Morgunn - 01.06.1980, Qupperneq 64

62
MORGUNN
skráS af nemendum hans. Ýmislegl er til af því í lítilli bók
á íslensku, sem ber nafnið HVER ER SINNAR GÆFU SMIÐ-
UR og dr. Broddi Jóhannesson íslenskaði og er sú bók meðal
þeirra bóka sem ég met mest, sökum þeirrar miklu lífsvisku
sem i henni er að finna. Til dæmis þetta: „Ef mótlæti hendir
þig, þá mundu að snúa þér ætíð til sjálfs þín og spyrja hverja
mannkosti þú megir setja gegn því. Ef þér er falið erfitt starf
nýtur þú þrautseigju þinnar, og ef þú ert svívirtur neytir þú
mnburðar þíns“.
„Segðu um engan hlut: Ég missti hann, heldur: Ég skil-
aði honum aftur. Barn þitt hefur látist, — þvi hefur verið
skilað aftur. Kona þín hefur dáið, — henni hefur verið skil-
að aftur. Þú hefur verið sviptur óðali þínu, — einnig því hef-
ur verið skilað aftur. En þú munt svara:
Sá er illvirki sem svipti mig því.
Hvað varðar þig hvern gjafarinn kaus til þess að krefja
það aftur? Meðan hann Ijær þér það skaltu geyma þess vel,
en telja það annarra eign sem gestir gistihúsið."
Epiktet segir ennfremur á öðrum stað:
„Þér myndi þykja hart ef einhverjum yrði gefið vald á
líkama þínum. En minnkast þú þín þá ekki fyrir það að gefa
hverjum sem er vald á skapi þinu, svo það æsist og gengur
úr skorðum, ef hann svívirðir þig?“
Já, Epiktet bendir okkur nefnilega á það, að eitt af því sem
við getum ráðið við sé að stjórna hugsun okkar. Hann bend-
ir okkur á það að greina á milli þess í lífinu, sem við ráðum
við og hins sem við ekki fáum breytt. Og hann bendir okkur
á rétt viðbrögð gagnvart því sem hendir okkur.
Þessi sama viska kemur fram i hinni frábæru bæn AA-
manna: „Guð gefi mér æðruleysi til þess að sætta mig við
það sem ég get ekki breytt. Kjark til þess að breyta þvi sem
ég get breytt, og vit til þess að greina þar á milli“.
Aldrei hefur nauðsyn þess að kunna að bregðast rétt við
vandamálum lífsins verið brýnni en nú á þessum tímum
hinna örhröðu breytinga í þjóðfélaginu, enda þjáist orðið ann-
ar hver maður af streitu í einhverri mynd.