Frjáls verslun - 01.03.2004, Blaðsíða 90

Hofðaborg hin nýja, Borgartún 21.
Höfðaborg hin nýja
Eitt fyrsta húsið af hinum nýju stórhýsum við Borgartún
er Höfðaborg, hús sem margar ríkisstofnanir fengu
aðsetur í. Nafnið Höfðaborg hefur vakið athygli, ekki
bara vegna þess að fremur óalgengt er að hús fái nafn, heldur
einnig vegna þess hvert nafnið er.
„Það lágu nokkrar ástæður fyrir þessari nafngift," segir
Haukur Ingibergsson, forstjóri Fasteignamats ríkisins. „í
fyrsta lagi er húsið byggt á svipuðum stað og íbúðahverfið
sem nefnt var Höfðaborg og byggt var fyrir efnalitlar
Ijölskyldur upp úr stríðinu. Einnig var verið að hugsa til þess
að þetta er hús sem hýsir margar ríkisstofnanir. Ekki væri
gott ef það væri t.d. kennt við einhverja eina þeirra og svo er
húsið í næsta nágrenni við Höfða. Höfðaborg er og verður eitt
af kennileitum borgarinnar hér eftir, enda er húsið áberandi í
götumyndinni." 33
Gamla Höfðaborgin
Aárum síðari heimsstyijaldarinnar höfðu bæjaryfirvöld
í Reykjavík þungar áhyggjur af húsnæðis- og bygg-
ingamálum höfuðstaðarins. Mikil húsnæðisekla var
og fólk streymdi til bæjarins úr öllum landshlutum. í byijun
september árið 1941 samþykkti bæjarstjórnin að hefja
byggingu 100 bráðabirgðaíbúða og var flutt inn í þær fyrstu
um jólaleytið 1941. Þetta var upphafið að Höfðaborginni.
Ibúðirnar urðu samtals 104, einlyft timburhús, byggð í
lengjum þar sem voru að jafnaði 4-6 íbúðir saman. í húsin
fluttu stórar Jjölskyldur þó íbúðirnar væru litlar, þær
stærstu um 39 fm að stærð. Árið 1942 bjuggu í Höfðaborg-
inni nærri 600 manns. Þetta þótti þó lúxushúsnæði miðað
við það sem margir komu úr. Haft var eftir ungri húsmóður:
„Stofurnar eru sæmilega rúmgóðar og þótt við verðum hér
sex í heimili held ég að það blessist," en hún var þá að flytja
inn í tveggja herbergja íbúð skömmu fyrir jólin 1941.
Eins og oft vill verða með bráðabirgðaúrræði, stóð
Höfðaborgin mun lengur en áætlað var og var síðasta húsið
ekki rifið fyrr en árið 1974. S3
(Heimild: Undir bárujárnsboga eftir Eggert Þór Bernharðsson sagnfræðing).
90