Morgunn - 01.06.1964, Side 73

MORGUNN
67
Hann skýrði frá því, að fyrir forgöngu félagsstjórnar-
innar hefði verið stofnað til sérstakra félagsfunda með ungu
fólki til þess að kynna því sálarrannsóknir og spíritisma.
Hefðu þeir fundir verið vel sóttir og gæfu vonir um góðan
árangur af þessu starfi. Ennfremur var haldin samkoma í
Keflavík á vegum félagsins, og var sóknarpresturinn, séra
Björn Jónsson í Keflavík, fundarstjóri. Þar fluttu ávörp auk
hans Helgi Vigfússon, er unnið hefur ötullega á vegum
Sálarrannsóknafélagsins, og séra Sveinn Víkingur, en Sigfús
Halldórsson tónskáld lék á hljóðfæri. Hafsteinn Björnsson
miðill hafði skyggnilýsingar, er þóttu takast mjög vel. Þessa
samkomu munu hafa sótt um 350 manns.
Að lokum skýrði fundarstjóri frá því, að nokkrir úr full-
trúaráði félagsins hefðu ásamt Hafsteini Björnssyni miðli
og nokkrum fleiri farið norður að Saurum á Skaga til þess
að kynna sér þau dulrænu fyrirbæri, sem þar höfðu þá átt
sér stað um skeið, og vakið mikla athygli. Birtist grein um
fyrirbærin í þessu hefti Morguns.
Þá las gjaldkeri, Eggert P. Briem, endurskoðaða reikn-
inga félagsins fyrir árin 1962 og 1963, og voru þeir sam-
þykktir í einu hljóði. Tekjuafgangur var alls kr. 27.705.60
og eign félagsins í árslok 1963 kr. 925.462.68.
Að því búnu fór fram kosning í fulltrúaráð félagsins, en
það er skipað tólf mönnum og ganga sex þeirra úr árlega og
að þessu sinni eftir hlutkesti. Tveir hinna fráfarandi fulltrúa,
Sigurlaugur Þorkelsson, sem gegnt hefur ritarastörfum i
stjórninni um mörg ár, og fröken Ásta Stefánsdóttir báðust
eindregið undan endurkosningu, og voru í þeirra stað kjörnir
séra Sigurður Haukur Guðjónsson og Haukur Isfeld. Hinir
voru endurkjörnir.
Skipa því nú þessir fulltrúaráð félagsins:
1. Séra Jón Auðuns dómprófastur.
2. Séra Sveinn Víkingur fv. biskupsritari.
3. Séra Sigurður H. Guðjónsson sóknarprestur.
4. Frú Ingibjörg ögmundsdóttir fv. símstöðvarstjóri.