Morgunn - 01.12.1970, Síða 34

112
MORGUNN
heima og geima og séð þá hinar furðulegustu og fegurstu sýnir,
en stundum líka það, sem henni virtist beinlínis sýnt til við-
vörunar og ábendingar um það, hver ábyrgð því fylgir að mis-
nota gáfur og gjafir lifsins. Á þetta minnist hún í bréfi til
einnar vinkonu sinnar og segir þai’ meðal annars á þessa leið:
„Ekki er hægt að kalla þetta drauma. Vitundin er svo miklu
skýrari en í vanalegum draumum, þar sem allt vill fara í rugl
og úr einu i annað. Þetta eru öllu frekar vitranir eða sýnir,
enda byrjar þetta alltaf þannig, að komið er til min, oftast i
svefni, og þá venjulega strokið niður vinstri öxl og sagt mildum
en ákveðnum rómi: „Vaknaðu!“ Og mér finnst ég vakna og
geta farið allra minna ferða. Og komið hefur þá fyrir, að ég sé
sjálfa mig, sem við köllum, liggjandi eftir i rúminu.“
Ég bar ekki gæfu til þess að kynnast þessari konu nema mjög
lítið — allt of litið, finnst mér nú, eftir að hafa lesið blöðin,
sem hún hefur skrifað á nokkra þætti úr reynslu sinni.
örstuttu fyrir andlát sitt, bað hún börn sín að afhenda mér
að sér látinni, bréfaböggul. Hann hefur að gevma handrit frá
ýmsum timum, þar sem hún hefur skráð ýmislegt af ])vi, sem
fyrir hana hefur borið á hinum dulrænu sviðum. Sýnist margt
af því liafa verið skráð um svipað leyti og sú reynsla átti sér
stað. Flest þessara handrita eru aðeins í uppkasti og henni ekki
gefizt tóm til að afrita þau. En þetta kemur ])ó ekki að sök, en
sýnir aðeins, hvað henni hefur verið létt um að rita og mál og
stíll leikið í höudum hennar.
Ég er henni afar þakklátur fyrir þessi handrit. Og ég er einn-
ig þakklátur börnum hennar fyrir það að hafa leyft mér að
birta nokkur þeirra í Morgni. Ég vona, að lesendum hans verði
ekki síður en mér unun að því að kynnast þeim. Ritstj.
Skyggn í bernsku.
Móðir mín hefur sagt mér, að hún hafi álitið mig skyggna
strax litið barn. íág var óvær. Það var illt að koma mér í svefn.
Og þó að ég væri sofnuð, hrökk ég upp með andfælum. Seinna,
þegar ég var farin að tala, hafði ég orð á ýmsu, sem ekki aðrir