Frjáls verslun - 01.07.2004, Blaðsíða 30

FORSÍÐUGREIN: FORSÆTISRÁÐHERRASKIPTIN
Hafldór mótaðist í barnæsku og á ung-
lingsárum í einangrun sem einkenndi
dreifbýli í þá daga og hefur alltaf haldið
nánum tengslum við landsbyggðina, er
stoltur af uppruna sínum og æskustöðv-
um. Hið nána samband manns og
náttúru endurspeglast skýrt í þeirri
ánægju sem Halldór hefur af ferðalögum.
„Halldór lifnar allur við þegar komið er út fyrir borgar-
mörkin. Hann þekkir landið mjög vel og hefur mikla ánægju
af að skýra samferðamönnum sínum frá staðháttum,
mönnum og málefnum þar sem hann er á ferð. Hann er líka
mun viðkvæmari fýrir náttúrunni en flestir gera sér grein
fýrir og þrátt fýrir að Framsókn hafi verið fylgjandi stóriðju og
tengdum framkvæmdum,“ segir gamall samferðamaður Hall-
dórs í pólitíkinni.
Halldór ákvað að bjóða sig fram í Reykjavíkurkjördæmi
norður í síðustu alþingiskosningum. Þó hann hafi verið þing-
maður Austurlands fram að því var hann vel kunnugur borg-
inni. Þau hjón stofnuðu heimili efst í Árbænum 1967 en búa
nú í Breiðholti. Halldór er mikill ijölskyldumaður og ræktar-
samur við vini og vandamenn þó tími til slíkra samskipta sé
yfirleitt af skornum skammti í annríki stjórnmálanna. Gamall
félagi í pólitíkinni segir skipta sköpum að Halldór sé mikill
gæfumaður í einkalífi. Það sé einfaldlega grundvallaratriði
fýrir þá sem gera stjórnmál að ævistarfi.
í pólitík Eftir fermingu fór Halldór á sjó þannig að hann
hafði kynnst grunnatvinnugreinum þjóðarinnar mjög vel
þegar hann útskrifaðist frá Samvinnuskólanum á Bifröst 1965.
Og hann hafði reyndar ekki alveg sagt sitt síðasta orð á sjó. En
það kom ekki til af góðu því Halldór féll af þingi eftir kosn-
ingarnar 1978 og réði sig í kjölfarið sem háseta á bát. Hann var
sár og reiður vegna þessa mótlætis en jafnaði sig fljótt. Hann
komst á þing aftur 1979 og hefur átt þar sæti
síðan. Eftir að hafa kynnst fallvaltleika hinnar
pólitísku tilveru hefur hann aldrei litið á sæti
sitt á þingi sem öruggt. Hins vegar er stað-
reyndin sú að þó Halldór sé ekki nema 57 ára
gamall er hann sá alþingismaður sem setið
hefur lengst á þingi. Hann hefur lifað tímana
tvenna, upplifað gríðarlegar breytingar á
íslensku samfélagi og heiminum öllum sem segja má að hafi
verið starfsvettvangur hans sem utanríkisráðherra í níu ár.
Halldór hafði mikinn áhuga á endurskoðun og reiknings-
skilum og ætlaði sér upphaflega að gera kennslu og störf í
þeim fræðum að ævistarfi. Pólitíkin hafði hins vegar skotið
rótum í huga hans og hann tók þá ákvörðun að fara í stjórnmál.
Hann átti ekki langt að sækja áhugann á stjórnmálum en afi
hans og alnafni var þingmaður Framsóknarflokksins í Norður-
Múlasýslu og síðar á Austurlandi í 21 ár eða frá 1946 til 1967.
Hrókur alls fagnaðar í samtölum við samferðamenn Hall-
dórs og fleiri verður smám saman ljóst að Halldór sem þjóðin
þekkir er gerólíkur þeim Halldóri sem blasir við vinum og
samstarfsmönnum. Það sem kemur kannski flestum á óvart
er hve margir lýsa honum sem hlýjum, viðkvæmum, ein-
lægum og urnfram allt skemmtilegum manni. Húmorinn hafi
hann frá móður sinni, Guðrúnu Ingólfsdóttur.
„Það er leitun að jafn skemmtilegum manni á góðri stund.
Þegar Halldór er í friði íýrir daglegu argaþrasi og í návist vina
og kunningja blasir við allt annar maður en alþjóð hefur
kynnst. Halldór hefur mikla kimnigáfu og er oft óstöðvandi
þegar hann er á annað borð kominn í gírinn," segir gamall
kunningi Halldórs.
Ingibjörg Pálmadóttir, fýrrverandi heilbrigðisráðherra og
náinn vinur Halldórs, tekur heilshugar undir þessi orð. „Það
er ekki til skemmtilegri maður í góðra vina hópi og það er
„Hann er heiðarlegur og lofar
ekki meiru en hann getur
staðið við. Hann kemur
aldrei í bakið á fólki. Þess
vegna er hann yfirleitt varkár
í yfirlýsingum og þegar fólk
ber upp erindi sín við hann.“
nnubílar
@
VÉIAVERf
Lágmúli 7 Reykjavík Sími 588 2600
www.velaver.is
30