Frjáls verslun - 01.07.2004, Blaðsíða 83
JÚN GARBAR OGMUNDSSON
Samkeppnin á skyndibitamarkaðnum er mikil. Nýr lífs-
stíll íslendinga og bættur efnahagur verður til þess að
mun fleiri sækja veitingastaði nú en áður. Kappsmál
allra veitingastaða er að missa ekki hlutdeild sína í sölu á mat
yfir til stórmarkaðanna sem eru til dæmis með tilboð og
útsölur á svína- og kjúklingakjöti. SUkt verðfall á hráefni til
matargerðar rýrir hlutdeild veitingastaða í neyslu," segir Jón
Garðar Ögmundsson sem á sl. ári keypti rekstur McDonald’s
á Islandi, eins þekktasta og verðmætasta vörumerkis heims.
Undir merkjum þess eru starfræktir þrír veitingastaðir hér á
landi og þeim gæti ijölgað á næstu mánuðum.
Aginn kom 3 óvart Jón Garðar hugðist hasla sér völl á
nýjum vettvangi á síðasta ári eftir áralangt starf hjá Gaumi hf.,
en þá fregnaði hann að rekstur McDonald’s á Islandi væri til
sölu. Hann og þáverandi eigandi, Kjartan Örn Kjartansson,
voru fljótir að ná saman og sömuleiðis samþykktu höfuð-
stöðvar McDonald’s í Chicago í Bandaríkjunum eigenda-
skiptin greiðlega. Pizza Hut var til skamms tíma í eigu Gaums
hf. og á meðan Jón Garðar starfaði þar var veitingastöðum
keðjunnar fjölgað úr einum í fimm. Jafnframt hafði hann yfir-
umsjón með rekstri Hard Rock sem Baugur á nú. Hann er því
enginn nýgræðingur í veitingarekstri.
„Veitingarekstur er í eðli sínu alltaf svipaður frá einum stað
til annars,“ segir Jón Garðar. „Það kom mér þó þægilega á
óvart hve mikill starfsagi ríkir hér hjá McDonald’s, meiri en
ég hef kynnst annars staðar. Með því að búa vel að starfsfólk-
inu, hvort heldur er í launum eða aðbúnaði, verður starfs-
mannaveltan ekki mikil. Þeir sem starfa hjá okkur kunna sitt
fag, hafa góða þekkingu í að fara eftir öllum þeim stöðlum og
gæðareglum sem keðjan starfar eftir á heimsvísu. Það er
tímafrekt og dýrt að þjálfa nýtt starfsfólk."
Framlegðin Of lítil Þó að rekstur McDonald’s á íslandi sé
traustur frá degi til dags, eru verkefni stjórnandans
margvísleg og í raun endalaus. Hjá iyrirtækinu
hefur á síðustu mánuðum verið unnið markvisst að
því að skerpa og skýra línur í markaðs- og starfs-
mannamálum og bæta þjónustustig.
„Velta McDonald’s árið 2004 verður um 500 millj-
ónir króna. Vænta má hagnaðar og aukinna við-
skipta frá fýrra ári. Hins vegar er framlegðin enn of
lítiL Verð á veitingunum er of lágt og þá gildir einu
hvort við erum að tala um pizzur, kjúklinga eða hamborgara,"
segir Jón Garðar. „Við viljum helst um 10% verðhækkun en
neytendur eru ekki tilbúnir fýrir slíka hækkun. Þetta gerir
rekstrarumhverfið erfitt. Sömuleiðis hefur verið talsvert
launaskrið í landinu og því höfum við þurft að mæta til að
halda góðu fólki. Síðan eru fleiri atriði sem gera svona veit-
ingarekstur flókinn svo sem að ríkið tekur alltof mikið til sín
í sköttum, vörugjöldum og öðru.“
Hollusta er krafa dagsins Framboð skyndibitastaðanna
hefur tekið miklum breytingum á síðustu árum. Kröfur
neytenda eru aðrar á þessu sumri en til dæmis fýrir fimm
árum. Alls konar áhrif eru merkjanleg frá nýjum viðhorfum
til heilsu og hollustu sem voru óþekkt fyrir nokkrum árum.
I júlí kynnti McDonald’s á íslandi nýjung á matseðli. Það er
Salat plús sem eru sjö grænmetistegundir, ferskt salat, með
kjúklingi og osti, sem hægt er að fá í fjórum útfærslum.
Þetta segir Jón Garðar að sé gert til að mæta óskum við-
skiptavina um fituminni rétti, meira af fersku góðu græn-
meti og lítið kolvetnisinnihald.
„Fyrir um tveimur árum voru hamborgarar og meðlæti
með þeim 95% af veitingasölunni hjá McDonald’s á íslandi.
Nú er þetta hlutfall orðið á að giska 90%. En ég býst við að
hlutfall hamborgara í heildarneyslunni hækki aftur í náinni
framtíð, þá á kostnað pizzu og kjúklinga. í dag eru fleiri
aðilar komnir inn á þennan markað, til dæmis Burger King,
sem er með veitingastað í Smáralind. Þetta verður einfald-
lega til þess að auka vinsældir hamborgarans og auka eftir-
spurn,“ segir Jón Garðar, sem bætir við að veitingahús á
Reykjavíkursvæðinu séu að sínu mati margfalt fleiri en svig-
rúm er fýrir. Sætafjöldinn hafi á fáum árum þrefaldast, „sem
þýðir það eitt að verið er að þynna út markaðskökuna," eins
og hann kemst að orði.
McDonald’s starfrækir í dag þrjá veitingastaði; við Suður-
landsbraut, í Kringlunni og við Smáratorg í Kópavogi. Sá
fýrstnefndi er flaggskipið og elstur, opnaður 1993. Jón Garðar
segir að í dag séu aðstæður þannig að ekki sé þörf fýrir fleiri
staði á stærsta þéttbýlissvæðinu en verið sé að skoða aðra
möguleika. Þar sé horft á Keflavíkurflugvöll og Borgarnes.
Strax í haust ættu niðurstöður athugana að liggja fyrir og
reynist þetta vænlegt verði gengið í málið.
Rafvirki og skipstjóri Æskudraumar Keflvíkingsins Jóns
Garðars Ögmundssonar voru þeir að verða skipstjóri og raf-
virki í aukastarfi. „Mig langaði að vera á síld- og loðnuveiðum
en grípa svo í rafmagnið inn á milli.
Eftir að ég lauk sveinsprófi í raf-
virkjun fór ég í Tækniskóla íslands
og lauk þaðan prófi í útgerðar-
tækni. Eins skrítið og það er nú,
hef ég æ síðan starfað við ýmiss
konar sölu og markaðsmál, hjá A.
Karlsyni var ég í tíu ár og uin fimm
ára tímabil starfaði ég í Danmörku
og stýrði þar útibúi Landssteina.“
Jón Garðar er fráskilinn tveggja barna faðir og býr á
Seltjarnarnesi. „Börnin mín eru mitt aðaláhugamál, uppeldi
þeirra og samskiptin við þau frá degi til dags. Eg er fjöl-
skyldumaður og er f góðu tengslum við systkini mín, ætt-
ingja og vini. Eg er kappsamur að upplagi og hef aldrei átt
nein dæmigerð karlaáhugamál. Eg hef alltaf haft mestan
áhuga á vinnunni. Enda er það svo að þegar maður stýrir
umsvifamiklum rekstri dugir ekki annað en sinna honum
óskiptur, þó maður verði að gæta þess að hlaða batteríin
reglulega." [1]
„Velta McDonald’s árið
2004 verður um 500
milljónir króna. Vænta má
hagnaðar og aukinna
viðskipta frá fyrra ári.
Hins vegar er framlegðin
enn of lítil."
83