Morgunn - 01.06.1964, Blaðsíða 83

MORGUNN
77
anna, sé í rénun, og prédikanir trúarpostulanna hafi furðan-
lega lítið að segja og séu oft eins og „hljómandi málmur og
hvellandi bjalla“. Hann kveðst hafa rannsakað mjög vand-
lega 73 manneskjur, sem tveir prédikarar hafi „frelsað og
leitt til Jesú“. Af þeim hafi aðeins einn tekið verulegri hug-
arfarsbreytingu og orðið í sannleika góður maður og kær-
leiksríkur. Þrjátíu og sjö virtust ekki taka öðrum breyting-
um en þeim, að þeir voru oftar en áður með Jesú nafn á
vörunum. Á hinum þrjátíu og fimm segir hann ekki hafa
orðið neinar breytingar, hvorki í hegðun né orðfæri.
En þrátt fyrir þetta er prófessor Sorokin bjartsýnn á
framtíðina. Hann telur það meðal annars gefa fyrirheit um
vaxandi hugmenningu, að raunvísindin séu að leiða í ljós
fullkomna byltingu á ríkjandi skoðunum á efninu, og þar
með að kveða að fullu niður efnishyggjuna og um leið nauð-
hyggjuna (determinismann), sem leiddi af kenningunni um
vélgengan heim. En í þess stað opnist nú hlið að frjálsum
heimi, þar sem hin skapandi góðvild og sköpun andans fái
notið sín. Hann hefur einnig sterka trú á því, að kjarni krist-
indómsins, og þá ekki sízt fjallræðan, eigi enn lífgefandi og
skapandi mátt, ef hann fær að njóta sin óhjúpaður, og geti
enn átt sinn öfluga þátt í því, að skapa sanna hugmenningu.
Að hyggju Sorokins er það hinn óeigingjarni kærleikur
og skapandi góðvild, sem nú veltur mest á. Og því aðeins
að það geti tekizt að efla hann og glæða í hverju brjósti, sé
unnt að leysa vandamál bæði einstaklinga og þjóða, efla
frið á jörð og skapa þannig „nýjan himin og nýja jörð“, þar
sem samstilling og hamingja megi ríkja komandi kynslóðum
til varanlegra heilla og blessunar.
Þessi orð hins margfróða og djúpvitra vísindamanns, eru
áreiðanlega þess verð, að þeim sé fullur gaumur gefinn,
einnig af okkar litlu þjóð, sem fyrst og fremst verður að
vernda sitt unga sjálfstæði og fullveldi með vopnum andans
og krafti sannrar og heilbrigðrar menningar.