Fréttablaðið - 16.12.2010, Side 106

16. desember 2010 FIMMTUDAGUR90
sport@frettabladid.is
28
DAGAR
SVÍAR hafa unnið til flestra verðlauna í sögu HM í handbolta eða 11 alls. Svíar hafa fjórum sinnum orðið heimsmeistarar
rétt eins og Rúmenía. Rúmenar hafa þó aðeins unnið til 6 verðlauna í heildina rétt eins og Þjóðverjar sem hafa þrisvar orðið
heimsmeistarar. Frakkar hafa einnig unnið þrjá heimsmeistaratitla. Ísland bíður enn eftir sínum fyrstu verðlaunum á HM.
FÓTBOLTI Samkvæmt úttekt Frétta-
blaðsins hefur Aron Einar Gunn-
arsson brotið blað í sögu íslenska
karlalandsliðsins í knattspyrnu.
Aldrei áður hefur 21 árs gamall
leikmaður náð meira en 20 lands-
leikjum. Það hefur Aron Einar gert
en hann lék í Ísrael í síðasta mán-
uði sinn 21. landsleik á ferlinum.
Eins og sjá má á meðfylgj-
andi töflu átti Ásgeir Sigurvins-
son gamla „metið“ en hann hafði
á sínum tíma leikið 17 lands-
leiki þegar hann var 21 árs gam-
all. Rúnar Kristinsson og Arnar
Grétarsson koma næstir með sex-
tán leiki hvor en sá fyrrnefndi er
leikjahæsti leikmaðurinn í sögu
íslenska landsliðsins með 104 leiki.
Hann er reyndar sá eini sem rofið
hefur hundrað leikja múrinn.
„Ég var búinn að leiða hugann
eitthvað að þessu en það er óneit-
anlega gaman að heyra þessa
tölfræði,“ segir Aron Einar við
Fréttablaðið. Hans fyrsti A-lands-
leikur var á æfingamóti á Möltu í
byrjun febrúar árið 2008. Þá var
hann átján ára gamall og var í
byrjunarliðinu í leik gegn Hvíta-
Rússlandi.
„Ég, Bjarni Viðarsson og Theó-
dór Elmar Bjarnason vorum allir
valdir í A-landsliðið úr U-21 lið-
inu. Næsti leikur á eftir var svo
æfingaleikur gegn Færeyjum í
Kórnum og gerði ég allt sem ég
gat til að komast í þann leik. Liðið
mitt á þeim tíma, AZ Alkmaar í
Hollandi, ætlaði ekki að leyfa mér
að fara í leikinn þar sem varaliðið
var að spila á sama tíma. Ég sagði
þeim einfaldlega að það kæmi ekki
til greina hjá mér að spila þenn-
an varaliðsleik hvort eð er og því
fékk ég að fara,“ rifjar Aron Einar
upp.
„Ég held að ég hafi stimplað
mig inn í landsliðið í þeim leik.
Þetta var besti leikur ferilsins til
þessa, hvort sem er með landsliði
eða félagsliði. Ég átti mjög góðan
leik.“
Flestir þeirra sem sáu þennan
leik eru sjálfsagt sammála þessu
mati Arons. Fram að því höfðu
fáir Íslendingar séð hann spila,
þar sem hann fór ungur til Hol-
lands og spilaði aðeins örfáa leiki
með Þór í 1. deildinni áður en hann
hélt í atvinnumennskuna.
En í áðurnefndum leik í Kórn-
um vakti hann gríðarlega mikla
athygli og hefur síðan þá varla
misst úr landsleik.
„Ég hef alltaf lagt ríka áherslu
á að spila með landsliðinu. Það er
gott að koma heim og hitta strák-
ana og fá að spila fyrir hönd þjóð-
arinnar. Það er í raun það besta
sem ég geri. Ég set landsliðið í
forgang og geri allt sem ég get til
að vera í bestu formi fyrir lands-
leiki.“
Aron segir að fólk vilji kannski
gleyma hversu ungur hann er. Það
er þó ef til vill ekki skrítið þar
sem hann hefur verið fastamaður
í landsliðinu í tæp þrjú ár og spilað
næstum hundrað deildarleiki með
Coventry í ensku B-deildinni.
„Ég hlýt að mega líta á það sem
hrós. Ég er alltaf að heyra hvað
hinir og þessir leikmenn eru efni-
legir en þá er ég jafngamall eða
yngri en þeir. Fólk lítur greinilega
á mig sem fullorðinn mann,“ segir
hann og hlær.
Aron Einar er enn gjaldgengur
í U-21 landsliðið og verður sjálf-
sagt í liðinu sem fer til Danmerkur
í úrslitakeppni EM næsta sumar.
Hann hvetur Íslendinga til að fjöl-
menna á mótið.
„Ég held að þeir sem koma eigi
ekki eftir að gráta ferðakostnað-
inn. Við munum skrifa enn stærri
kafla í sögu U-21 landsliðsins
en áður hefur verið gert. Það er
pottþétt,“ segir Aron.
eirikur@frettabladid.is
Landsliðið alltaf í forgangi hjá mér
Aldrei fyrr hefur 21 árs gamall leikmaður leikið jafn marga A-landsleiki og Aron Einar Gunnarsson hefur
gert. Leikirnir eru orðnir 21 talsins hjá Aroni, sem leggur ríka áherslu á að spila alla leiki með landsliðinu.
SÝNDI LISTIR SÍNAR
Ásgeir Sigurvinsson er næstur á listan-
um en hér er hann tvítugur að aldri að
leika listir sínar á æfingu með íslenska
landsliðinu í maí 1975.
FASTAMAÐUR Aron Einar Gunnarsson er löngu búinn að festa sig í sessi á miðju íslenska landsliðsins. FRÉTTABLAÐIÐ/ANTON
Leikjahæstu ungliðarnir
Nafn Fæðingarár Leikir*
Aron Einar Gunnarson 1989 21
Ásgeir Sigurvinsson 1955 17
Rúnar Kristinsson 1969 16
Arnar Grétarsson 1972 16
Árni Sveinsson 1956 14
Sigurður Jónsson 1966 13
Arnór Guðjohnsen 1961 12
Guðmundur Þorbjörnsson 1957 12
Arnar Gunnlaugsson 1973 12
Atli Eðvaldsson 1957 11
Sigurður Grétarsson 1962 11
Pétur Pétursson 1959 11
*hjá leikmönnum við 21 árs aldur.
FÓTBOLTI Arsenal-maðurinn Samir
Nasri hefur verið valinn knatt-
spyrnumaður ársins í Frakklandi
af tímaritinu France Football.
Nasri hafði nauman sigur en
þeir Florent Malouda hjá Chelsea
og markvörðurinn Hugo Lloris
komu næstir.
Nasri hefur spilað vel með Ars-
enal á árinu, sérstaklega í haust.
Hann var ekki valinn í HM-
hóp Frakka í sumar en það kom
honum sjálfsagt til tekna þar sem
Frakkar lentu í miklum vandræð-
um á mótinu, bæði innan vallar
sem utan.
Didier Deschamps, þjálfari
Marseille, var valinn þjálfari árs-
ins og Yann M‘Vila hjá Rennes
besti ungi leikmaðurinn. - esá
Samir Nasri, Arsenal:
Valinn bestur
í Frakklandi
KÖRFUBOLTI Helena Sverrisdóttir
var valin besti leikmaður síðustu
viku í Mountain West-deildinni
en hún var þó sjóðheit í tveimur
leikjum TCU-liðsins í vikunni.
Helena skoraði 30 stig í 81-39
sigri á UT Arlington og fylgdi
því eftir með því að skora 23 stig
í tapi fyrir Texas A&M, sem er
með sjöunda besta skólalið lands-
ins. Helena hefur aldrei skorað
meira í einum leik og hún hefur
líka aldrei verið send eins oft á
vítalínuna og í seinni leiknum,
alls 14 sinnum.
Helena var með 26,5 stig, 6,0
fráköst og 4,0 stoðsendingar að
meðaltali í þessum leikjum en
hún hitti þar úr 60 prósentum
skota sinna (15 af 25), setti niður
67 prósent þriggja stiga skota
sinna (8 af 12) og hitti úr 88 pró-
sentum vítanna (15 af 17). - óój
Helena Sverrisdóttir hjá TCU:
Valin sú besta
í síðustu viku
BARÁTTA UM BOLTANN Helena sést hér í
leik með TCU á móti Texas A&M. MYND/AP
SUND Hrafnhildur Lúthersdóttir
úr SH byrjaði mjög vel á HM í 25
metra laug sem hófst í Dubai í gær.
Hrafnhildur tvíbætti Íslandsmet-
ið í 50 metra bringusundi og varð
fyrst íslenskra sundkvenna til þess
að synda undir 31 sekúndu. Hrafn-
hildur synti á 30,82 sekúndum í und-
anúrslitasundinu og náði fjórtánda
besta tímanum.
Hún gerði því gott betur en að
synda undir 31 sekúndu því í lok
dagsins hafði hún bætt sinn besta
árangur um 58 hundraðshluta úr
sekúndu og Íslandsmetið um 39
hundraðshluta úr sekúndu, sem er
mjög mikil bæting í 50 metra sundi.
Hrafnhildur synti á 30,97 sekúndum
í undanrásum en gamla metið átti
Erla Dögg Haraldsdóttir, sem hafði
synt 50 metrana á 31,26 sekúndum
í fyrra.
Með þessu sundi stendur Hrafn-
hildur í níunda sæti í Evrópu og
átjánda sæti í heiminum í 50 metra
bringusundi kvenna, sem er glæsi-
legur árangur. Fyrst í undanúr-
slitum varð kínverska stúlkan Jin
Zhao á tímanum 29,96 sekúndum og
var hún því 0,86 sekúndum fljótari
en Hrafnhildur.
Hrafnhildur var 36 hundraðshlut-
um frá því að komast inn í úrslitin
en áttunda kona inn var Ástralinn
Sarah Katsoulis á 30,46 sekúndum.
Hrafnhildur endaði síðan dag-
inn á því að vera fánaberi íslenska
liðsins á opnunarhátíðinni en hún
á eftir að keppa í þremur greinum
til viðbótar á mótinu, 100 og 200
metra bringusundi og 100 metra
fjórsundi.
Jakob Jóhann Sveinsson úr Ægi
varð í 25. sæti í 100 metra bringu-
sundi en hann synti á 59,80 sek-
úndum. Jakob var skráður með 37.
besta tímann og hoppaði því upp
um tólf sæti. - óój
Hrafnhildur Lúthersdóttir úr SH varð í fjórtánda sæti í 50 metra bringusundi:
Setti tvö Íslandsmet í Dubai í gær
FYRST UNDIR 31 SEKÚNDU Hrafnhildur
Lúthersdóttir úr SH byrjaði frábærlega á
HM í 25 metra laug. FRÉTTABLAÐIÐ/ANTON