Frjáls verslun - 01.03.2004, Blaðsíða 58

FRÉTTIR
aldrei vafist neitt fyrir sér, hvað þá að mikill ruglingur hafi
orðið. Hann heiti eftir langafa sínum sem var bóndi á Gaut-
löndum í Mývatnssveit og alþingismaður, auk þess sem Jón á
ættir að rekja til Hrafnseyrar í Arnarfirði þar sem „hinn eini
sanni Jón Sigurðsson er fæddur," segir hann.
Jón seðlabankastjóri segir það iðulega hafa komið fyrir að
sér hafi verið ruglað saman við Jón Sigurðsson í Össuri því að
þeir hafi verið saman í Utflutningsráði og ýmsum nefndum á
árum áður. En Jón, bankasljóri í Helsinki, segist ekki hafa
orðið var við að sér væri ruglað mikið saman við aðra. SD
ÁHRIF SKRÆNINGAR PHARMACO í LONDON í HAUST:
EKKIÁ VÍSAN AÐ RÓA
Skráning Pharmaco á markað í London í haust getur haft
mikil áhrif á hlutabréfamarkaðinn og íslenska hagkerfið.
Eftir Guðrúnu Helgu Sigurðardóttur
Ef útboðið gengur vel og bréfin hækka þá
myndi það hafa mikil áhrif hérlendis. Það
er aðallega spurning um það hversu
áhugasamir erlendir fjárfestar verða fyrir
bréfunum og þá hvor markaðurinn verður
leiðandi í verðmyndun, hvort áhuginn á
Pharmaco verði svo mikill eða lítill í London
að það verði spegilskráning við markaðinn
hér eða ekki. Með skráningu munu möguleik-
ar Pharmaco á að stækka erlendis með yfir-
tökum og kaupum á öðrum fyrirtækjum, sem
félagið borgar fyrir með eigin bréfum, snar-
aukast þar sem íslenska Kauphöllin er ekki mikið þekkt
erlendis. Erlendir Ijárfestar hafa ekki sýnt innlendum hluta-
bréfum mikinn áhuga. Krónan er lítt seljanleg og það er lítill
seljanleiki í Kauphöllinni, ekki síst vegna þess hversu lítil
félögin eru. Fjárfestar erlendis þekkja hana lítið og hafa ef til
vill ekki trú á svona kauphöll enn sem komið er. Bæði er
markaðurinn ungur og lítt þekktur, svo eru fyrirtækin fá og
viðskiptin Mta,“ segir Þórður Pálsson, forstöðumaður grein-
ingardeildar KB-banka.
Gjaldeyrisinnstreymi og auðsáhrif stefnt er að því að skrá
Pharmaco á markað í London með haustinu. Gengi Pharmaco
hefur legið stöðugt upp á við síðustu misserin og hefúr félagið
borið uppi og leitt hækkun íslensku hlutabréfavísitölunnar.
Fjárfestar hafa mikla tni á félaginu og væntingar hafa verið
gríðarlegar. Það er því spurning hvað gerist við skráningu
félagsins á markað í London, hvort það hafi einhver áhrif á
íslenska hagkerfið og íslenskan hlutabréfamarkað.
„Pharmaco er núna með markaðsvirði upp á 120-130 millj-
arða króna. Islenski hlutabréfamarkaðurinn hefur hingað til
haft litla tengingu við erlenda hlutabréfamarkaði og má
eiginlega segja að verðlagning á hlutabréfum hérna hafi verið
í tómarúmi miðað við erlenda markaði sem sést meðal annars
á því hversu lítið íslensk hlutabréf sveiflast í takt við erlend.
Bókfært virði eigin ijár Pharmaco er ekki nema
20 milljarðar í dag. Ef Pharmaco verður skráð í
London og gengið verður svipað og hér þá verður
þessi eign íslendinga allt í einu 130 milljarðar og
alþjóðleg markaðsvara. Ef íslendingar selja
eitthvað af sínum hlut í félaginu getur það valdið
gjaldeyrisinnstreymi og haft töluverð efnahags-
leg áhrif, bæði á gengi krónunnar og auðsáhrif,"
segir Þórður.
Gæti oróiö áfall... „Efútboðið hins vegargengur
ekki sem skyldi og Pharmaco lækkar í verði þá
minnkar það töluvert nettóeign íslendinga og seljanleiki eigna
þeirra myndi minnka. Það gæti orðið áfall. Verulegt magn af
peningum myndi hverfa út úr verðbréfamarkaðnum og gengis-
hagnaðurinn sem menn telja sig eiga myndi hverfa," heldur
hann áfram og vill bíða og sjá til. Um miðjan maí er von á fyrsta
árshlutauppgjöri Pharmaco og þá kemur í ljós hvernig gengið
hefur með lyfið sem Ijárfestar binda gríðarlegar vonir við.
Þórður veltir upp spurningum um verðlagningu Pharmaco.
„Pharmaco er hátt verðlagt og ekki miklar upplýsingar frá
félaginu að hafa. Maður veit ekki hvort það er meira í pípunum
sem getur ýtt verðinu upp,“ segir hann og telur spurninguna
snúast um það hvort fjárfestar í London muni hafa sömu trú á
framtíðar vexti félagsins og Ijárfestar á íslandi. „Það er mesta
breytingin. Gengið byggist ekki lengur bara á mati íslenskra
tjáríesta heldur alþjóðlegra fjárfesta sem hafa þekkingu á og
mjög góða reynslu af sljórnendum félagsins. Ef það verður
mikill áhugi í London mun það gjörbreyta landslaginu hér
heima,“ segir hann.
- Hvernig meturðu líkurnar á því?
„Eg er ekkert alltof trúaður á það þar sem við metum virði
Pharmaco á genginu 37,5 í dag, hins vegar yrði það engu að
síður mikill styrkur fyrir íslenska hagkerfið og ijármálamarkað
ef bréfin yrðu nálægt því gengi.“ Œi
Þórður Pálsson, forstöðu-
maður greiningardeildar
KB-banka.
58