Morgunblaðið - 20.02.2009, Blaðsíða 8

Morgunblaðið/Eyþór
Þýsk gæði Kaupþing átti m.a. fimm Audi-bifreiðar, tíu Mercedes Benz, fimm MMC, ellefu Toyotur og einn Skoda. Aðeins þrír bílar voru keyptir í fyrra, 13
árið 2007 og 19 árið 2006. Tólf bílar höfðu verið keyptir til bankans fram að því. Benzbifreið Hreiðars Más Sigurðssonar var seld úr landi.
FRÉTTASKÝRING
Eftir Gunnhildi Örnu Gunnarsdóttur
gag@mbl.is
LANDSBANKINN ætlar ekki að
selja bílaflota sinn undir markaðsvirði.
Yfirstjórn bankans bjóðast bifreið-
arhlunnindi, en ekki hafa allir þegið
þau og þar á meðal Ásmundur Stef-
ánsson. Kaupþing hefur selt 27 af 62
bílum Kaupþins en 47 bílanna voru í
eign bankans vegna bifreiðahlunninda
starfsmanna. Nítján bílanna seldu
þeir í janúar eftir að hafa haft sam-
band við nokkrar bílasölur og leitað
tilboða.
Fyrrverandi fjármálaráðherra, Árni
Mathiesen, segir bankann ekki hafa
sótt leyfi hans fyrir sölunni. Hann hafi
reynt að stýra ekki bönkunum úr fjár-
málaráðuneytinu og treyst því að
menn væru þeim vanda vaxnir að selja
bíla á sem hæstu verði. Hann hafi ekki
forsendur til að meta hvort það hafi
verið gert. „Í fljótu bragði hefði verið
skynsamlegri leið að auglýsa bílana til
sölu,“ segir hann.
Finnur Sveinbjörnsson er sáttur við
söluferli þessara 27 bíla. Bókfært verð
þeirra var samkvæmt upplýsingum
bankans 139 millj-
ónir króna, mats-
verð 128 milljónir
og söluverð 90
milljónir stað-
greitt. Átta
bílanna voru
metnir af tveimur
bílasölum og eng-
inn þeirra seldur
undir bókfærðu
verði, en í janúar
voru 19 bílar seldir með þeim hætti að
leitað var tilboða hjá bílasölum og
besta tilboðinu að mati bankans tekið,
þó ekki því hæsta því þar var óskað
lánafyrirgreiðslu.
„Meðalafsláttur var því 30%,“ segir
Finnur og telur aðferð bankans við
söluna standast skoðun. Tilboðið sem
bankinn tók hafi verið það eina þar
sem staðgreiðsla bauðst. „Okkur
fannst mikilvægast að sitja ekki uppi
með bílana svo mánuðum eða miss-
erum skipti. Þetta voru bílar í dýrari
kantinum og markaður fyrir þá hefur
verið mjög erfiður,“ bendir Finnur á.
Hann líti svo á að með því að leita til
nokkurra bílasalna hafi bankinn boðið
bílana út. Honum finnist sem ferlið
hafi verið gegnsætt og jafnræðis gætt.
Sumir hafa velt því fyrir sér af hverju
bílarnir voru ekki boðnir upp á vegum
Ríkiskaupa sem selur ríkiseignir. Júl-
íus S. Ólafsson, forstjóri Ríkiskaupa,
bendir á að stofnun hans nái ekki til
sjálfseignarstofnana ríkisins en segir
að hefði stofnun hans fengið málið í
hendur hefði það verið afgreitt undir
formerkjum gegnsæis og jafnræðis.
Eignir í söluferli hjá Ríkiskaupum séu
auglýstar. „Það er ekki mitt að dæma
um hvað þessu fólki hefur þótt heppi-
legt að gera. Ég get aðeins sagt
hvernig við vinnum.“
Finnur segir að ekki hafi verið ákveðið
hvernig staðið verði að sölu bílanna
sem enn eru í eigu bankans.
Bílar Glitnis í rekstrarleigu
Landsbankinn gat ekki upplýst hve
margar bifreiðar bankinn ætti en stað-
an er önnur hjá Glitni en hinum rík-
isbönkunum tveimur. Þar er 31 bifreið
í umsjá bankans, 23 starfsmenn aka
um á bílum hans á uppsagnarfresti og
greiða af þeim hlunnindum skatt.
Bankastjórinn hefur bifreiðahlunn-
indi. Bílarnir eru að stærstum hluta í
rekstrarleigu. Þeir verða því ekki
seldir en unnið er að því að skila bíl-
unum til bifreiðaumboða. „Það er snú-
inn gjörningur og getur kostað meira
en að hafa bifreiðarnar út leigutím-
ann,“ segir Már Másson, upplýsinga-
fulltrúi Glitnis. Bankinn leiti lausna.
Lúxusbílar staðgreiddir
 Bankastjóri Kaupþings telur lúxusbílasöluna standast skoðun  Forstjóri
Ríkiskaupa hefði auglýst en hefur ekki umsjón með eignasölu sjálfseignarstofnana
Finnur
Sveinbjörnsson
8 FréttirINNLENT
MORGUNBLAÐIÐ FÖSTUDAGUR 20. FEBRÚAR 2009
Bílaheildsalinn Georg L. Mikaels-
son, framkvæmdastjóri Úranusar,
hringdi í Kaupþing fyrir áramót og
sýndi bifreiðum bankans áhuga.
Hann segir að þá þegar hafi ein-
hverjar bifreiðar bankans verið
seldar. Hann staðgreiddi 19 bíla og
segir að hann hafi fengið um 30%
slegin af markaðsvirði þeirra. Kaup-
in hafi þó ekki verið sá happafengur
sem virst hafi í upphafi því margar
bifreiðarnar sem Úranus keypti hafi
verið í slæmu ástandi. „Dæmi voru
um ónýta skiptingu í bíl og um-
gengnin um suma var mjög slæm,“
segir Georg. „Sumir bílanna voru
aldrei smurðir.“ Meðal þeirra bíla
sem Úranus keypti var lúx-
usbifreiðin sem Hreiðar Már Sig-
urðsson, fyrrverandi forstjóri Kaup-
þings ók, Benz ML 63. „Ég seldi
hann til viðskiptavinar í Finnlandi.“
Georg segir meginhluta bílanna
hafa farið úr landi; til Þýskalands,
Belgíu og Túnis. „Söluverð er trún-
aðarmál en ágóðinn var í lagi, þó að
hann hafi ekki verið eins fýsilegur
og á horfðist í upphafi,“ segir
Georg. „Ég hefði aldrei keypt bílana
á markaðsvirði og selt.“
Seldi lúxusbíl Hreiðars til Finnlands
„ÞETTA getur
skipt sköpum ef
vel verður staðið
að þessu. Næstu
tvö árin gætu ver-
ið þarna 300 til
400 manns í
vinnu,“ segir Þor-
björn Guðmunds-
son, fram-
kvæmdastjóri
Samiðnar, um þá
ákvörðun að halda áfram byggingu
tónlistarhússins.
Að sögn hans virðist atvinnuleysi í
byggingariðnaði og mannvirkjagerð
nú vera að nálgast 20%. Samiðn hefur
lagt áherslu á að skipulagi við bygg-
inguna verði hagað þannig að sem
flestir starfsmenn í byggingariðnaði
geti fengið þar störf. „Ég held að allir
séu sammála um að þarna verði ekki
menn við vinnu í 12 til 14 tíma á dag,
heldur verði frekar unnið á vöktum,
þannig að fleiri starfsmenn komi að
þessu.“
Þorbjörn segir engin rök fyrir öðru
en að íslenskir byggingariðn-
aðarmenn og erlendir starfsmenn
sem búsettir eru á Íslandi fái vinnu
við byggingu hússins. Verktakinn
ÍAV hefur verið með erlenda starfs-
menn við steypuuppslátt en Þorbjörn
segir að þeim verkþætti sé að ljúka.
Ekki er hins vegar víst að Íslend-
ingar fái að vinna við uppsetningu
glerhjúps tónlistarhússins, sem verið
er að smíða í Kína. Það ræðst af því
hver tekur á sig ábyrgðina af upp-
setningunni, sem er vandasöm. ÍAV
vildi að framleiðandinn sæi um upp-
setninguna og bæri ábyrgð á verkinu.
Gert hafði verið ráð fyrir að kín-
verskir starfsmenn á vegum fram-
leiðandans settu hjúpinn upp og var
talið að 70 til 120 manns gætu komið
að því verki. Þetta þarf nú að endur-
skoða að mati Þorbjörns. „Ég tel að
Íslendingar hafi alla þekkingu til að
bera til að gera þetta.“
omfr@mbl.is
Getur
skipt
sköpum
Þorbjörn Guð-
mundsson
Um 20% atvinnu-
leysi í greininni
Eftir Björn Jóhann Björnsson
bjb@mbl.is
VILJAYFIRLÝSING var undirrituð
í gær af hálfu menntamálaráðherra
og borgarstjóra um að halda áfram
framkvæmdum við tónlistarhúsið og
ráðstefnumiðstöðina við Austurhöfn-
ina í Reykjavík. Fyrr um daginn
hafði borgarráð gefið samþykki sitt
samhljóða fyrir verkinu.
Á fundi með fjölmiðlum lýstu
Katrín Jakobsdóttir mennta-
málaráðherra og Hanna Birna Krist-
jánsdóttir borgarstjóri yfir mikilvægi
þess að halda framkvæmdunum
áfram. Það hefði verið betra fyrir alla
að tryggja framgang verksins, ekki
síst í ljósi þess hve mörg störf sköp-
uðust en talið er að um 600 störf
tengist verkinu.
„Við fórum vandlega yfir þá mögu-
leika sem voru í stöðunni. Það er auð-
vitað dýrt að klára húsið en það hefði
verið enn dýrara að geyma fram-
kvæmdir. Við þurfum því að hafa í
huga langtímahagsmunina sem felast
í þessari ákvörðun,“ sagði Katrín.
Fjármagnað heima fyrir
Framkvæmdir gætu hafist strax í
næstu viku ef fjármögnun verður
lokið en Nýi Landsbankinn hefur
ásamt Glitni og fleiri íslenskum fjár-
málafyrirtækjum tekið að sér að
tryggja fjármögnun á því sem eftir er
með lánveitingu til sjö ára. Kostn-
aður við að ljúka framkvæmdum er
áætlaður um 13,3 milljarðar króna,
auk vaxta á byggingartíma. Eru von-
ir bundnar við að framkvæmdum
ljúki í byrjun árs 2011, sem er rúmu
ári síðar en upphaflega var áætlað.
Allar verkáætlanir verða endurskoð-
aðar og stefnt er að töluverðum
sparnaði í framkvæmdum við húsið
og innréttingar þess. Austurhöfn-TR
ehf. mun taka verkið yfir og miðast
allar áætlanir við að ekki þurfi að
koma til aukin framlög ríkis og borg-
ar frá því sem ákveðið var árið 2004,
þegar verkið var fyrst boðið út.
Hanna Birna sagði jafnframt að
það væri lykilatriði fyrir stjórnvöld,
borgina og alla landsmenn að upp-
bygging á þessu svæði í miðborg
Reykjavík væri með þeim hætti að
hún endurspeglaði sókn og metnað í
íslensku samfélagi. Samkvæmt vilja-
yfirlýsingunni skuldbinda ríki og
borg sig til að tryggja að uppbygging
á öðrum reitum við tónlistarhúsið
verði flýtt og allra leiða leitað til að
tryggja blómlegt atvinnulíf í næsta
nágrenni. Stefán Hermannsson,
framkvæmdastjóri Austurhafnar,
segir að forsenda yfirtöku félagsins á
verkinu sé að Nýi Landsbankinn út-
vegi lán fyrir áframhaldandi fram-
kvæmdum. Ríki og borg munu síðan
greiða af láninu.
Færri erlendir starfsmenn
Þegar framkvæmdir stöðvuðust í
desember sl. voru um 200 manns að
störfum á svæðinu. Í heild höfðu hátt
í 600 manns atvinnu af byggingu tón-
listarhússins. Hlutfall erlendra
starfsmanna var um 70% en þegar
verkið hefst að nýju er reiknað með
að hlutfallið fari niður í um 20%.
Sigurður R. Ragnarsson, fram-
kvæmdastjóri fyrir ÍAV vegna tón-
listarhússins, segir það taka ein-
hvern tíma að hefja framkvæmdir að
nýju. Manna þurfi verkið upp á nýtt
og er verið að ráða mannskap þessa
dagana. Hluti af þeim starfsmönnum
sem voru á svæðinu þegar verkið
stöðvaðist er farinn af landi brott,
öðrum hafði verið sagt upp og enn
aðrir fengu vinnu við önnur verkefni
hjá ÍAV.
Að sögn Sigurðar þarf að ráða
nokkra tugi nýrra starfsmanna á
næstu dögum en þegar líður á árið
verður aukið við mannskap enn frek-
ar vegna fleiri verkþátta. Talið er að
um 200 manns muni á næstunni
vinna á staðnum við verkið sjálft.
Áfram unnið við Austurhöfn
 Ríki og Reykjavíkurborg rita undir viljayfirlýsingu um byggingu tónlistarhúss og ráðstefnumiðstöðv-
ar við Austurhöfn  Forsenda yfirtöku Austurhafnar-TR á verkinu er fjármögnun íslensku bankanna
Morgunblaðið/Kristinn
Áfram Stefán Hermannsson frá Austurhöfn, Katrín Jakobsdóttir og Hanna
Birna Kristjánsdóttir voru hýr á brá í gestastofu tónlistarhússins í gær.
13.300
milljónir kostar að klára verkið
600
störf skapast á byggingartíma
2011
eru verklok áætluð