Morgunn - 01.06.1966, Qupperneq 10

4 MORGUNN
I augum Krists var sálin meira virði en allt heimsins góz
og gæði.
Boð og bönn drottins.
Rétt er að staldra augnablik við þá furðulegu kreddu, að
drottinn hafi bannað að leita frétta af framliðnum.
Fyrst er nú þess að gæta, að yfirleitt eru sálarrannsóknir
ekki reknar á þann hátt, að lögð sé stund á að leita frétta af
framliðnum. Heldur eru rannsökuð ýmis sálræn fyrirbrigði
og þar á meðal það, sem kallað er trance eða miðilsástand.
Oft virðast að vísu ýmsar verur tala af vörum miðilsins, sem
telja sig vera framliðna menn, en þessar verur koma af
sjálfsdáðum og án þess að á þær sé kallað. Sumum þeirra
virðist vera umhugað um að sanna, að þær séu þessi eða
hinn, sem iifað hafi á jörðinni, og hví skyldu sálarrann-
sóknarmenn ekki leyfa þeim það? Það er sannarlega engin
smáræðis uppgötvun, ef takast mætti fyrir utan allan efa
að ná sambandi milli dauðra og lifenda. Margir eru sann-
færðir um, að þetta hafi tekizt, og ég held, að ekki sé hægt
að sýna fram á, að það hafi skaðað þá andlega. Þvert á móti
hefur það gefið mörgum mönnum týnda gleði til baka, von
og trú á guðs óendanlegu miskunn. Hví þessi harmur við
grafirnar? Stafar hann ekki fyrst og fremst af því, að menn
trúa ekki á upprisu holdsins, þrátt fyrir allar játningar?
Gæti þá nokkrum orðið ömun eða sálutjón af því, að öðlast
óbifandi vissu um að ástvinir þeirra lifi og séu hamingju-
samir þótt þeir deyi? Mundi það ekki draga úr sviða skiln-
aðarins og gefa mönnum nýtt traust á lífinu og breyta að
verulegu leyti mati þeirra á jarðneskum og andlegum verð-
mætum?
Um óhreinar konur.
112. kafla III. Mósebókar er þessi fyrirskipun frá drottni
um sængurkonur, að þá er kona elur sveinbarn skal hún vera
óhrein sjö daga og láta umskera sveininn á áttunda degi og