Frjáls verslun - 01.07.2004, Blaðsíða 95

VÍNUMFJÖLLUN SIGMARS B.
Rífið niður soðnar rauðrófur, blandið saman til helminga
sýrðum rjóma og majónesi. Blandið saman við sósuna rifnu
rauðrófunum, ögn af rifinni piparrót, söxuðu dilli, pipar og ögn
af sykri og salti. Með graflaxi og þessu rauðrófusalati er haft
gott brauð, gjarnan rúgbrauð eða hrökkbrauð, og glas af rauð-
víni. Gott rauðvín úr Rhone passar með þessum rétti eins og
hönd í hanska. Guigel Cotes du Rhone er tilvalið vín með
graflaxi, þetta er þétt vín og bragðmikið, bragð af kryddi,
dökku súkkulaði og blábeijasultu.
Grænmeli Nú er mikið af góðu fersku grænmeti á
markaðnum. Islenskar paprikur eru safaríkar og bragðmiklar.
Þær verða einstaklega bragðgóðar séu þær bakaðar við lágan
hita í ofni. Frábær réttur frá Italíu nefnist því hljómfagra nafni
Peperoni al forno con pomodoro a acciughe.
Gular, rauðar og grænar paprikur eru skornar eftir endi-
löngu. Fræ og kjarnar eru hreinsaðir úr þeim. Setjið
sherrytómata í paprikuhelmingana, hvítlaukssneiðar eftir
smekk, nokkur kapersber og tvö flök af ansjósum. Olífuolíu
er svo hellt yfir paprikurnar og þær kryddaðar með Maldon
sjávarsalti og pipar úr kvörn. Paprikurnar eru síðan bakaðar
í 110°C heitum ofni í u.þ.b. klukkustund. Þetta er einkar
bragðmikill réttur, hollur og léttur. Með paprikunum má hafa
hvort sem er rauðvín eða hvítvin. Gott hvítvín er Banfi Le
Rime Chardonnay Pinot Grigio. Þetta er hálfþurrt vín,
ferskt, með góðu ávaxtabragði, melónu, greip og vínberi.
Flott vin, sem smellpassar með þessum paprikurétti, er
spænska vínið Guelbenzu Evo frá Navarra. Þar sem gott
hvítt brauð passar vel með réttinum nýtur þetta kröftuga vín
sín vel. Guelbenzu Evo er dimmrautt á lit, kröftugt en þó
þægilega milt, vottar fyrir bragði af tóbaki, þurrkuðum
ávöxtum og jafnvel kryddi eins og negul og kanil.
Ostar Vín og ostar er vinsæl samsetning. Að mínu mati
passa rauðvín og vínber sjaldan með ostum; alla vega ekki
vínber. Kröftugt rauðvín er þó ágætt með ekki of sterkum
ostum. Myglu- og grámygluostar, perur, jarðarber og sellerí
eiga einstaklega vel saman. Gott er að drekka hálfsætt
hvítvín með þessum kræsingum. Fátt er betra með myglu-
ostum en Gewurtztraminer. Hugel Gewurtztraminer er
klassavín, góð bragðfylling með krydduðu hunangsbragði.
Frá Bergerac í Frakklandi kemur magnað vín, Sanxet
Millenium Menbazillac. Þetta er þétt vín, sætt og matar-
mikið. Persónulega kann ég vel við að drekka sætt eða
hálfsætt freyðivín með ávöxtum og gráðostum. Martíni Astí
er sætt freyðivín, ávaxtabragð með góðum krydduðum
múskatkeim. Fyrir þá sem þrátt fyrir allt vilja drekka rauðvín
með osti má ráðleggja að pakka gráðosti í smjördeig og baka
í ofni. Ágætt er að pensla smjördeigið með hrærðu eggi áður
en böggullinn er settur í ofninn. Með innbökuðum gráðosti
er heppilegt að hafa góða bláberjasultu, jarðarbeijasultu og
jafnvel hunang. Einstaklega ljúft Merlot-vín frá Chile,
Canepa Private Reserve Merlot, hæfir vel með þessum
rétti. Þetta er dimmrautt vín og ilmríkt með bragði af sól og
bláberjum en einnig súkkulaði. Einnig gott vín eitt sér.
Pasta Úr pasta má útbúa einfalda, góða en ódýra rétti. Pasta
með villisveppum er réttur sem engan svíkur. Sveppirnir eru
steiktir með ögn af beikoni, hvítlauk og smjöri á pönnu.
Sveppirnir eru svo hafðir með því pasta sem til er eða sem
hentar. Annað sem þarf er rifinn parmesanostur og pipai' úr
kvörn. Ef villisveppir eru ekki til má nota þurrkaða villisveppi.
Þeir eru til í sælkerabúðum, t.d. í Heilsuhúsinu. Þurrkuðu
sveppirnir eru bleyttir upp í volgu vatni og steiktir í blöndu af
ólífuolíu og smjöri. Með villisveppapasta er best að hafa
eitthvert ljúft rauðvín ffá Italiu. Banfi Chianti Classico er
góður fulltrúi Chianti. Þægilegt vín með skörpu ávaxtabragði.
Reyktur silungur er frábær með pasta. Silungurinn er skorinn í
örþunnar sneiðar og í ræmur svipaðar að þykkt og eldspýtur.
Silungsræmunum er svo blandað saman við vel heitt pasta
ásamt smjöri, ögn af söxuðu dilli og hvítlauk. Rétturinn er
bragðbættur með pipar úr kvörn. Með þessum dúndurrétti er
best að hafa rauðvín og þá frá Ítalíu auðvitað. Allora Primitivo
frá Puglia er rétta vínið.
Veisla í farangrinum Eins og fram hefúr komið má útbúa
dýrindis veislu með fábrotnum mat og góðu víni. Það eina sem
þarf er frjótt ímyndunarafl, góðir vinir og fallegur staður, hvort
sem það er á sólpallinum, í sumarbústaðnum, heima í garði eða
á svölunum. Auðveldasta leiðin til að kynnast töfraheimi vín-
anna er einmitt með góðum mat. 33
Sigmar B. Hauksson mælir með eftirtöldum vínum:
Hvítvín:
Hugel Riesling, kr. 1.440
Rene Mure Pinot Gris Cote de Rouffach, kr. 1.590
Clos du Bois Chardonnay, kr. 1.490
Banfi Le Rime Chardonnay Pinot Grigio, kr. 1.190
Hugel Gewurtstraminer, kr. 1.590
Sanxet Millenium Monbaxillac, kr. 1.440
Rauðvín:
Catena Malbec, kr. 1.590
Guigal Cotes du Rhone, kr. 1.440
Guelbenzu Evo, kr. 1.890
Banfi Chianti Classico, kr. 1.489
Allora Primitivo, kr. 1.390
Freyðivín:
Freixenet Brut Nature, kr. 1.090
Martini Asti, kr. 790
95