Frjáls verslun - 01.05.2003, Qupperneq 96

Helena Hilmarsdóttir, forstöðumaður skráningasviðs Kauphallar íslands.
Helena Hilmarsdóttir,
Kauphöll íslands
Efdr Vigdísi Stefánsdóttur
Kauphöll Islands er
nýflutt í nýtt húsnæði
við Laugaveg 182 og
hefur þar, ásamt Verðbréfa-
skráningu Islands, til umráða
eina hæð. Starfsmenn eru 21
og af þeim eru 8 starfandi á
skráningarsviði.
„Skráningarsvið Kaup-
hallarinnar sér um skráningu
verðbréfa fyrirtækja,“ segir
Helena Hilmarsdóttir, for-
stöðumaður skráningarsviðs.
„I því felst þjónusta við fyrir-
tækin sem eru skráð í Kaup-
höllinni eða hyggja á skrán-
ingu og eins þá aðila sem eru
hér með skráð skuldabréf.
Meðal þess sem við sinnum
er yfirlestur skráningarlýs-
inga og samþykkt þeirra,
bæði þegar fyrirtækin koma
ný inn á markað og þegar þau
gefa út nýtt hlutafé, t.d. vegna
samruna við annað fyrirtæki
eða útboðs á hlutafé. Sviðið
sér einnig um að senda út
allar fréttatilkynningar sem
hingað berast frá skráðum
félögum í samræmi við
skyldur þeirra til að sinna
upplýsingagjöf til markaðar-
ins. Þessar tilkynningar
birtast á heimasíðu Kaup-
hallarinnar og einnig hjá
ýmsum upplýsingaveitum
sem flalla um verðbréfamark-
aðinn. Starf mitt er fólgið í um-
sjón með þessum þáttum auk
ýmissa annarra verkefna, s.s.
vinnu við reglur Kauphallar-
innar, bæði eigin reglur og
sameiginlegar reglur NOREX
kauphallanna, sem eru kaup-
hallirnar á Norðurlöndum.“
Helena er Vestmanna-
eyingur að ætt og uppruna en
stundaði nám við Mennta-
skólann að Laugarvatni.
Þaðan fór hún yfir í Háskóla
Islands þar sem hún lærði
viðskiptafræði. „Eg fann það
að reikningsskil áttu vel við
mig og með náminu á ijórða
ári fór ég að vinna hjá Lög-
giltum endurskoðendum hf.,
sem seinna sameinuðust
Deloitte & Touche.“
Eftir þriggja ára vinnu sem
viðskiptafræðingur tók
Helena löggildingapróf í
endurskoðun. „Árið 1997,
eftir 10 ár starf í endurskoð-
uninni, fór ég til Islandsbanka
um nokkrra mánaða skeið en
færði mig fljótlega til Kaup-
hallarinnar, sem hét reyndar
Verðbréfaþing Islands á þeim
tíma,“ segir Helena. „Maður-
inn minn, Hjörleifur Pálsson,
er einnig endurskoðandi að
mennt en gegnir starfi fram-
kvæmdastjóra hjá Össuri.
Það er talsvert um að endur-
skoðendur gegni öðrum
störfum og þá sérstaklega
konur í stéttinni en þær eru
aðeins um 15-20% hennar.“
Með þijú börn og kreij-
andi starf er ekki mikill tími
aflögu fyrir tómstundastarf
en Helena segist nota þann
tíma sem gefst, vel.
,ýVuðvitað fer mest af tíma
mínum og okkar beggja í að
sinna heimili og fjölskvldu,"
segir hún. „Við eigum góða
að varðandi barnagæsluna og
það kemur sér oft vel þegar
vinnudagurinn er langur."
Af áhugamálum segir
Helena ferðalög innanlands
ofarlega á lista og að þau hafi
ferðast um landið vítt og
breitt, með tjald eða fellihýsi.
„Við látum okkur reyndar
ekki nægja að ferðast innan-
lands með fellihýsið heldur
fórum við í mjög skemmti-
legan Norðurlandatúr með
það sumarið 2000. Við
sendum fellihýsið og bílinn
með skipi og flugum sjálf á
eftir. Kosturinn við það að
vera með eigið fellihýsi á
slíkum ferðum er fyrst og
fremst sá að við getum
pakkað niður því sem hentar
og þekkjum allt sem í því er.
Flugferðir eru orðnar mun
ódýrari en áður og þægilegt
að fara í svona ferðalög."
Heima við er garðvinna,
sund og lestur á áhugasviðinu
en Helena segist vera alæta á
bækur og lesa allt frá reyf-
urum til fræðibóka, allt eftir
því hvernig landið liggur. SB
96