Frjáls verslun - 01.05.2003, Qupperneq 59

VIÐTflL INGIBJÖRG PÁLMflDÓTTIR
auknum mæli. Borgarbúar og aðrir gestir geti nú komið inn,
sest niður í aðlaðandi umhverfi og fengið sér að borða eða
drekka, slappað af og hitt fólk í fallegu umhverfi, ekkert síður
heimafólk en hótelgesti. Barir, veitingastaðir og móttökusalir
á hótelum hafi mikið til tekið við af diskótekum og klúbbum
fyrir fólk að hittast og skemmta sér saman. Stéttaskipting og
efnamunur hafi þurrkast út. Hótelin séu fyrir alla og enginn
þurfi lengur að vera uppstrílaður til að ganga þar inn eins og
var fyrir nokkrum áratugum. Nú geti menn gengið hnar-
reistir inn á gallabuxunum.
„Um næstsíðustu aldamót voru hótelin íburðarmikil og
fín og ég get ímyndað mér að því hafi Jóhannes á Hótel Borg
kynnst þegar hann var úti í hinum stóra heimi. Þegar hann
kom heim reyndi hann að búa til þennan anda með því að
koma sér upp nokkurs konar Ritz hóteli hér. Um miðbik
síðustu aldar fór hótelmenningunni að hnigna og hótelin
urðu að náttstað fyrir ferðamenn. Eftir því sem leið á seinni
hluta síðustu aldar urðu ferðalög almennari og þegar Ian
Schrager opnaði Morgan’s hótelið í New York 1985 og
Royalton 1987 fór boltinn að rúlla. Með tilkomu Royalton
varð til nýtt konsept sem sló í gegn. „Það var eins og hjólið
hefði verið fundið upp aftur. Ég var í námi í New York á
þessum tíma og fór og skoðaði Royalton. Ég missti andann,"
segir Ingibjörg. „Philip Starck, sem er einn af snillingum 20.
aldarinnar, hannaði hótelið og það hafði mikil áhrif á mig. í
tengslum við þetta breyttist staða hótelanna þannig að þau
voru ekki lengur bara fyrir gestina heldur fór að myndast
samfélag á hveiju hóteli. Menn fundu að það er gaman og
gott að vera í umhverfi sem er í senn fallegt og skemmtilegt
og veitir vellíðan," segir hún.
Oýpri Skynjun Ferðamenn nútímans gera aðrar og meiri
kröfur til fegurðar og afþreyingar en áður. Þeir vilja aðra og
dýpri skynjun á umhverfi sitt, „persónuleg svör við spurn-
ingum sínum, hreina fegurð, kraftaverk og leyndarmál," eins
og segir í kynningarbók sem design-hótelsamtökin gefa út.
101 hótel er aðili að þessum samtökum. „Yið viljum það sem
er ekta, töfrastaði og orkuuppsprettur. Upp á síðkastið hafa
svona hótel gefið náttúrulega orku sem flestir hafa ekki
fengið að reyna áður. Það að koma á slíkan stað er eins og að
anda að sér innblæstri,“ segir einnig í bókinni.
Ingibjörg er nú að ryðja brautina hér á íslandi með
opnun 101 hótels, fyrsta og eina hótelsins sinnar tegundar á
Islandi. Afar mikið er lagt upp úr hönnun þess og mikill
glæsibragur er á öllu og húsgögnin eftir heimsþekkta
hönnuði eða sérhönnuð. „Þessi hótel eru farin að ryðja sér
til rúms í heiminum og þá er mikið lagt í hönnunina og
umhverfið. Hugsunin er sú að hótelið hreyfi við manneskj-
unni og hafi áhrif á sýn hennar á viðkomandi borg, að það
skilji eitthvað eftir hjá fólki og sé eitthvað meira en bara
ópersónulegur svefnstaður yfir nótt. Það er hægt að gista á
hóteli og upplifa það bara sem húsaskjól yfir blánóttina. En
á design-hóteli er farið lengra," segir hún og bætir við: „Það
þarf að vera einhver gredda í þessu. Á svona hóteli fær
kúnninn tækifæri til að setja viðfangsefni dagsins til hliðar,
hverfa úr hversdagsleikanum, láta ímyndunaraflið reika og
leika sitt leikrit í þessu íslenska leikhúsi."
Fylla UPP í gatið Mörg hótel hafa verið í byggingu hér á landi
að undanförnu, þrátt fyrir þau áföll sem ferðaþjónustan hefur
lent í á alþjóða vlsu, og því hlýtur sú spurning að vakna hvers
vegna Ingibjörg hafi ákveðið að fara út í þetta. Hún segir að
alltaf hafi blundað í sér áhugi á hótelum og hún hafi hannað
hótel og velt hótelum og hótelhönnun lengi fyrir sér, t.d. Hótel
Borg á sínum tíma. „Ég hefði samt aldrei farið út í þetta
verkefni þara til þess að opna eitt hótelið í viðbót. Ástæðan fyrir
því að ég ákvað að fara út í þetta er sú að ég var búin að vera að
skoða hótel og sá að þessi viðskiptahugmynd var ekki fyrir
hendi hér á landi. Mér fannst vera gat í flórunni og ég hafði
löngun til að fylla upp í það,“ segir hún.
Ingibjörg keypti Alþýðuhúsið við Hverfisgötu um ára-
mótin 2000-2001 og hóf strax hönnunina. Húsið er um 70 ára
gamalt og þurfti að endurnýja það að öllu leyti. Hún lét húsið
halda sér að utan þó að auðvitað færi fram endurnýjun, t.d.
skipt um glugga og skeljasand á veggjum. Að innan var húsið
tekið í gegn og því gjörbreytt. Herbergin eru 40 og ekkert til
sparað, mikið lagt upp úr svörtu og hvítu og lúxusinn margs
konar, t.d. hiti í öllum gólfum, stór og opin baðherbergi, þráð-
laus tölva og DVD með t.d. myndinni 101 Reykjavík inni á
herbergjunum, íslensk nútímalistaverk á veggjum og svo
mætti lengi telja. Framkvæmdir hófust haustið 2001 og
hótelið var svo opnað síðla vetrar. Ingibjörg vill ekki ræða
mikið um það hvað kaupin á húsinu og framkvæmdirnar hafi
kostað en játar að upphæðin hafi numið nokkrum
hundruðum milljóna. Hún segir að hvert hótelherbergi á 101
hóteli sé um 30 prósentum dýrara en venjulegt hótelherbergi.
I áætlunum sínum segist hún gera ráð fyrir að það taki sig tvö
til þijú ár að koma hótelinu á gott ról miðað við 60 prósenta
nýtingu. Verðið er á svipuðu róli og á dýrari hótelunum í
Reykjavík. Ingibjörg tekur fram að það sé ekki dýrt rniðað við
svona hótel erlendis.
Síðasti geirfuglinn? Þegar samkeppni ber á góma bendir
Ingibjörg á að í rauninni sé samkeppni engin því að um algjöra
nýjung sé að ræða. Hún telur að hótelkakan muni stækka með
tilkomu 101 hótels og ímyndar sér að hótelið geti fengið um 5-
10 prósent af stærri hótelköku. Nýja hótelið taki ekki frá hinum
hótelunum en einhverjar breytingar verði hugsanlega á
markaðnum. „Ég held að þetta hótel verði viðbót og það komi
hingað ferðamenn sem hafi ekki komið áður því að þeir hafi
ekki séð fram á að fá nógu spennandi hótel til að gista á. Ég hef
fundið fyrir þessari eftirspurn frá útlöndum og því held ég að
hótelið dragi að og auki vissa tegund af ferðamönnum. Þessir
ferðamenn eru vanir að gista á svona hótelum og þeir láta
berast að það sé eitt svona hótel til á íslandi. Smám saman
birtast líka greinar í blöðum á borð við Wallpaper sem höfða til
þessa fólks. Það er mikill áhugi á íslandi núna. ísland þykir
„kúl“ og spennandi og ég held að Björk eigi allan heiðurinn af
því. Hún hefur rutt brautina og vakið athygli og forvitni á
Islandi,“ segir íngibjörg Pálmadóttir. [H
59