Frjáls verslun - 01.07.2004, Blaðsíða 94

.Mm
umSm
Veisla í farangrinum
Bjóðið vinum og vandamönnum í smáveislu þar sem vínið er í aðalhlutverki.
Hafið fáa og einfalda réttí. Fyrst er vínið vafið og svo réttirnir út frá því.
Texti: Sigmar B. Hauksson Myndir: Geir Ólafsson
Veður eru oft mild og góð á haustin. Tilvalið er að bjóða
vinum og vandamönnum í smáveislu þar sem ljúf vín eru
í aðalhlutverki. Slík veisla þarf ekki að vera dýr og óþarfi
að hafa dýra og efnismikla sælkerarétti á boðstólum. Tilvalið er
að hafa fremur færri og einfaldari rétti á borðum. Fyrst er vínið
valið og svo réttirnir út frá því.
Lax 09 Silungur Eftir sumarið eiga eflaust margir lax og silung
í frystikistunni. Góður, reyktur, villtur lax er sælgæti. Reyktur
lax skorinn í þunnar sneiðar með eggjahræru og fullt af söxuð-
um graslauk á einstaklega vel við með hvítvíninu góða frá Al-
sace í Frakklandi. Hugel Riesling er ljómandi og einkennandi
lýrir héraðið. Þetta er frískandi vín og ferskt með bragði af
sítrónu, grænu epli og hunangi. Rene Min-e Pinot Gris Cote
de Rouffach er frábært vín, hæfilega þurrt en með ljúfum
krydduðum ávaxtakeim. Góður chardonnay frá Bandaríkj-
unum passar einnig ljómandi með reyktum laxi, eggjahræru og
góðu brauði. Clos du Bois Chardonnay frá Sonoma er flott
vín. Gott eikarbragð, vottar tyrir reyk og vanillubragði, einnig
smjöri. Þetta er athyglisvert vin sem ég mæli með.
Kryddsoðinn silungur með bragðmikilli dillsósu er frábær
réttur sem passar einstaklega vel með víni. Fyrst er gert
kryddsoð. Kryddsoðið er vatn, kjúklingakraftur, dillgreinar,
steinselja, græni hlutinn af blaðlauk (púrru), hvít piparkorn,
chilipiparbelgur, grófsaxaður laukur, salt og skvetta af vínediki.
Vatn, krydd og grænmeti er soðið um stund. Silungurinn er
settur í pottinn með kryddsoðinu. Þegar suðan kemur upp er
potturinn tekinn af hellunni og silungurinn látinn kólna í
kryddsoðinu og geymdur í því yfir nótt. Sósan er einföld.
Blandið saman til helminga sýrðum rjóma og majónesi. Blandið
svo saman við þessa sósu söxuðu dilli effir smekk og ögn af
sítrónusafa. Silungurinn er bein- og roðhreinsaður og borinn
fram með sósunni og grófu brauði. Einnig er gott að hafa hrökk-
brauð með þessum rétti, jafnvel hrásalat sem í eru soðnar kart-
öflur. Með þessum silungsrétti er tilvalið að hafa freyðivín. Góð
Cava, sem er spánskt freyðivín, er yfirleitt góð kaup. Freixenet
Brut natur er frískandi, þurrt og sýruríkt freyðivín sem á vel
við dillsósuna. Einnig er kjörið að hafa rauðvín með þessum
bragðmikla silungsrétti. Catena Malbec er bragðmikið vin
með keim af eik og bragði af kaffi, svörtum pipar og sveskjum.
Graflax er vinsæll réttur sem alltaf stendur týrir sínu. Hér
kemur hugmynd að góðu salati sem á vel við með graflaxi.
94