Frjáls verslun - 01.03.2004, Blaðsíða 45

NÆRMYND AF ANDRA MÁ INGÚLFSSYNI
KAUPIR EIMSKIPAFÉLAGSHÚSIÐ
Varfærinn fagurkeri
Ýmsum finnst sem Andri Már Ingólfsson, eigandi Heimsferða, svífi um á rósrauðu
skýi vegna kaupa sinna á Eimskipafélagshúsinu við Pósthússtræti 2, en þar ætiar
hann að opna fjögurra stjörnu hótel vorið 2005.
Eftir Hauk L. Hauksson Myndir: Geir Ólafsson
að hafa sjáifsagt margir séð Eimskipafélagshúsið við Póst-
hússtræti og samliggjandi hús fyrir sér sem hótel en
flestir látið sér nægja tilhugsunina eina. Andri Már
Ingólfsson, eigandi ferðaskrifstofunnar Heimsferða, er ekki í
þeim hópi því hann gerði meira en láta sig dreyma þegar húsið
var auglýst til sölu. Hann lét verkin tala og keypti húsið á
dögunum fyrir 510 milljónir króna. Húsið verður afhent 1. júlí í
sumar. Þá getur Andri Már brett upp ermarnar ásamt sam-
verkamönnum sínum og opnað ijögurra stjörnu hótel vorið
2005. Heimsferðir munu reka hótelið, en sérstakt fasteigna-
félag, sem fleiri koma að, mun sjá um rekstur húseignanna.
Á fundi samtaka ferðaþjónustunnar fyrir skömmu hélt Andri
Már tölu. Meðal áheyrenda voru nokkrir sem fannst hann
kannski örlítið sjálfumglaður. Hafði þar töluvert að segja að
Heimsferðir höfðu keypt ferðaskrifstofuna Terra Nova-Sól í lok
síðasta árs. Þegar Andri Már kom að fyrirhuguðu hóteli við
Pósthússtræti 2 og framtíðaráætlunum því tengdu fannst enn
öðrum á téðum fundi sem að Andri svifi um á rósrauðu skýi.
Héldu þeir hinir sömu að hann hefði orðið heltekinn af róman-
tískum hugmyndum innblásnum af fegurð hússins og sögu.
Meira væri um slíkan innblástur við viðskiptin en jarðtengdar
viðskiptaáætlanir.
En eftir samtöl við þá sem þekkja Andra Má er óhætt að
fullyrða að kaup hans á Eimskipafélagshúsinu eru vel
ígrunduð, raunar þaulhugsuð frá upphafi til
enda. Enda engin tilviljun að hann skuli hafa
bolmagn til að kaupa húsið og vera það fjár-
hagslega stöndugur að geta staðgreitt það þó
hann hafi reyndar notað smálánsfé. Frá
stofnun Heimsferða í mars 1992 hefur fyrir-
tækið verið að græða peninga. Heimsferðir
eru önnur stærsta ferðaskrifstofa landsins,
flutti hátt í 40 þúsund farþega í fyrra. Heims-
ferðir skiluðu 210 milljónum króna í hagnað
árið 2002 og er búist við svipuðum hagnaði
fyrir árið í fyrra. Framtíð Heimsferða og
Andra Más virðist því björt og ef skyggnst er á bak við persón-
una bendir ekkert til annars en að framhald verði þar á.
Byrjaði snemma Sagt er að eplið falli ekki langt frá eikinni.
Það má til sanns vegar færa þar sem þeir feðgar eru annars
vegar, Andri Már og faðir hans, Ingólfur Guðbrandsson, fyrrum
ferðaskrifstofukóngur, kórstjóri og lífskúnstner með meiru.
Andri Már er fæddur 17. október 1963, í vogarmerkinu. Hann
ólst reyndar að mestu upp hjá móður sinni, Laufeyju Kristjáns-
dóttur, í Stóragerðinu í Reykjavík, ásamt systrum sínum, Evu og
Hafdísi. Hann fór að snattast á ferðaskrifstofu föður síns, Útsýn,
sem strákgutti og hefúr alla tíð síðan verið viðloðandi ferðaþjón-
ustu. Andri Már varð stúdent frá Menntaskólanum við Hamra-
hlíð og nam síðan viðskiptafræði við Háskóla íslands. Samhliða
því stundaði hann tungumálanám og starfaði í Þýskalandi, á
Spáni og í Bandaríkjunum. Hann mun hafa starfað á ferðaskrif-
stofu í Los Angeles um skeið og var fararsljóri víða um heim á
sumrin. Hann kunni því sitt hvað fyrir sér í ferðabransanum
þegar hann stofnaði Heimsferðir fyrir 12 árum. Bæði aflaði
hann sér reynslu upp á eigin spýtur og hefur örugglega ekki
komið að tómum kofanum þar sem faðir hans er. En Andri Már
hefur staðið á eigin fótum með Heimsferðir og fullyrt er að þeir
feðgar séu afar ólíkir og verði ekki jafnað saman.
„Það eru fáir sem þekkja ferðabransann jafn vel og Andri
Már. Hann hefur unnið öll störf
sem tengjast ferðaþjónustu og
rekstri ferðaskrifstofu og er
margra manna maki þegar svo
ber undir," segir kunningi
Andra Más. Hann bæti við að
Andri Már hefði einnig gott nef
fyrir viðskiptatækifærum.
Árangursmiðaður Þorsteinn
M. Jónsson, forstjóri Vífilfells,
er góður vinur Andra Más.
Þorsteinn M. Jónsson:
„Andri Már er afar varkár maður
og veit nákvæmlega hvað hann
er að gera. Kaupin á Eimskipa-
félagshúsinu eru þaulhugsuð og
þar er ekki anað að neinu. Hann
stígur yfirleitt varlega til jarðar
og er ekki sérlega vel við að
láta koma sér á óvart.“
45