar
útgerðarmanns frá Keflavík.
Sérstakar þakkir færum við starfsfólki Sjúkrahúss
Keflavíkur, Garðvangs Garði og Útfararþjónustu
Suðurnesja fyrir einstaka umhyggju og hvers konar
veitta aðstoð.
Aðstandendur.
Innilegar þakkir fyrir samúð
og vinarhug við andlát og útför
eiginmanns míns, föður okkar,
tengdaföður og afa,
Hannesar Flosasonar
Sérstakar þakkir til starfsfólks Líknardeildarinnar í
Kópavogi, Heimahjúkrunar, deildar 11-G á Landspítala
og Heimahlynningar.
Kristjana Pálsdóttir
Páll Hannesson Sarah Buckley
Haukur F. Hannesson Jörgen Boman
Elín Hannesdóttir
Ingibjörg Hannesdóttir
og barnabörn.
Ástkær eiginmaður minn, faðir okkar,
tengdafaðir, afi og langafi,
Guðmundur Marinó
Þórðarson
Þelamörk 1, Hveragerði,
lést þann 9. desember á H.S.S. Selfossi. Útförin verður
gerð frá Hveragerðiskirkju mánudaginn 20. desember
klukkan 14. Blóm og kransar afþakkaðir. Þeim sem
vilja minnast hans er bent á Bæjarás Ási Hveragerði.
Halldóra Þórðardóttir, börn, tengdabörn, barnabörn og
barnabarnabörn.