Fréttablaðið - 16.12.2010, Side 65

FIMMTUDAGUR 16. desember 2010 5
Á dögunum þegar ég flaug frá Nice til Parísar fletti ég tímariti franska flug-
félagsins, Air France. Við lestur-
inn hugsaði ég hvort það væri
nálægð jólanna eða hvort meiri-
hluti ferðalanga væri í leit að rán-
dýrum úrum, svo mikið var af
auglýsingum í ritinu. Reyndar,
þegar betur er að gáð, má segja
það sama um tískublöðin sem eru
full af auglýsingum tískuhús-
anna og annarra sem hanna skart
og auglýsa stíft sínar dýrustu
vörur, úr og skart úr eðalmálm-
um skreytt demöntum eða öðrum
eðalsteinum.
Það er sérkennileg mótsögn að
á meðan Frakkar eru almennt
heldur niðurdregnir og reyna að
skera niður ýmsan aukakostnað
þegar hátíðir nálgast, án þess þó
að það komi niður á börnunum,
skuli fínu tískuhúsin ganga betur
en nokkru sinni og virðast hafa
gleymt kreppunni sem skall hér
á haustið 2008 eins og víða ann-
ars staðar. Úraverksmiðjur fínu
merkjanna hafa vart undan að
framleiða, svo mikil er eftir-
spurnin. Reyndar eru það sjaldn-
ast Frakkar sem kaupa þessa
dýru vöru þó þeir finnist auð-
vitað og milljónamæringar hafa
aldrei verið fleiri hér eins og víða
annars staðar. Kúnnarnir koma
oft frá Kína, Brasilíu, Rússlandi
og víðar; þeim löndum þar sem
kreppan hefur haft lítil sem engin
eða mjög tímabundin áhrif eða
þar sem að milljarðamæringar
eru fleiri en tölu verður á komið.
Þegar betur er að gáð er þó
ekki alltaf um frumlega hönnun
að ræða sem prýðir síður blað-
anna. Oft er þetta endurútgáfa á
þekktum munum enda einfalt að
bæta við nokkrum demöntum á
þekkt og vinsælt úr og margfalda
svo verðið. Það hefur Chanel gert
með því að endurgera fyrsta úr
Coco Chanel sem er áttkanta eins
og Vendôme-torgið í París og er
nú alsett demöntum. Hjá Dior er
það svarta úrið með demöntum en
Mont Blanc selur úr með nærri
200 ára svissnesku úrverki. Úrið
er því mikilvægari fylgihlutur
en nokkru sinni áður, einkum
hjá körlum sem bera minna af
skarti. Um leið er úrið stöðutákn
sem nýríkir Kínverjar og Rússar
keppast um að eignast til að stað-
festa nýfengna félagslega stöðu
sína. Fyrir konur er það meira
skart eins og hringir, hálsmen eða
eyrnalokkar sem eru áberandi og
kosta sitt, þó auðvitað séu úrin
líka vinsæl. Merkilegt hversu
vissir skartsalar eru um fjárhag
jólasveinanna í ár.
bergb75@free.fr
Gull og gersemar fyrir jólin
ÚR HÁBORG TÍSKUNNAR
Bergþór Bjarnason skrifar frá París
„Þetta eru raunar tvær gerðir af
hring,“ segir Brynja. „Ein stand-
ardtegund sem er hringur sem er
eins og blóm í laginu, tilvaldir trú-
lofunarhringir og hægt að panta í
18 karata gulli en afgreiðslutíminn
er þrír mánuður, og svo er ég með
spinnerversjón af þeim hring. Sá
er öllu meiri um sig og fer ekkert
öllum, en það er mjög skemmtileg-
ur mekanismi í honum.“
Skartgripalínan Umvafin trú
endurspeglar drauminn um frið-
samlega sambúð allra jarðarbúa af
mismunandi kynflokkum á ólíkum
menningarsvæðum. Trúartáknin
fimm sem snúast á Bænahjóls-
hringnum eru táknmyndir fyrir
hin ótalmörgu trúarbrögð mann-
kynsins. Öl l
trúartáknin fá
sama rúm og
hafa sama gildi
á hringnum sem
tákn jafnréttis
og samhljóms
a l l ra trúar -
bragða.
Hluti ágóðans
af skartgripa-
línunni Umvaf-
in trú rennur til Íslandsdeildar
Amnesty International en gripirn-
ir eru unnir í Bretlandi og á Ítalíu.
Brynja segir það vera draum sinn
að geta látið vinna skartgripina á
Íslandi en tæknin sé því miður ekki
enn fyrir hendi. Hún hefur þó náið
samband við Gullsmíðaverkstæði
Hjálmars Torfasonar sem er þjón-
ustuaðili skartgripanna á Íslandi.
Brynja hefur að vanda mörg
járn í eldinum. Hún er með inn-
setningu á sýningu eiginmanns
síns, ljósmyndarans Brians Griff-
in, í St. Bernadines kirkjunni á Rue
Poissy í París auk þess sem sýn-
ing á skartgripalínunni Embrac-
ing Faith stendur yfir í Magill‘s of
London í Beckenham á Englandi.
Hún segir líka ýmislegt annað í
bígerð en er ekki tilbúin til að upp-
lýsa hvað það er. „Það eina sem ég
get sagt er að það eru spennandi
tímar núna, nýir tímar,“ segir hún
leyndardómsfull.
fridrikab@frettabladid.is
Nýr hringur í skartgripa-
línunni Umvafin trú
Skartgripahönnuðurinn Brynja Sverrisdóttir hefur sent frá sér nýjan hring í skartgripalínu sinni Umvafin
trú eða Embracing Faith eins og línan heitir á ensku.
Hálsmen eftir Brynju úr línunni Umvafin trú.
Upphaflega armbandið í línunni.
Brynja Sverris
Nýi hringurinn er eins
og blóm í laginu.
20% AFLSÁTTUR AF ÖLLUM VÖRUM
OPIÐ TIL KL 22.00 Í KVÖLD
ÓTRÚLEGT ÚRVAL
AF JÓLAKJÓLUM