Frjáls verslun - 01.10.2003, Qupperneq 94

Á Tjarnarbakkanum
að brakar ofurlítið í stiganum þegar
gengið er upp í veitingasalinn
Tjarnarbakka í Iðnó, sal sem býr yfir
hljóðum virðuleika þess sem orðinn er gamall
og þekkir tilveruna. Stífpressaðir hvítir dúkar
eru á borðum, fallegar og yfirlætislausar
skreytingar hanga í gluggunum og á
borðunum eru litlir steinar sem tengja gestinn
við náttúruna, mitt í borgarysnum.
Það er eiginlega ekki hægt að komast hjá
því að dást að þessu húsi sem á svo sterkar rætur í
borgarmenningunni. Aratugum saman hafa gestir streymt í
húsið til þess að njóta góðra veitinga og leikverka og þótt
breytingar hafi átt sér stað, er húsið alltaf kyrrt og hægt að
ganga að því vísu.
Það er því gleðiefni að svo mikil og lifandi starfsemi skuli
eiga sér stað í húsinu sem raun ber vitni. Veitingahúsið
Tjarnarbakkinn hefur starfað í húsinu um nokkurra ára skeið
og með hverju árinu sem líður fest sig betur í sessi og sannað
gildi sitt sem fyrsta flokks veitingastaður þar sem boðið er upp
á frábæran mat.
Alþjóðlegur matseðill „Hér leggjum við áherslu á alþjóðlegan
matseðil með sérstaka áherslu á lambakjötið," segir Margrét
Rósa Einarsdóttir sem vill kalla sig staðarhaldara í Iðnó og
hefur rekið veitingahúsið um nokkurra ára skeið. „Yfirleitt er
hér sérstakur matseðill fyrir lambakjöt auk hins hefðbundna
matseðils." Fyrir utan lambakjötið er á matseðlinum ýmsir
fiskréttir, hreindýra carpaccio, reyktgæsabringa og annað sem
freistar svangra gesta hússins. Margrét Rósa
segir kokkana alveg einstaka og að áhersla sé
lögð á að maturinn sé vel úti látinn og fallega
fram borinn.
„Okkur þykir gaman að vísa í gamlar hefðir
og erum m.a. með sams konar eftirrétt og var
boðið upp á þegar Kristján tíundi kom til
landsins, en það er ís sem heitir parfait
Islandaise," segir hún.
Setustofa er staðsett á þriðju hæð full af
forvitnilegum gömlum húsgögnum og munum. Þar er lika
sérsalur fyrir 6-8 manns sem vilja vera út af fyrir sig.
Sýningar í Iðnó I húsinu eru alltaf sýningar í gangi. I
veitingasalnum er málverkasýning á verkum gömlu íslensku
meistaranna, Kjarvals, Asgríms, Schevings, Jóhanns Briem,
Snorra Arinbjarnar, Sveins Þórarinssonar og Jóns Stefáns-
sonar.
„Húsið skreytir sig að miklu leyti sjálft og salurinn þarf ekki
mikið skraut," segir Margrét. „Hann er svo fallegur og
virðulegur og útsýnið yfir Tjörnina alveg óborganlegt. I
vetrarmyrkrinu er frábært að sitja hér og horfa út og láta
hugann reika aftur í tímann. Hér hafa farið fram ótal veislur,
giftingar og hátíðir af ýmsum toga og ég get ímyndað mér að
flestar fjölskyldur í Reykjavík eigi héðan einhverja minningu.
Nú í vetur er veitingahúsið opið frá fimmtudegi fram á
sunnudag frá kl. 18.00. Auk þess er tekið á móti hópum í hádegi
og á kvöldin alla daga vikunnar. Það er líka vinsælt að borða
hér fyrir sýningar og aðrar uppákomur." SQ
Gamla Iðnó kúrir hóg-
vært við Tjörnina og
horfir sínum lífsreyndu
augum á mannlífið.
Húsið sem hefur séð
allt, lifað gleði og sorg,
hávaða og þögn.
Margrét Rósa
Einarsdóttir,
staðarhaldari í Iðnó.