Frjáls verslun - 01.03.2004, Blaðsíða 80

Miðrými á efstu hæð KB-banka. Þarna eru fundaherbergi bankastjórnar og fulltrúar bankastjóra. Myndir: Geir Ólafsson
KB-BANKI, ARKITEKTÚR
HÁn TIL LOFTS OG VÍn TIL VEGGJfl
Fyrir stuttu flutti KB-banki höfuðstöðvar sínar í nýtt hús að Borgartúni 19 sem
upphaflega var hannað fyrir Fjárfestingabanka atvinnulífsins og hentar því vel fyrir
bankastarfsemi.
Húsið er klætt gráum steini og fellur ágætlega inn í götu-
myndina sem er að myndast í Borgartúninu. Það er
óreglulegt í lögun og hár, afturhallandi gluggi er fyrir ofan
innganginn og gefur húsinu skemmtilegan „öðruvísi" blæ.
Húsið er neðst í þyrpingu nokkurra húsa við götuna og því eins
konar hornsteinn. Við teikningu hússins var það dregið fram en
lögunin ræðst einnig af gerð lóðarinnar. Útsýnið er frábært þar
sem ekki verður byggt fyrir framan það í vesturátt.
„Eykt byggði húsið sem ætlað var fyrir Fjárfestingabanka
atvinnulífsins," segir Asgeir Asgeirsson, einn af arkitektum
hússins hjá Tark. „í KB-banka eru vinnustöðvar fyrir um 300
manns en það er þegar orðið heldur þröngt og búið að gera
ráðstafanir til stækkunar. Við húsið er 4.000 fin bílageymsla en
það er heldur meira en kröfur eru um. Það hefur einfaldlega
sýnt sig að fólk er á bílum og því verður að taka tilliti til þess.“
KB-banki er skemmtilegt sambland opins og lokaðs rýmis
þar sem flestir starfsmenn eru í stórum, opnum iýmum í
björtum sölum en þeir sem starfa sinna vegna þurfa að vera sér,
hafa skrifstofur. Þó svo margir séu saman í stórum rýmum, er
hljóðeinangrun hússins mjög góð og enginn kliður eða hávaði
er til staðar.
„Það var á tímabili neikvæð umræða um opin rými en sú
umræða stafaði held ég mest af því að hugmyndin var stundum
ekki nógu vel útfærð og fólk fann fyrir miklum hávaða sem
truflaði. Það er nauðsynlegt að dempa allan hávaða vandlega í
slíkum rýmum og það hefur tekist vel til hér,“ segir Ásgeir.
80