Morgunn - 01.06.1980, Page 69

BÆKUR
67
ferðum að reyna að eyðileggja þá sálarlega, gera þá villidýr-
um verri. Þetta tókst fyrst í stað. Tortryggni og fjandskapur
fór vaxandi meðal fanganna og hver höndin upp á móti ann-
arri. Allt virtist dæmt til vonleysis og dauða.
En þá gerist kraftaverkið mitt í allri eymdinni. Menn tóku
að fórna lífi sínu hver fyrir annan og hjálpa hver öðrum með
öllum þeim ráðum sem tiltæk voru. Yonin verður örvænt-
ingunni sterkari og sigrandi máttur grimmdarinnar og dauð-
ans tekur að dvina fyrir ósigrandi mætti kærleikans. Hinn
blundandi kraftur góðleikans vaknar í þessu víti mannlegr-
ar eymdar.
Þetta er saga sem getur sagt okkur ýmislegt um sjálf okk-
ur. Hún hlýtur að valda því, að við blygðumst okkar fyrir sí-
felldar kvartanir undan smámunum. Við sjáum allt í einu
fyxir hve margt við getum þakkað og það minnir okkur á
skyldur okkar við meðbræður okkar og systur.
Sú hugarfarsbreyting sem átti sér stað með þessum föng-
um Japana er svo stórkostleg, að hún hlýtur að vekja í brjósti
góðra manna nýjar vonir um framtíð mannkynsins, þrátt
fyrir allt. Þessi bók er því jafnt bölsýnismönnum sem bjart-
sýnismönnum hinn hollasti lestur.
Séra Gunnar Björnsson Bolungarvik hefur þýtt bókina með
prýði, ekki síður bundið mál en óbundið og færi ég honum
þakkir fyrir.
Jóhann J. E. Kúld:
1 LlFSINS ÓLGUSJÓ.
Ægisútgáfan, 1979. Rvik.
Nöfn sumra þeirra íslenskra bóka, sem út koma fyrir
jólin, virðast stundum ærið tilviljunarkennd. Mig grunar að
stundum séu nöfnin meira valin með tilliti til auglýsinga-
gildis en að bækurnar beri nöfn með rentu.